logo





قديم 23-05-2020, 11:03 AM
  المشاركه #1
عضو هوامير المميز
تاريخ التسجيل: Jan 2020
المشاركات: 398
 

كثير منكم سمع ورأى ان اغلب المشاريع او كلها تقريبا الي يلازمها ويديرها ويشرف عليها صاحب المشروع السعودي تفشل فشل ذريع وكارثي وتنتهي بالفلس


لو اخذنا اي مشروع وتعبت عليه وكلفك ماليا وصحيا وعقليا ومراجعات الخ ....

تحقق ماكنت تطمح ان تريدة وتسعى لمردود طيب يغنيك وترزق منه وكف حاجتك عن الناس وتحقق حلمك كاسعودي يريد يفيد نفسه وتنمية بلدة


لكن للاسف يبي يفشل واغلب المشاريع تتم بالطريقه الي تحت


حاله الاجنبي ماله الا راتبه وضامن الراحه وقله الحماس يعني زي الموظف ينتظر لكن باسؤ لانه مايبيك تصير بوجهه وتشغله وتخليه يشتغل على كيفة بمعنى ينهبك على رواق
ويبي المشروع يفشل علشان يقولك لك انت ماتعرف وووووالخ
وابي كذا نسبه ولك كذا اذا تبيني انقذ مشروعك !!
وكأنك الاجنبي العامل وهو المواطن صاحب العمل !

يتحول المشروع لنفط الثانية

V

V


هنا المشاريع الي مايلزمها السعودي ولايديرها وكرهها ويبي حبل ينقذ مشروعه من الافلاس هنا الاجنبي المستغل يأخذ النسبه المتفقه من 30الى 60٪ من الدخل الشهري بالكثير والباقي لك ياسعودي طبعا ملاحظه ان المشروع كله باسمك والتكلفة الاولية من جيبك
وهنا يفشل بسبب التكلفه الاوليه وتكون خسران لكن المشروع قائم ! هو المستفيد ويعيشك في احلام ورديه انها فتره ويتحسن المشروع والخير كله جاي وووالخ من هالكلام ...

ثم مايلبث ان يحولك لدرجه الاخيرة حبل النجاة

V
V

V

وهو انه يعطيك فتات الخبز اليابس وياكل هو الشحم واللحم ويشرب معه المرق ايضا ..
وهو انه مايكلفك اي شي الا المسؤلية فقط والاوراق والمحل باسمك طال عمرك نفسه وتجينا اخر الشهر تشحذ اقصد تجي تاخذ الف الفين حق الاسم بس طبعا انت هنا مالك علاقه في اي شي الا الاسم فقط حتى العماله هو الي يجيبهم باسمك ويجدد اقاماتهم وووالخ
بالطبع انت هنا مخالف لنظام وتتحمل يمكن التستر والغش والبلاوي كلها الي يصلحونها وانت ماتدري يعني باي لحظه قد تغرم مبالغ كبيرة من الدوله وهو اكثر مايجيبه يسفرونه لبلدة

تكون خسرت غرامات ويمكن سجن اذا الموضوع كبير ومشروعك تبخر



#المشاريع ماقصد محل او تموينات اقصد المشروع الي لايقل عن 500 الف كحد ادنى الي فيها عماله وتكلفه وتجديد وكذا

المشاريع الصغيرة من محلات كلها باتفاق مع صاحب المحل زي الحاله الاخيرة بالضبط

المشاريع الناجحة هي الي ياخذون منك 60٪ اقل شي بدون تدخل منك

(((الحل التخلص من العماله الاجنبية بكافة انواعها والسعودة )))

الموضوع الأصلي : اضغط هنا    ||   المصدر : منتدى هوامير البورصة السعودية

 
 
قديم 23-05-2020, 11:24 AM
  المشاركه #2
عضو هوامير المميز
تاريخ التسجيل: Oct 2011
المشاركات: 3,627
 

للأسف نحط الاجانب شماعه لفشلنا....



