logo

هوامير البورصة السعودية > الاقسام الرئيسية لموقع هوامير البورصة > ساحات الهوامير المفتوحة

مزايدات موقع حراج #خدعة



صفحة 1 من 4
1
2
3
4
قديم 20-08-2020, 04:04 AM
  المشاركه #1
أنا السعودي
عضو هوامير المميز
تاريخ التسجيل: May 2018
المشاركات: 1,370
 


مزايدات موقع حراج #خدعة

لي تجربة مع موقع حراج
كنت محتاج شاشة كبيرة
والاقي واحد منزل اعلان شاشة ٦٥ بوصة بكرتونها ومصور الفاتورة بـ ١٦٥٠ ريال
واطالع الاقي واحد فقط سايمها بـ ٩٠٠ من ٨ ساعات

زدتها ٥٠ ريال الا شوي طالع واحد وصلها ١٠٠٠ وحاط جواله

شوي ازود ٥٠ يطلع لي واحد ثاني وثالث ورابع لين وصلتها ١٤٠٠ ريال الا واحد جديد يزود ١٤٥٠ ريال

واقولبها في راسي قلت الفرق بيصير ١٠٠ ريال وما ادري عن التخزين وبيأخرني في التسليم ووووو

تدري هونت ورحت للسوق ووالله اني لقيت نفس الشاشة بنفس المواصفات بـ ١١٠٠ ريال فقط

بمعنى إني كنت بأدفع زود ٣٠٠ ريال على شاشة ما عاينتها قبل الشراء

المهم إني تركت السالفة إلا إنه قبل شهر اطالع الا الاقي واحد حاط اعلان شاشة نفس الاعلان ونفس الصور واشوف الا مسيومة بـ ٩٠٠ شوي الا واحد يبدأ يزايد وأشوف نفس السيناريو كم واحد يدخل يزايد والضحية اللي كنت مكانه هو الوحيد اللي صامل والبقية يزود ويختفي لين للاسف وصلها ١٤٥٠ ريال والله اعلم تدبس فيها.


اليوم أشوف واحد معلن عن ساعة هواوي مستعملة سعرها الرسمي ٧٧٠ ريال

واطالع اول واحد سايمها بـ ٢٠٠ واشوف اخر سومة ٦٠٠

حدث العاقل بما يعقل اللي سامها ٦٠٠ عجزان يشتري جديدة بفرق ١٧٠ ريال!


الخدعة ببساطة:
فيه منتج حقيقي والدفع عند الاستلام والمنتج ما فيه اي خراب بس ما يستاهل ولا ٥٠٪ من السعر اللي بياكله الضحية

انا اعرض منتج وعندي ١٠ معرفات في الموقع

المعرف الاول يسومه بمبلغ ١٠٪ من السعر اللي يستاهله المنتج وهذا اسمه السنارة

يجي الضحية يشوف المنتج يستاهل اضعاف السومة

المسكين يفرق السومة ويظن انه كسبان

هنا يدخل المعرف الثاني ويزود شي بسيط

الضحية يفكر المنتج بيروح عليه وسعره للان مغري

يدخل المعرف الثالث يزود شوي

هنا الضحية يتحول المنتج في نظره من سعره مغري إلي أن المنتج مغري بدليل كثرة المزايدين فيحلى المنتج في عينه ويصير ضحية لمزايدات وهمية

والنتيجة يشتري منتج باغلى من سعره في المحلات

مثل الشاشة اللي بغيت اتخوبر فيها

الحل

اعرض سومة وحدة فقط للمنتج وانسحب مع اول مزايدة والسوق كبير واترك عنك فكرة فرصة لا تتكرر فكل شي الان يتكرر الاف المرات.
الموضوع الأصلي : اضغط هنا    ||   المصدر :

ساحات الهوامير المفتوحة
 
  
قديم 20-08-2020, 04:06 AM
  المشاركه #2
qahtani999
عضو هوامير المميز
تاريخ التسجيل: May 2013
المشاركات: 6,828
 



مثل الحاصل مع السيارات الصينية اسعارها نفس اسعار الياباني و تنباع اكثر





قديم 20-08-2020, 04:09 AM
  المشاركه #3
أنا السعودي
عضو هوامير المميز
تاريخ التسجيل: May 2018
المشاركات: 1,370
 



اقتباس:
المشاركة الأصلية كتبت بواسطة qahtani999
مثل الحاصل مع السيارات الصينية اسعارها نفس اسعار الياباني و تنباع اكثر
السيارات انت حافظ اسعارها وسعرها مرتفع فبتتردد في السوم وصعب خداعك

لكن ابو ٥ الاف وتحت سهل تنخدع والمنتج اصلا ما تعرف كم قيمته بدقة

مثل الشاشة توقعتها ب ١٦٠٠ صارت ١١٠٠



قديم 20-08-2020, 04:13 AM
  المشاركه #4
بسام البسام
عضو هوامير المميز
تاريخ التسجيل: Feb 2011
المشاركات: 3,435
 



الموقع ،،، بحاجة لضبط أكبر ،،، وحوكمة

فيه غش وخداع ومحتالين وأجانب شغله موقع حراج فقط
نصب واحتيال


ولاكن لا احد ينكر بأن فيه صدق ،، وموقع نماء بسرعة كبيرة

ويرتاده ملايين الزوار وتعرض فيه الاف السلع

ومواقع التواصل الاخرى بعيدة عن منافسته



قديم 20-08-2020, 04:13 AM
  المشاركه #5
مراقب أسهم
عضو هوامير المميز
تاريخ التسجيل: Aug 2006
المشاركات: 8,445
 




