ياجماعة اقسم بالله ان عقلي بيطير، معقولة مهندس دارس بأمريكا ما اقدر اشتري بيت بالرياض، وش الفرق بيني وبين الي ما تعلم ودرس وتعب وشقى واغترب
بالنهاية كلنا نسكن بشقة مع فارق الاثاث والفخامة
المنازل صارت بعيدة عنا ليه كذا، يا وطني كل الي ابيه فيلا صغيرة فيها حوش لي ولعيالي، اقسم بالله بتطقني الغلقة من الشقة، ليه كل اصدقائي الاوربيين والامريكان الي درسوا معي كلهم تخرجوا معي وكل واحد شرا له بيت وانا إلى الحين ماني قادر اشتري حتى دور في الرياض
إلى متى أزمة العقار اقسم بالله شئ يحز بالخاطر، صار امتلاك منزل حلم بالنسبة لي ما اقدر اطوله، اللهم عليك بالعقاريين والمتحكرين انهم حرمونا حتى شم من الهواء، أتمنى الحكومة تطبق ضريبة تملك 60% كما هو معمول في الغرب عشان يصير العقار سلعة غير مستهدفة والوصول له عادل للجميع