logo

هوامير البورصة السعودية > الاقسام الرئيسية لمنتدى هوامير البورصة > ساحات الهوامير المفتوحة

🏡 افضل الطرق لامتلاك منزل 🏡



صفحة 4 من 5
1
2
3
4
5
قديم 13-07-2020, 11:19 AM
  المشاركه #37
Vision_2030
عضو هوامير المميز
تاريخ التسجيل: Apr 2018
المشاركات: 1,626
 


🏡 افضل الطرق لامتلاك منزل 🏡

موظف جمع قرشين من راتبه + قرض شخصي
شراء شقة بحدود ٤٠٠ الف بحي ممتاز

بعد ٥ سنوات من سكن الشقة
جمع قرشين من راتبه + قرض شخصي (٢)
شراء ارض ٣٠٠ متر بشمال الرياض

بعد ١٠ سنوات من سكن الشقة
جمع قرشين من راتبه + قرض شخصي (٣) + باع الشقة بمكسب فوق ٢٠٪

واستآجر شقة بالقرب من ارضه وبدأ يعمر


في النهاية تملك فيلا وبموقع ولا اروع بدون ديون كبيرة لأنه عرف كيف ( يدخر )



 
  
قديم 13-07-2020, 02:31 PM
  المشاركه #38
طالب امتياز
عضو هوامير المميز
تاريخ التسجيل: Aug 2012
المشاركات: 3,236
 



.
.
.
.
المظطر للقرض يحط قدام عينه

أي قرض فائدته أكبر منه أو مساويه له.. لا يقربك،،

وأي قرض أكثر من 5 سنوات لا تلتزم به أبداً..

خصوصا المنزل، فهو يرهن راتبك

ويرهن المنزل،

يعني يؤمن كل حقوقه وأنت دبر عمرك.
.
.
.
.

.
.
.
.
.



قديم 13-07-2020, 02:46 PM
  المشاركه #39
almlkeh
عضو هوامير المميز
تاريخ التسجيل: Feb 2017
المشاركات: 95
 



انا قصتي قصه يا اخوان

انا يتيم ومالي احد بهالدنيا كنت عزابي منتف لا اهل ولا احد بهالدنيا

توظفت براتب بسيط يتجاوز 4 الف وكملت تعليمي الجامعي وانا على راس العمل وزاد راتبي
وبعدها مليت من العزوبيه وتزوجت موظفه وساعدتني ومسكت فلوسي وجمعنا حول 120 الف خلال سنتين راتبي وراتبها مع تقشف
لا مطاعم ولا هدايا ولا زيارات لاحد
سنتين بيت دوام بيت دوام
وقررت اشتري ارض بدون صك بمخطط معروف بجده محوشه وبعداد كهرباء وجنبي العالم بانيه عماير وبيوت وفلل
ما تخوفت من هالشي لان عارف الدولة ما حتقصر معايا وحتى لو جت ازاله فدا الدولة اهم شي تراعي وضعي
دفعت واخذت الارض مساحه 500 كانت احلى شي بحياتي سويته من انجاز
بعدها بسنه اخذت قرض شخصي يعادل 100 الف

بنيت الارض مساحه 100 متر غرفتين وصاله ومجلس وحمامين والباقي حوش حطيت فيه زرع وكراج للسياره
شطبت من الداخل وخليت الى برا بلك لان يله يله كفى المبلغ
طبعا شغل وسط مهو فخم
وسكنت ورزقني الله بمولود السعد

النصيحه الى بقولها لكم يا اخواني التكاتف والتعاون مع اخوك مع زوجتك مع والدك
والصبر الصبر مفتاح الفرج

عندي حكي واجد ولكن عطيناكم الزبده

طبعا ناوي اذا خلصت القرض اخذ قرض ثاني واشتري شقه خارج المملكه بديره الزين والعشق هناك راح اعيش حياه التقاعد والبيت الى سويته لعيالي
وصلى الله وبارك



قديم 13-07-2020, 02:57 PM
  المشاركه #40
RILAX
عضو هوامير المميز
تاريخ التسجيل: Jul 2016
المشاركات: 2,474
 



ياخي بعض الناس يتكلم على ان جميع الشعب شعب ليس له علاقات اجتماعيه شعب

حروح صاحبي واخد صاحبي ونتعشى عالنيل وبص بئه واحنا راجعين ناخذ المدام والاولاد نمشيهم في الحديئه