كلامك صحيح إلى حد كبير

وخاصة بعض السومات الغير منطقية



قديم 20-08-2020, 04:14 AM
  المشاركه #6
بسام البسام
عضو هوامير المميز
تاريخ التسجيل: Feb 2011
المشاركات: 3,435
 



اتمنى والله بما انه موقع وطني

أن يطور ويخضع لرقابة صارمة في عمليات البيع والشراء



قديم 20-08-2020, 04:22 AM
  المشاركه #7
نواف الحريري
عضو هوامير المميز
تاريخ التسجيل: Feb 2006
المشاركات: 2,870
 



لاحظت كثير من السومات هدفها تخريب البيع ورفعة لاسعار عالية ولا اعلم الهدف من ذلك



قديم 20-08-2020, 04:44 AM
  المشاركه #8
yazn4u
عضو هوامير المؤسس
تاريخ التسجيل: May 2005
المشاركات: 31,655
 



فعلا. فيه سومات غريبه وتحس المقصود فيها ضحيه بعينه. وهو مايدري.



قديم 20-08-2020, 05:04 AM
  المشاركه #9
المحير990
عضو هوامير المميز
تاريخ التسجيل: Jul 2017
المشاركات: 3,696
 



موقع حراج ارض خصبه للمحتالين لدرجه بعضهم يعرض سلعه ويحط رقم بدون اسمه واذا نويت الشراء قال حول عربون ويبيك تثق يرسل لك صورة هويه واتس مهيب له تثق بتحول له ع الراجحي يقولك لا ماعندي الا بنك ساب تدري حول ع حساب سواقي في الراجحي .. بعدها يطقك حظر تكتشف انه نصب عليك



قديم 20-08-2020, 05:09 AM
  المشاركه #10
الإدارة العامة
عضو هوامير المميز
تاريخ التسجيل: Jan 2020
المشاركات: 662
 



بعضهم تجار في نفس الموقع

اذا احد نزل بضاعه نفس البضاعه اللي عنده يدخل بمعرف اخر ويرفع بالسلعه حتى الزباين ماياخذونها ويتجهون له

وبعضهم يدخل بمعرف اخر يزايد في سلعته حتى يدبسها بزبون مايعرف قيمتها الاصليه



قديم 20-08-2020, 05:59 AM
  المشاركه #11
الحُب السعودي
قلم هوامير الماسي
تاريخ التسجيل: May 2005
المشاركات: 161,811
 



الموقع مرتع للحرامية والنصابين
وبه خواص تجعل الحرامي يستمر ومنها:-
تمكين المعلن من حذف الرد وهذا يساعد على منع كشفه للاعضاء
تمكين العضو من حضر ردود من يفضحه وهذا يساعد على منع كشفه للاعضاء
تمكين العضو من حذف التقييم وهذا يساعد على منع كشفه للاعضاء



قديم 20-08-2020, 06:14 AM
  المشاركه #12
هواميركو
عضو هوامير المميز
تاريخ التسجيل: Dec 2010
المشاركات: 8,484
 



اقتباس:
المشاركة الأصلية كتبت بواسطة أنا السعودي
السيارات انت حافظ اسعارها وسعرها مرتفع فبتتردد في السوم وصعب خداعك

لكن ابو ٥ الاف وتحت سهل تنخدع والمنتج اصلا ما تعرف كم قيمته بدقة

مثل الشاشة توقعتها ب ١٦٠٠ صارت ١١٠٠
المفترض وأنا اخوك
حينما تريد شراء سلعة تشوف أسعارها بالاسواق وتعاينها على أرض الواقع
او بمواقع الشركات المعروفة والموثوقة على النت وتتأكد من سعرها
وإذا جزمت تشتري منهم فهذا في نظري هو الاسلم والاكمل والافضل
من ناحية جودة البضاعة والضمان الممنوح من الوكيل وتتحمل فرق السعر
في سبيل استلام بضاعة عاينتها وعرفت جودتها ووثقت بالبائع
وضمنت بعد توفيق الله أنك ستستلمها كما عاينتها .

أما إذا تغاليت السعر وقلت يمكن القى نفس البضاعة
بمواقع المستعمل او بمواقع عروض السلع المستعملة
عندها يكون لديك معرفة بسعر السلعة وتقدر تفاصل مع البائع
عاد وصولها من عدمه او كذب البائع وغشه او تكون السلعة غير المعروضة بالموقع
هذي كلها أشياء بعلم الغيب وعليك التحوط والحذر حتى لا تقع فيها
أو تكنسل الفكرة وتريح راسك من الصداع والوقوع بحبال النصابين والمحتالين .

مثل هذه المواقع لا أشتري منهم سلع بمبالغ كبيرة
بل سلع بمبلغ بسيط حتى لو حصل نصب وأحتيال يكون بمبلغ بسيط
او حتى أسلم وأضمن حقي يكون تسليم المبلغ عند الاستلام والمعاينة
مع دفع عربون بسيط 50 او 100 ريال
او تتكنسل البيعه .

يسر الله أمرك .



صفحة 1 من 4
1
2
3
4



الكلمات الدلالية (Tags)

موقع

,

مزايدات

,

حراج


«

احذروا على محارمكم من النسويات وعقيدتهم النسوية..الإلحاد والإباحية لبها

 |

مالم يغرغر !

 »
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

هوامير البورصة السعودية - الأرشيف - الأعلى


03:02 AM

images

Powered by vBulletin® Version 3.8.11
Copyright ©2000 - 2024, vBulletin Solutions, Inc.

جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.