logo

هوامير البورصة السعودية > الاقسام الرئيسية لموقع هوامير البورصة > ساحات الهوامير المفتوحة

العمالة والنصب علينا والله مهزلة....



قديم 07-07-2020, 03:46 PM
  المشاركه #1
f15sa
عضو هوامير المميز
تاريخ التسجيل: Mar 2008
المشاركات: 3,533
 


العمالة والنصب علينا والله مهزلة....

امس تواصلت مع عمال صيانة مكيفات اسبلت مكيف في بيت الوالد يشتغل ومايبرد يطلع هواء حار مع العلم انه جديد يمكن عمره سنتين المهم جو العمال وشافوا المكيف وشغلوه وقال نبغى نطلع السطح ونشوف الوحده الخارجية وطلعنا وفكوه وغيروا البوبينا قطعة صغيرة مثل علبة البخاخ وخلال دقيقتين ركبها وقال الحساب 280 ريال وتهاوشت معهم وقلت له سعر القطعة مايتعدى 30 ريال قال لا قلت ليش كم سعر القطعة قال 50 ريال قلت طيب قال شغل اليد 200 ريال والله اعطيتهم 150 ريال وكرشتهم مع العلم اني مقهور وعارف انه مايستاهل اكثر من 80 ريال ولكن الأجانب لاعبين في البلد ويضحكون على الناس الله لايوفقهم..
العمالة والنصب علينا والله مهزلة....
الموضوع الأصلي : اضغط هنا    ||   المصدر :

ساحات الهوامير المفتوحة
 
  
قديم 07-07-2020, 03:51 PM
  المشاركه #2
صاحب التكسي
عضو هوامير المميز
تاريخ التسجيل: Aug 2013
المشاركات: 30,791
 



الله يعوض عليك
اشوف وضع الاجانب هذه الايام مثل الي يبغى يعوض الاشهر الماضية
الواجب الحذر الشديد جدا في التعامل يحاولن استخرج اكبر قدر من المال من الزبون بكل حيلة
عندي مكيف السيارة البكرة جيمت
ورحت لعدة ورش يقولون الكمبروسر مجيم وتذكرت ان البكرة خربت قبل كذا وصلحتها وحذرني عامل من موضوع ادعاء ان الكمبروسر يحتاج تغيير
تركتهم ورحت عدة ورش باكستانية وكلهم متفقن على موضوع خراب الكمبروسر ولازم اغير بياباني
وفي الاخير تذكرت محل جنوب الرياض ورحت لهم قال بكرة وشداد والشغل ب 80 واجلت الاصلاح الى ان اتفرغ للمشكلة





قديم 07-07-2020, 08:02 PM
  المشاركه #3
eagle_1
عضو هوامير المميز
تاريخ التسجيل: Feb 2015
المشاركات: 1,590
 



الكابستر سعر الكوري 50 ريال غيرته للمكيف الشباك عن طريق اليوتيوب وصورة للأول كيف راكب ترتيب الأسلاك بدون عمال ونصب, اليوتيوب بحر فيه كل مايخطر على بالك عن الصيانة المنزلية بس ابحث وحلها بنفسك



قديم 07-07-2020, 08:31 PM
  المشاركه #4
مهاجر الماضي
عضو هوامير المميز
تاريخ التسجيل: Feb 2019
المشاركات: 9,710
 



اقتباس:
المشاركة الأصلية كتبت بواسطة eagle_1
الكابستر سعر الكوري 50 ريال غيرته للمكيف الشباك عن طريق اليوتيوب وصورة للأول كيف راكب ترتيب الأسلاك بدون عمال ونصب, اليوتيوب بحر فيه كل مايخطر على بالك عن الصيانة المنزلية بس ابحث وحلها بنفسك
أنا مثلك عندي الملحق مكاني المفضل المكيف خرب واشوف بالشرح تغيير البويبينه واروح لشارع الظهران واشتريها ب٤٠وارقي معاي ولدي الصغير فوق السلم عشان يتعلم والحين المكيف ماشاء الله ابداع مع انه له فوق عشر سنين عندي



قديم 07-07-2020, 08:39 PM
  المشاركه #5
خالد بن وليد
عضو هوامير المميز
تاريخ التسجيل: Jul 2008
المشاركات: 2,031
 



لابد الان الي مايعرف للصيانة الاساسية ان يتعلم ماشاء الله اليوتيوب ماخلى شي شروحات وبتفصيل شغلات كثيرة تحتاج صيانة ولاكن الكثير لا يستطيع التعامل معها لجهله او لتكاسله الان مع الاوضاع الاقتصاديه لابد من شراء عدة متكامله لصيانة المنزليه سواء كهرباء او سباكه وخاصه الاشياء البسيطة .



