logo



قديم 10-04-2020, 02:02 PM
  المشاركه #1
عضو هوامير المميز
تاريخ التسجيل: Feb 2018
المشاركات: 3,039
 



شوركم ياجماعة أجلس بالبيت والا أطلع تفاديا للمشاكل ؟

السلام عليكم.
في بداية الحظر الجزئي كان الوضع ماشي نوعا ما ولكن مع الحظر الكلي بدأ الملل فيني .
وضعي بالبيت متكهرب شوي . وأنا عندي مزرعة قريبة من الرياض ورحت لها كم مرة وقت الحظر وجلست فيها يوم يومين متقطعة بس الوالده زعلت على وقالت خلك عند عيالك .. وعيالي مايبغون يجلسون بالمزرعة كل الأيام . وأنا أفكر أشيل عفشي وأجلس بالمزرعة وأذا أحتاجو عيالي أغراض وصلتها لهم بطريقتي .
طبعا الى أفكر أسويه هو تلافي للمشاكل وعلشان ماتكبر أكبر من كذا .

الموضوع الأصلي : اضغط هنا    ||   المصدر :

ساحات الهوامير المفتوحة



 
 
قديم 10-04-2020, 02:07 PM
  المشاركه #2
مشرف رقابي على أقسام المنتدى
تاريخ التسجيل: Jun 2012
المشاركات: 11,108
 



السلام عليكم ورحمة الله وبركاته
اذا مثل ماذكرت الوضع متكهرب بينك وبين ام عيالك
فالافضل انك تروح مزرعتك لثلاث او اربع ايام
الين النفوس تهدى
ونصيحة أخ محب فكر بحسنات عيالك والاشياء الطيبه الي فيهم
وباذن الله النفوس تهدى وترجع الحياه أفضل من الأول
همسه لايخلو بيت من المنغصات وبالاستمرار وطول العشره تذوب جميع المنغصات




رد: شوركم ياجماعة أجلس بالبيت والا أطلع تفاديا للمشاكل ؟
قديم 10-04-2020, 02:12 PM
  المشاركه #3
عضو هوامير المميز
تاريخ التسجيل: Apr 2007
المشاركات: 3,547
 



حسب وضعك اهم شيء توصيل الاغراض للبيت عندك احد يجيب لهم الاغراض مع ان مرسول ما خلا شيء يطلبون ويصل الطلب بس كيف تقدر تروح المزرعه انا عندي محل من المحلات لازم اطلع له عشان فيه اغراض وفلوس وودي اطفي الكهرباء عن بعض الاجهزه لان العامل الي شغال بالمحل هذا الان ساكن بالبطحاء عكس المحلات الثانيه العامل قريب من المحل وكل يوم يمريشوفه

بالنسبه لي الانسان هو الي يقدر وضعه ويقرر الي بصالحه ولكن انا مثال اغلب وقتي بمكتبي ما تفرق حظر او غير حظر انا الي سويت حظر لنفسي عشان ما يزيد التوتر بصفه عامه




قديم 10-04-2020, 02:13 PM
  المشاركه #4
عضو هوامير المميز
تاريخ التسجيل: Sep 2019
المشاركات: 5,156
 



الا رح لمزرعتك الله يسعدك وفلها
واهم شي قبل لا تروح وفر اغراض عيالك وامهم وعطهم مبلغ يدبرون انفسهم لو احتاجو شي




قديم 10-04-2020, 02:15 PM
  المشاركه #5
عضو هوامير المؤسس
تاريخ التسجيل: Nov 2005
المشاركات: 17,498
 



عندك من الساعة 6 الى 7 الصباح
تقدر تروح وتخرج مثل ماتحب
والافضل تروح للمزرعة بدون ما تعلم الوالدة
اجلس كم يوم وارجع عند عيالك يوم يومين ثم ارجع المزرعة والله يوفقكم




قديم 10-04-2020, 02:16 PM
  المشاركه #6
عضو هوامير المميز
تاريخ التسجيل: Aug 2019
المشاركات: 2,842
 



استغرب اللي عنده مزرعه او استراحة وحابس نفسه بالبيت
دايما راعي المزرعه مايتحمل البيت وبيسبب مشاكل




قديم 10-04-2020, 02:17 PM
  المشاركه #7
عضو هوامير المؤسس
تاريخ التسجيل: Nov 2005
المشاركات: 17,498
 



اقتباس:
المشاركة الأصلية كتبت بواسطة مغرد يغرد
استغرب اللي عنده مزرعه او استراحة وحابس نفسه بالبيت
دايما راعي المزرعه مايتحمل البيت وبيسبب مشاكل
وضع الرجال مختلف




قديم 10-04-2020, 02:17 PM
  المشاركه #8
كاتب مميز
تاريخ التسجيل: Sep 2012
المشاركات: 10,110
 



