ازمة العقار وحدة من اهم الازمات بالبلد
اللي يعتقد ان العقار بيرتفع عن الأسعار الحالية عندي لك سؤال ؟
كيف تتوقع انه يرتفع والناس الحين وبالظروف الحالية والسابقة ماقدرت تشتري واللي شرى ضحى بأكثر من 50% من راتبه على مدى 15 الى 20 سنة ؟ بالنسبة لي اعتبره جنون
كيف بيرتفع بعدين مين بيشتري ؟
ارتفاع العقار عن الأسعار الحالية مع وجود التقشف والضريبة وتعديل او تخفيض رواتب الهيئات اعتقد انه كارثة وخلل ومصيبة في إدارته
الدولة الان تشتغل على البيوت الجاهزة او البيوت التركيب اللي تخلص بمدة قصيرة واعتقد اسعارها بالمتناول لاحقاً
عندنا بالأحساء الاسكان انجزوا مشروع مساحة الأرض 500 ومسطح البناء تقريبا 200 الخلاصة انهم باعوها بسعر مايتجاوز 460 الف يعني بقسط مايجتاوز 1800 إلى 2000 ريال
هذه المشاريع المطلوبه
المساحة صغيرة للبناء والارض كبيرة يمديك تبني دس اضافي وهذا متروك لك ولقدرتك
ماعندي مشكلة اخذ لي فلة او بويت صغير مساحته 200م دورين وملحق بسعر مقبول وحلو
اعتقد الجيل الحالي تخلى عن فكرة البيوت الكبيرة لأن مالها فايدة سالفة مجلس رجال ومجلس حريم وغرفة طعام رجال وغرفة طعام حريم ومطبخين اجزم انها انتهت لأنها تحتاج تنظيف ومساحات مالها قيمه وفواتير كهرباء عالفاضي
بالإضافة إلى ان الناس او الكثير منهم تخلى عن العزايم في بيته وتوجهوا للأستراحات والكوفيها والمطاعم الراقية
24-05-2020, 01:21 AM