ياعزيزي نحن شعب مترابط لنا عادات وتقاليد

تاخذ شقه على اي اساس تحد نفسك على قرض واقساط بشكل شهري وانت بشقه اربع غرف نوم ودورتين مياه ومطبخ صغير ليه وش حادني ؟

اجلس في اجار لين الله يفرجها على المسلمين

اخذ شقه واستاجر لي استراحه ولا شاليه بمبلغ وقدره وتكاليف عشا وتكاليف مناسبه عشان مناسبه واقوم بالواجب ؟

اخذ شاليه عشان بيجيني ضيوف والشقه ماتشيلهم ؟

اخذ لي دوبلكس كانه جحور فيران وشارع عشره متر قدام بيتي يالله اوقف موتري وسعره فوق الملايين

ليه وش حاني عيالي وبناتي بيكبرون ويبون لهم غرف مثل عيال الناس ويبون لهم خصوصيه احشرهم مع بعض بغرفه ليه

شوي عقل ياعالم



قديم 13-07-2020, 04:02 PM
  المشاركه #41
طياف
عضو هوامير المميز
تاريخ التسجيل: Dec 2010
المشاركات: 1,444
 



إحسب

كيف توفر قيمة منزل من راتبك

http://w10w.net/hsabaty/tofer/



قديم 13-07-2020, 06:54 PM
  المشاركه #42
Saudi9478
عضو هوامير المميز
تاريخ التسجيل: Jan 2018
المشاركات: 962
 



اقتباس:
المشاركة الأصلية كتبت بواسطة طالب امتياز
رد: 🏡 افضل الطرق لامتلاك منزل 🏡

.
.
.
.
عليكم السـلام ورحمه الله وبركاته ْ~,

علمونا في الحياه ان امتلاك المنزل أهم شيء لدرجه ان اللي ماعنده منزل ملك هذا اجنبي على بلده ,

دراسه تقول ان رجال الاعمال في العالم لا يملكون منزل , عايشين ايجار , لأنهم يعتبرون المنزل خساره ,

بتكلم عن خطوات امتلاك منزل من وجهه نظري :

- البنك العقاري خساره ( مو معقوله اشتري منزل قيمته 1,500,000 و ارجع للبنك 2,100,000 ) + مع دفعه اولى 450,000 اجباري !

اجلس 30 سنه اقسط البنك , وذاك الوقت بيتي حيكون قديم و متهالك ولا يصلح للسكن

- الطريقه الصحيحه هي الاتي :

صار في دراسه و اثبتوا ان الانسان اللي على راس عمل يقدر يخزن 41% من راتبه ,

ويعيش بالباقي بشرط انه يكون عنده ( مأوى ) ,,

واللي ماعنده مأوى حيدفع 25% على ايجار و يبقى 17% من إصل 41% ,, يعني الانسان يقدر يخزن 17% كحد ادنى ,

- حنا في السعوديه اتوقع ان الموظف يقدر يخزن 30% من راتبه في البنك حتى لو كان عايش بأيجار ,

يجمع و يشتري شقه 4 غرف نوم و صاله و مجلس وثلاث دورات مياه , بمدخل خاص ,, تكفيه عشرين سنه ,

خلال هالعشرين سنه يكون عنده مبلغ يشتري في ارض ويبني بيت احلامه هو و المعزبه ,

اسعار الشقق 500 الف كمتوسط ,

ْ,~
.
.
.
.
.
او تكون محظوظ وتاخذ فلة عن طريق وزارة الاسكان!! او شقة في وسط او اطراف المدينة!! بسعر طيب!!



قديم 13-07-2020, 07:25 PM
  المشاركه #43
حـلحيل
عضو موقوف
تاريخ التسجيل: Nov 2019
المشاركات: 941
 



اقتباس:
المشاركة الأصلية كتبت بواسطة مستعد99
بعد 20سنة البيت ابو مليون بيصير بمليونين يعني ادخارك سيكون سالب الاسعار ترتفع وجمعك ثابت كمعيار اقتصادي سالب فائدة
هههههههههه فلل الكراتين اللي ماتصمد سنه بتصير بضعف سعرها

الله يخلف على من جابوك



قديم 13-07-2020, 08:41 PM
  المشاركه #44
مستعد99
عضو هوامير المميز
تاريخ التسجيل: Oct 2011
المشاركات: 8,139
 