قديم 07-07-2020, 09:05 PM
  المشاركه #6
أبو خالد
عضو هوامير المؤسس
تاريخ التسجيل: Apr 2005
المشاركات: 9,852
 



صحيح الكل يلعب علينا الشكوى الله



قديم 07-07-2020, 09:09 PM
  المشاركه #7
مصدر مسئوول
عضو هوامير المميز
تاريخ التسجيل: Oct 2013
المشاركات: 130
 



اقتباس:
المشاركة الأصلية كتبت بواسطة مهاجر الماضي
أنا مثلك عندي الملحق مكاني المفضل المكيف خرب واشوف بالشرح تغيير البويبينه واروح لشارع الظهران واشتريها ب٤٠وارقي معاي ولدي الصغير فوق السلم عشان يتعلم والحين المكيف ماشاء الله ابداع مع انه له فوق عشر سنين عندي
مره ثانية جب العامل واذا اعطاك سعر قله دقيقه واطلع ركبها قدامه

حتى يعرف ان الشعب ماعاد تمشي عليه حركاتهم



قديم 07-07-2020, 09:27 PM
  المشاركه #8
القبطان باربوسا
عضو هوامير المميز
تاريخ التسجيل: Jan 2020
المشاركات: 100
 



دايما اتفق قبل مع اي عامل
لان بعد مايشتغل يضرب السعر
ومهما خفض لك وتجادلت معه يطلع ربحان



قديم 07-07-2020, 09:35 PM
  المشاركه #9
هومالالي
عضو هوامير المميز
تاريخ التسجيل: Nov 2019
المشاركات: 841
 



اذا شافك فاهم من البداية ما يقدر يلعب عليك
اول شي اتفق معه واعرف المشكلة قبل يشتغل واذا ما صلح لك السعر غير الفني ثاني وثالث حتى تطمن وتعرف المشكلة وسعر تصليحها وكاسرهم بعد ما ترتاح انك عرفت المشكلة وقربت من السعر المعقول وسلامتك



قديم 07-07-2020, 09:36 PM
  المشاركه #10
najdi1
عضو هوامير المميز
تاريخ التسجيل: Feb 2013
المشاركات: 3,808
 



فيه فنيين سعوديين واسعارهم معقوله بشمال الرياض
تغيير بويبينة السبليت مع التركيب 100 ريال.



قديم 07-07-2020, 09:53 PM
  المشاركه #11
الرأي الأول
عضو هوامير المميز
تاريخ التسجيل: Sep 2011
المشاركات: 17,968
 



هناك نقطتين مهمتين

الاولى هو تشخيص الخلل وهو يعتبر كشف


الثانيه الاصلاح -


عندما فتح المكيف قال السبب بويبينه


المفروض انك تتفق معه على قيمة الاصلاح وقيمة القطعه قبل ان يفكها


واتمنى انك تشتري بوبينه احتياط وتضعها جانبا لحين حاجتها



قديم 07-07-2020, 10:11 PM
  المشاركه #12
الحُب السعودي
قلم هوامير الماسي
تاريخ التسجيل: May 2005
المشاركات: 161,821
 



البويبينة بـ30
والشغل لايمكن يتجاوز 50 ريال
ليتك تركته وجبت غيره لين تحصل سعر مناسب

https://hawamer.com/vb/hawamer2423154#post41510001






الكلمات الدلالية (Tags)

مهزلة

,

والله

,

والنصب

,

العمالة

,

علينا


«

نيوم والقدية ومشروع البحر الاحمر وغيرها هل فيها سعوديين يشتغلون ويتوظفون !

 |

دورة إحترافية التحليل التوافقي الهارمونيك لم.حسن مسعود بتاريخ 11 يوليو

 »
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

هوامير البورصة السعودية - الأرشيف - الأعلى


04:47 AM

images

Powered by vBulletin® Version 3.8.11
Copyright ©2000 - 2024, vBulletin Solutions, Inc.

جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.