قديم 23-05-2020, 12:08 PM
  المشاركه #3
عضو هوامير المميز
تاريخ التسجيل: Jun 2013
المشاركات: 8,609
 

انتو تجيبون اجانب
تخلونهم يغسلون هافاتكم
و يسوون لكم اكل
يبعيون و يفصلون ملابس لزوجاتكم و يكشفون عن زوجاتكم
و يخدمونكم و انتو بالامكان الاستغناء عنهم



الخليجين صرافه فلوس و العالم لقو فرصه يستغلونكم


هذا حقيقتكم




بلا هياط




قديم 23-05-2020, 09:36 PM
  المشاركه #4
عضو هوامير المميز
تاريخ التسجيل: Feb 2017
المشاركات: 74
 

هي عقلية و طريقة تفكير. الرجال المتمكن من مشروعه و متفرغ له بينجح غصب. ايه نعم فيه معوقات و القرارات الاخيره ضرت الي يشتغل ولا المتستر ما عليه لان شغله الاساسي مركز علي القرارات اما الي يشرف علي مشروعه بنفسه و تلقي حاط لنفسه خطه و تحسين لمشروعه يفجاء بقرار بدون سابق انذار ينسف مشروعه و لنا في الخمس سنوات الاخيرة اكبر مثال. عن تجربة شخصية في مشروع بدأت فيه و بعد المراجعات و وجع الراس الي استغربت منه و لا توقعت انه الي الان موجود في السعودية رسوم من البداية الي النهاية و انا ما يغبني الا ال٥٠٠ حقت البريد السعودي مع ان عندي بريد بس لازم تدفع ال٥٠٠ و اذا قلت لهم ارسلوا علي البريد يقولون لك لا اجل وش الفايدة. المتستر له الف طريقة اما الي يبي يشتغل و مركز في شغله فجاءه يطلعون لك بقرار عشان يقضون علي المتستر و علي اصحاب المشاريع الصغيره الي في بدايتها و هذا احد اسباب ان ما عندنا صناعة الواحد اذا راح بيفتح منشاءه يصنفونه متستر علي طول و يبي يبيع فيز يكفيك الاقرار الي قبل تطلب الفيزة يحسسك انك طالب شئ ممنوع. اشك في مؤهلات من وضع القرارات و ما سوي دراسة كاملة ياخي الامارات ما شاء الله عليه قبل ١٥ سنه ما عندهم صناعة الحين تقريبا كل شئ يتصنع عندهم. ليش حنا مو مثلهم ليه ما نرسل اصحاب القرارات الي عندنا للإمارات يعلمونهم كيف يسوون خطه اقتصادية يعتمدون فيها علي المواطن. والله لو يتطبق نظام شبيه بنظام الامارات ان تنافس السعودية الدول العظمي في الصناعة. كل شئ عندنا و لله الحمد متوفر من مواد خام الي الماده ليش التأخر كذا. حنا المفروض صادراتنا من الصناعة و المواد البتروكيماوية تتخطي دخل النفط. المواطنين بيتعدون ٢٠ مليون و اغلبهم متعلمين علي الاقل ١٠٠ الف منهم بالتأكيد بيطلع بصناعات تنفع العالم كله. لكن مجرد التفكير في بداية المشروع تجيب لك المرض و الهم تلقاها من عمال ولا الحصول علي التراخيص في ٢٠٢٠ و بعد التحول الالكتروني الي الحين فيه معقبين لانه لا يزال الخلل موجود بلعكس الا عقدوها اكثر. اجل ١٠٠٠٠ ريال قيمة تجديد تأشيرة و الله مصيبة اذا في بالهم ان هذا مصدر دخل ياخي اكبر دول العالم ما تاخذ حتي ٢٠٠٠ ريال. لكن وش يسوي الواحد لا يقدر يسفر العامل ولا يبغي يخسر فلوسه.






مواقع النشر (المفضلة)

الكلمات الدلالية (Tags)

مشاريعنا

,

الاجانب

,

بسبب

,

فاشلة


أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



11:47 PM