اقتباس:
المشاركة الأصلية كتبت بواسطة حـلحيل
هههههههههه فلل الكراتين اللي ماتصمد سنه بتصير بضعف سعرها

الله يخلف على من جابوك
مع احترامي لمداخلتك بس الموضوع اكبر من خيالك بكثير



قديم 13-07-2020, 08:43 PM
  المشاركه #45
مستعد99
عضو هوامير المميز
تاريخ التسجيل: Oct 2011
المشاركات: 8,139
 



اقتباس:
المشاركة الأصلية كتبت بواسطة طياف
إحسب

كيف توفر قيمة منزل من راتبك

http://w10w.net/hsabaty/tofer/
فاتورة الكهرباء 200ريال ؟!

فاتورة المواد الغذائية 1200؟!

توفير قسط الاجار 1200؟!



قديم 13-07-2020, 08:44 PM
  المشاركه #46
حـلحيل
عضو موقوف
تاريخ التسجيل: Nov 2019
المشاركات: 941
 



اقتباس:
المشاركة الأصلية كتبت بواسطة مستعد99
مع احترامي لمداخلتك بس الموضوع اكبر من خيالك بكثير
طيب يا ابو خيال خلك عايش في وهمك

حتى الارض ماتسوى لانها 300 متر وهدام

العقاريين زايد نباحهم هاليومين بعد الضريبة يبي من يعطيهم عظم يسكتهم



قديم 13-07-2020, 08:50 PM
  المشاركه #47
مستعد99
عضو هوامير المميز
تاريخ التسجيل: Oct 2011
المشاركات: 8,139
 



اقتباس:
المشاركة الأصلية كتبت بواسطة حـلحيل
طيب يا ابو خيال خلك عايش في وهمك

حتى الارض ماتسوى لانها 300 متر وهدام

العقاريين زايد نباحهم هاليومين بعد الضريبة يبي من يعطيهم عظم يسكتهم
الضريبه بتدفع انت وبتجي على راسك انت تعليمك على قدك واضح ...اجل ضريبه! وش بتسوي لهم الضريبه

الضريبه اللي بيدفعها التاجر بيحطها عليك ...

ياخي انتم مساكين ...فلل كراتين ونباح ...الخ

العقار معروف اليوم تشتريه ب100الف سنة تبيعه 150الف يشوبه ركود ثم يرجع افضل من اول

اراضي على الخطوط المتر بريال الان مترها على 100ريال وين عايش انت يابو كراتين ؟



قديم 13-07-2020, 08:52 PM
  المشاركه #48
مستعد99
عضو هوامير المميز
تاريخ التسجيل: Oct 2011
المشاركات: 8,139
 



اي قرار يصدر من الدولة من تحصيل رسوم للعماله او ضريبه او اي امر سيدفعها المواطن بشكل غير مباشر

كرت العمل عندما رفعوه على العامل كان متر المبلط من 10-13ريال الان ماتده ب20ريال وقس عليه جميع اعمال البناء والتشغيل

المقاول كان ياخذ 75ريال للمتر الان 120ريال وزين يرضى

يازين الكلام والسواليف



صفحة 4 من 5
1
2
3
4
5



الكلمات الدلالية (Tags)

لامتلاك

,

الطرق

«

إقرار منتج تأميني (ساند) للاجانب من تعثر سداد مستحقاتهم في القطاع الخاص

 |

عقارات الدولة تصدر قواعد طلبات النظرفي تملك العقاروالوثائق والشروط المطلوبة

 »
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

المواضيع المتشابهه
الموضوع كاتب الموضوع آخر مشاركة
شركة نقل عفش رخيص - الوادى elwadee 06-01-2019 11:41 PM
شركات نقل عفش رخيصة - الوادى elwadee 06-01-2019 11:29 PM
الافضل في البنوك ؟؟؟ !! شغل عدل 30-04-2006 11:47 PM

هوامير البورصة السعودية - الأرشيف - الأعلى


10:04 AM

images

operate_by_afaq

Powered by vBulletin® Version 3.8.11
Copyright ©2000 - 2021, vBulletin Solutions, Inc.

جميع المواضيع و الردود المطروحة لا تعبر عن رأي المنتدى بل تعبر عن رأي كاتبها وقرار البيع والشراء مسؤليتك وحدك بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.