استفسار اجهزه توفير الكهرباء - هوامير البورصة السعودية

مشاهدة نتائج الإستطلاع: ايش اهم شي اغير بوجه نظرك

المكيفات

75.00%

الثلاجات

25.00%

اللمبات

المصوتون: 4. أنت لم تصوت في هذا الإستطلاع

23-04-2020, 05:10 AM

المشاركه #1

مضيع اسهم

عضو هوامير المميز

تاريخ التسجيل: Dec 2019

المشاركات: 10

استفسار اجهزه توفير الكهرباء

السلام عليكم

ناوي اوفر من فاتوره الكهرب الي كاسره ظهري
شهريآ بالصيف من 5000 الى6500ريال

طبعا ساكن ببيت الوالده الله يطول بعمرها وعارفين معنى بيت الجده دايم مليان

المهم البيت مساحته 800 متر وفيه 23 مكيف صندوق و4ثلاجات وفريزرين واغلبها تشتغل 24 ساعه

اول شي الحمد لله على كل حال دامها على فلوس اهم شي امي الله يحفظها مبسوطه بشوفه احفادها الزبده

قررت اشتري 10 مكيفات سبيلت الي توفر الطاقه

ثاني شي دورت ثلاجات كبيره عشان بدال ما اربع كمبراسرات لك ثلاجه يصير كومبروسر كبير واححدد يعني ثلاجه كبيره بحجم اربع ثلاجات 20 قدم وموجود بها جه فريزر

هل الي انا سويته راح يخفظ الفاتوره بنسبه تستاهل او ماراح استفيد شي ؟؟

هل تنصحوني اخلي الثلاجات بعدين واغير جميع المكيفات الى سبلت عشان التوفير

اتمنى مساعدتي واقتراح الافضل اذا امكن مع العلم المنزل عمره 30 سنه

لولا الحاجه ما طلبت رايكم لا تبخلون على لو تكرمتو

اللمبات ال الدي هذي بعدين اتفاهم معها

اذا فيه اقتراحات ثاني للتقليل من الاتسهلاك اتمنى كتابتها
ضروري ضروري جدا راتبي يروح كله كهرب

الموضوع الأصلي : اضغط هنا || المصدر : منتدى هوامير البورصة السعودية


إعلانات

29-05-2020, 12:06 PM

المشاركه #2

افضل علي

عضو هوامير المميز

تاريخ التسجيل: Feb 2012

المشاركات: 1,484

الله يكتب اجرك ويرزقك بر اميتك

02-07-2020, 08:45 AM

المشاركه #3

مضيع اسهم

عضو هوامير المميز

تاريخ التسجيل: Dec 2019

المشاركات: 10

جزاك الله خير
وياك يارب

21-07-2020, 03:07 AM

المشاركه #4

اقتباس

عضو هوامير المميز

تاريخ التسجيل: Jul 2018

المشاركات: 1,809

الي يستهلك الكهرب اكثر شي
1- اي شي يحول الى حار مثل الصخانات والمكوى و الغلاية والنشاف التوماتيك (الشتاء)
2- اي شي يحول الى بارد الثلاجات والمكيفات (الصيف) بالعادة فاتورة الصيف اكثر عشان المكيفات.
3- اخر شي اللمبات ما تصرف كثير بالمقارنة مع غيرها.

الافضل لك انك تحول كهرب البيت كامل من 110 الى 220 اذا هو 110 هذي تجيب لك عامل يحوله لك كامل البيت من الطبلون موضوعها بسيط لكن راح تحتاج تغير كل شي (لمبات) مراوح وغيرها الي تشتغل على 110 بالعادة الالكترونيات تقبل 110 و 220.

الثلاجات اذا هي قديمة مره الافضل انك تبدلها (مو ضروري) عشان الجديدة تكون متوافقة مع كفاءة الطاقة ولما توصل لدرجة برودة محددة يفصل الكمبرسر حقها.
الفريزرات نفس الشي والافضل انك تقلل العدد وتاخذ عدد اقل مقاس كبير. يعني بدال ما تكون 2 صغار خذ 1 كبير موديل جديد عشان يفصل لما يبرد ما يكون شغال 24 ساعة.

المكيفات، مكيفات الشباك رهيبة لكن مشكلتها تستهلك كهرب كثير، الافضل لك انك تغيرها الى مكيفات سبلت (لا تاخذ شركات غير معروفة) خذ شركات عليها العلم وتأكد ان عليها ضمان. مكيفات السبلت لا تستخدمها في الاماكن المفتوحة مثل الصالة ما تصلح لها لأنها ما راح تبرد وبتكون شغالة وقت طويل. الافضل لك في الصالة والاماكن المفتوحة تستخدم صحراوي (صحيح انه متعب) لكن افضل من ناحية توفير الكهرب والتبريد (للاماكن المفتوحة طبعاً).

واذا حاب تسوي التغيير هذا كلة، لا تسويه كله مره وحدة اول خطوة تحويل كهرب البيت الى 220 هذي مهمة ولزم تغيير اللمات كلها (خذ لمبات ليد) والمراوح حقات الحمامات والي في البيت وسو معها المكيفات.

شف النتيجة اذا تشوف ان فيه اختلاف غير الثلاجات والفريزر.

لكن لا تتوقع انك راح تشوف فرق كبير في الفاتورة. الله يوفقك ويجزاك خير.

03-01-2021, 02:01 AM

المشاركه #5

بن_صالح

عضو هوامير المميز

تاريخ التسجيل: Feb 2020

المشاركات: 8

موضوع جيد مشكورين

12-01-2021, 10:56 PM

المشاركه #6

ad12345el

عضو هوامير المميز

تاريخ التسجيل: Oct 2020

المشاركات: 58

ممكن المكيفات هي اكثر شي يصرف كهرباء على كلام الخبراء والله يعينك

الكلمات الدلالية (Tags)

الكهرباء, اجهزه, استفسار, توفير

« للبيع.. كمبيوتر صخر قديم | استفسار عن الات تصوير المستندات »

حراج هوامير للسيارات

حراج هوامير للعقار

حراج الخدمات و السلع العامة

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

05:51 AM