موقف حدث لي في صلاة الجمعة

المشاركة الأصلية كتبت بواسطة حـلحيل

البارحه كنت بسير على اخوي عقب الصلاة في بيته وقلت خل اصلي الجمعه بالمسجد اللي عندهم عل اساس عقب الصلاة مباشرة اكون عنده واقدر ارجع البيت العصر قبل لا تزدحم الشوارع

دخلت المسجد 11 الا ربع ربما اني اول واحد ماعدا شخص جالس في زاوية المسجد بعيد وصليت وجلست قريب من المنبر
بعد عشر دقايق جاني شايب وقال هذا مكاني ! قلتله انا جاي قبلك ومبكر والمكان لمن سبق

وكانت عندي نيه اني اقوم واخلي له المكان ولاكنه قال لي متهكما ماشاء الله عليك .. ليت كل الناس مثلك ! قلت اي والله ليتهم مثلي الله يسلمك على الاطراء ..

الرجل غضب من ردة فعلي وهدوئي وقعد يشكك فيني وفي نيتي ويقول انا مابي اضيع جمعتي بالنقاش معك .. وانتم تبون تتفردون وتهيمنون على الناس وتسيطرون على المساجد ! نحن ؟ من نحن ؟ سكت وقلت له جزاك الله خير على حسن ظنك ماقدر يقول شي الا انه يقول طيب الحين مافيه مسافة تباعد وعدل سجادته وقال اللي جمبي بيقرب مني 😂 قلت انا فارش سجادتي على اللزق ولا تعديته


هو طبعا لايعرفني وانا لا اعرفه ربما اني لمحته من قبل لا كن اول مره يصير نقاش بيني وبينه والشي الاخر ملامحي غير واضحه له لابس الكمام وفوقها النظارات الشمسيه ولابس عقالي ودقني ماهب طويل 😜

يعني لايوجه الكلام لشخصي لاكن لفعلي بس عجزت افهم وش معنى تسيطرون على المساجد ؟؟

المشاركة الأصلية كتبت بواسطة حـلحيل

ابوي الله يحفظه كنت اذا دخلنا المسجد وحطيت له الكرسي خلف الامام يقول ابعده وده هناك يشر بعصاته على طرف الصف

كنت اقوله ليش يقول هالمكان للمتعلمين عشان ان غلط الامام يردونه


ابوي متقاعد من ارامكو ولاهب شايب مايعرف يقرا ولايكتب