الدولة مو مسؤوله تشتري لك بيت
امريكا اعظم بلد اقتصادي في العالم
وألمانيا اعظم اقتصاد في اوروبا
والصين واليابان اعظم اقتصادات اسيا
وسويسرا أغنى بلد في العالم
كلهم ما يشترون بيوت لمواطنينهم
ثقافه ابي اسكن فيلااااا دورين وملاحق وحوش وكراج هذي شيلوها من راسكم ، مثلك مثل بقيه شعوب الأرض . اسكن في شقه .
على العموم كل شي بيتغير مع الوقت
قبل ثلاثين سنه مثلا روح شوف الأحياء القديمة في الرياض ، كانوا الناس يبنون فلل لاتقل مساحتها عن 900 و 800 متر. شوي شوي ومنذ 15 سنه بدا الناس يبنون بيوت متوسط مساحه 400 متر . وشوي شوي بدا الكثير في تملك شقق . وشوي شوي بيرضون يسكنون شقق وتكون قناعته فيها.
ماضيعكم الا تفكيركم وهو ابغى ابني فيلا ودوين وسطح وغرفه للشغالة وحوش يرمح فيه الخيل من وسعه وحديقه . وأحط بيت شعر او مشب . وكراج سياره واحط بعد مسبح صغير . وقعد المسيكين يكرف كل عمره ويجمع في رويتبه عشان يحقق هذا الحلم التعيس اللي بمجرد مايسكنه يكون مضى ثلاثة ارباع عمره ثم يعيش فيه سنوات قلال ثم ينتقل ليسكن في المقبره الى ان تقوم الساعه .
غيرو طريقه تفكيركم . اتكلم عن الناس ذوي الدخل المحدود يعني أبو رويتب حتى لو هو 15 الف .
صدق وزير الإسكان يوم قال أزمة السكن أزمة وعي . الشعب يبيله يتوعى. المشكله صرعتونا تمدحون اليابان مثلا واليابانيين حسب احصائية اغلبهم يسكن منازل تقل مساحتها عن 100 متر.
كل واحد يمد رجليه على قد لحافه لا يطير حتى اللحاف ومايلقى وش يتغطى به