📌📌📌📌 بطاقة اكتساب أسواق العثيم 📌📌📌📌

المشاركة الأصلية كتبت بواسطة عسكري مديون

بطاقة اكتساب من العثيم
انصحكم فيها ممتازة جدا، والله يا فيها خصومات يحبها قلوبكم.
والأجانب طايحين فيها،
اليوم تقضيت بالعثيم أشياء أساسية رز أبو كأس وكرتون دجاج الوطنية وسكر الأسرة ومعلبات ومنظفات وأشياء واجد والله
طلع الحساب 640 ريال
والكاشيرة سألتني معك بطاقة اكتساب، اذكر قبل شهور مطلعها ومفعلها، قلت يمكن بالسيارة قالت حرام أغلب أغراضك عليها خصوم اكتساب، رحت دورت البطاقة بالسيارة ورجعتلها قلت يمكن خصم عشرين ولا ثلاثين ريال، تدرون كم طلع حسابي بعد خصم اكتساب.
طلع الحساب 475ريال.

طلع الفارق 165ريال، لا ومعطيني رصيد إضافي 7 ريال هدية بالبطاقة.

الكلام هذا قبل الظهر ورجعت للبيت، وبعد الظهر من الفضاوة قلت بمر أسواق المزرعة جنب البيت ومعي الفاتورة، وجلست أقارن بالأسعار نفس أسعار العثيم تقريبا، لكن بطاقة العثيم اكتساب فزعتلي بالخصومات الكبيرة، وسألت أسواق المزرعة عندكم بطايق عروض وخصم قالوا لا.

علشان كذا قلت اعلمكم عن بطاقة اكتساب العثيم وفوائدها، وعطونا تجاربكم عن بطاقة اكتساب.