بقدم نصيحه للاخ الغالي دجاجه وللجميع عامه ثم خاصه
النصيحه العامه ومن واقع تجارب شخصيه في تركيا والبوسنه ولندن :
احذر تشتري من اي ناطق باللغه العربيه بأي بلد بما فيهم السعوديين فالتاجر السعودي والاماراتي يعاملك بمستوى دخلگ ومتوسط اسعار الشقق بجدة والرياض واعطيك مثال بطرابزون مثلاً اغلب السعوديين يبنون في يومرا او يلنكا قبلها واسعارهم للشقه ب300-450 الف ريال !!!
بينما تجدها في مكاتب او مواقع العقار باللغه التركيه ويتكلمون عربي بما يعادل 150-200 الف ريال وقد تجد ارخص
ونفس الامر بالبوسنه والتي احذر منها لان التملك ليس حر والعقود اللي بينك وبين اي مخلوق عربي مجرد حبر على ورق بالاضافه للفساد المرصود اوروبياً بحكومة البوسنه .
بلندن مثلاً زميلي اشتري شقه قبل سنتين باجورد رود ( شارع العرب ) بدا بمكاتب سماسره عرب وهو جازم انه ما بيشتري منهم لكن يقلبهم ويشوف بعد قرابة الشهر اشترى من مكتب انجليزي باقل ب20٪ من العرب وبجودة افضل
لذلك احذر تسلم فالخليجي يبيعك بمتوسط اسعارنا ودخلنا واغلب العرب الاخرين يرونك دجاجه تبيض ذهب وبعضهم من حقده وده ينحرك مادياً .
بالنسبه لتركيا ياعزيزي الدجاجه ؛ الشقه فيها ليس استثمار جيد ابيعه بسعر جيد بعد عدة سنوات او وقت حاجتي بل هي خساره والله صديق لي اشترى قبل 3 سنوات هو واخوانه 6 شقق كل شقه بقيمة 400 الف ريال تقريباً وحالياً سعرها 200 الف بالكثير
بينما اقترح عليك وعلى الجميع ؛ استاجر شقه بالسنه ب10-12 الف واقضي فيها صيفك سنه سنتين ثلاثه وبعدها ممكن تحب تغير وتنتقل لريف اسطنبول مثلاً او لاسطنبول نفسها او لدوله اخرى اصنع مثل هذا وتكون حافظت على 400 الف وخسرت بعشر سنوات 100 الف فقط اجره لسكنك ونوعت المدن والدول اللي تروحها باستثناء لندن لان الشقه فيها مكسب يتضاعف مع السنين انما كلامي محصور على دول مثل مصر ، تركيا ، البوسنه ، اذا تجلس فيها اكثر من شهرين بالسنه استاجر بالسنه اوفر لك
واذا رحلتك شهر واقل فالله يخلي بي ان بي وبوكينج استاجر من اصحاب الشقق نفسهم شهر بسعر حلو
حتى اني اذا ما لقيت طلبي بمدينه وبطول فيها مثل طرابزون احجز لي يومين بفندق واروح ادور بنفسي من مكاتب اتراك وبعضهم معلق لوحات واخذ الشقه بسعر ممتاز لمده طويله
وفق الله الجميع
21-08-2020, 09:34 AM
