تبون الصراحه انا والله من المتضررين من عام 2006
وتوني داخل السوق ب 40 الى 50 الف الحمدلله نطقطق فيها
والله اوقات المؤشر والاسهم لاتحترم تحاليل فنيه ولا اخبار شركات ايجابيه ولا يحزنون . مير الواحد يقسم محفظته
ويخلي اقل شي ثلث المحفظه سيوله نقديه ويسميها خط احمر ما يستخدمها الا في اصعب الاوقات . مهما كان السوق مغري .. واذا اشترى في سهم ونزل حاجه بسيطه جدا لا يبيعه ويدخل سهم ثاني عشان تعوض . تراك كل شوي وانت تخسر من راس المال . وانت تبي تعوظ من سهم لسهم . وتفعيل وقف الخسارة اوقات السوق يكون فيه تذبذبات عاليه . ولا تبيع سهمك الا عندالاغلاق تحت وقف الخسارة .
احيانا تبيع سهمك بخسارة او براس المال . ويرتفع سعره وتقول اخ لومابعته . وتجلس على هذا الموال .
واخيرا القناعه كنز لا يفنى . والله يرزقنا واياكم والمسلمين اجمعين . ودمتم بود
03-05-2020, 04:20 AM