اقتباس:
المشاركة الأصلية كتبت بواسطة خالد05
السلام عليكم ورحمة الله وبركاته
اذا مثل ماذكرت الوضع متكهرب بينك وبين ام عيالك
فالافضل انك تروح مزرعتك لثلاث او اربع ايام
الين النفوس تهدى
ونصيحة أخ محب فكر بحسنات عيالك والاشياء الطيبه الي فيهم
وباذن الله النفوس تهدى وترجع الحياه أفضل من الأول
همسه لايخلو بيت من المنغصات وبالاستمرار وطول العشره تذوب جميع المنغصات
احسنت واجدت ..النبي عليه الصلاة والسلام الناصح الامين قال بحديث صحيح

((لايفرك مؤمن من مؤمنه ان كرها منها خلقا رضي منها خلق اخر ))

توجيهات عظيمه لبناء اسره ومجتمع وكيان عظيم ..ماترك خير الا وصانا به

ولا شر الا حذرنا منها ..الله يجعلنا نشرب من يده الشريفه شربة لانضمأ بعدها ابدا

ومن الاعجاز النبوي العزل للمرضى بالاؤبه وعدم مخالطتهم كمثال

روى البخاري (5739) ، ومسلم (2219) عن عبد الرحمن بن عوف رضي الله عنه أنه قال : سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ : (إِذَا سَمِعْتُمْ بِهِ [يعني : الطاعون] بِأَرْضٍ فَلَا تَقْدَمُوا عَلَيْهِ ، وَإِذَا وَقَعَ بِأَرْضٍ وَأَنْتُمْ بِهَا فَلَا تَخْرُجُوا فِرَارًا مِنْه) .

الخلاصة رح للمزرعه ووسع صدرك وضبط شويهي وكبسه وفلها..

وترا كل النساء فيهن صفات حلوه وصفات سيئة .. لذلك لاتحسب العيب بااهلك فقط..

فقط ..كذلك الرجال فيهم عيوب ...بعضهم لايتحمل مسؤوليه او عصبي ......





قديم 10-04-2020, 02:18 PM
  المشاركه #9
عضو هوامير المميز
تاريخ التسجيل: Feb 2018
المشاركات: 3,039
 



شاكر لكم جميعا .
طبعا أنا خايف يعدونها أنانية مني وأني ماجلست معهم بهالوقت مع أني حاولت فيهم أكثر من مرة نروح نجلس فيها الى مايحلها الله ولكنهم رافضين وخاصة بناتي .




قديم 10-04-2020, 02:28 PM
  المشاركه #10
عضو هوامير المميز
تاريخ التسجيل: Apr 2007
المشاركات: 3,547
 



اقتباس:
المشاركة الأصلية كتبت بواسطة التميمي22
شاكر لكم جميعا .
طبعا أنا خايف يعدونها أنانية مني وأني ماجلست معهم بهالوقت مع أني حاولت فيهم أكثر من مرة نروح نجلس فيها الى مايحلها الله ولكنهم رافضين وخاصة بناتي .
اذا كنت قريب من اولادك يعني من النوع الي يجلس ويسولف معهم ومتعودين عليه فان ذهابك فعلا يعتبر انانيه

ولكن انت ربطت الطلعه بالتخلص من التوتر هل لانه انت بنفسك طفشت من الحجر او عشان كثره الاحتكاك تسبب مشاكل اذا السبب الاول فنصيحه حاول تشغل نفسك باشياء تروح الطفش منك واذا السبب الثاني اعزل نفسك وانت في بيتك وخل جلسوك معهم محدد خمس دقائق عشر وبعدها اسحب نفسك ولا تدخل بالجدل ابد




قديم 10-04-2020, 02:56 PM
  المشاركه #11
عضو هوامير المميز
تاريخ التسجيل: Apr 2019
المشاركات: 92
 



اطع امك اجلس عند عيالك

وخلك في غرفتك الخاصه اصنع لك شغله او سو اللي تحبه وشاركهم بالاكل مثلا او جلسات خفيفه وارجع لمكانك
وللمزرعة روح كل اسبوع مثلا يومين تتابع اشغالك وتشوف الجديد




قديم 10-04-2020, 03:03 PM
  المشاركه #12
عضو هوامير المميز
تاريخ التسجيل: Feb 2010
المشاركات: 3,912
 



الله ييسر امرك

سو الشيء اللي ترتاح له نفسك من دون أن يكون فيه ظلم لغيرك







الكلمات الدلالية (Tags)

للمشاكل

,

مجلس

,

مطلع

,

والا

,

بالبيت

,

تفاديا

,

ياجماعة

,

شوركم


أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



11:30 AM