logo



قديم 21-08-2020, 03:27 AM
  المشاركه #1
عضو هوامير المميز
تاريخ التسجيل: May 2011
المشاركات: 7,529
 



بصراحه باقي يومين ونص واخسر ماتبقى من هالعالم

انا انسان اكره شي اسمه كذب
اكره اللف والدوران
اكره التمثيل

لكن للاسف انصدم في ناس كثير الله يكرمكم كذابين
مراوغين ويسووون شاطرين علي باللف والدوران

وانا هالاشياء اكرها اكرها

جاملت تغاضيت تحملت مافيه فايده يفكرون انهم كسبو الاستغباء

وجدت ان الاغلبيه يتعاملون بالكذب ويشوفون ان حياتهم ماشيه
تعاملت مع عملاء
ومع عمال
ومع محلات
ومع مقاولين

يصدق معي مره مرتين ثم يخربها

اتقيد بعامل الوقت بمصداقيه وللاسف اجد العكس

صراحه نفسيتي تعبت وصرت اتجنب الكثيرررررر
من الناس

لكن عندي مشكله من كذب علي مره مرتين خلاص لا يمكن اصدقه للابد واكره حتى الكلام معه

تتعامل في البيع والشراء وتتفق بكلام رجال

ويجيك بعدين بكل وقاحه فكرتك تمزح

باعطي مثال واحد وقيسو عليها

واحد تممت له بيعات عقار وتلزمني فيه معرفه من عشرين سنه
فاتفقت معه انني شريك معه بالدلاله
قال ابشر
قلت اسوي لك اعلان بالسناب والواتس والاتصالات
قال تم

وتممت له ثلاث بيعات
ومجموع حقي 46 الف

وقلت ابغى حقي في الدلاله

الا يرسل رساله ع الواتس
يا اخي الله يهديك فكرتك تمزح

اتصلت فيه قلت وش اللي امزح
اتفقت معك قبل كل شي
وجبت الزباين وتممت البيعه ووقفت معك حتى انتهى كل شي

قال ياخي انت عندك خير ولا فكرت بتنظر لدلاله
قلت الحمدلله ع خير ربي
وانت ليش ما تحمد ربي بعد
وانت ماخذ دلالات حوالي ثلاثه مليون في اقل من شهرين
وحاسدني علشان 46 الف

المهم ماطل فيها قلت احلف لي مالي شي عندك ولا اتفقنا اني شريك بالدلاله
قال ما باحلف قلت مره قال مره
قلت اجل مع السلامه وحقي في ذمتك


والله القصص كثيررررره جدا

ولكن ماعرفته في حياتي عندما تتعامل وتقابل اكبر شريحه من المجتمع كلما تنصدم وتتعب معهم


تحياتي للجميع

الموضوع الأصلي : اضغط هنا    ||   المصدر :

ساحات الهوامير المفتوحة



 
 
قديم 21-08-2020, 03:34 AM
  المشاركه #2
عضو هوامير المميز
تاريخ التسجيل: Dec 2019
المشاركات: 1,911
 



يمكن انت راعي مشاكل وتحط المشكلة في الناس
معقولة كلهم خطأ وانت الوحيد الصح




قديم 21-08-2020, 03:39 AM
  المشاركه #3
عضو هوامير المميز
تاريخ التسجيل: Nov 2010
المشاركات: 2,707
 



الناس يختلفون يا طيب

والتعامل معهم

متعب جدا

لذلك طبيعي

ما تشعر به

وكلنا نفس الوضع

هي الحياه هكذا

تعب
مرض
حزن
سعاده
صحه
فرح
غضب

كل ما تحس فيه طبيعي جدا

وما يحتاج منك دراما

لان وقتها تكون انت

الضحية

خلك ذكي في التعامل مع الاخرين

وخذ حق واعط حق

وراقب الله في كل تصرفاتك

وبإذن الله تعيش مرتاح البال




قديم 21-08-2020, 03:41 AM
  المشاركه #4
عضو موقوف
تاريخ التسجيل: Mar 2011
المشاركات: 1,469
 



كل هالمقدمه عشان تبي تسمسر على صديقك من عشرين سنه
المشكله فيك انت مهو في الناس
الناس تتجمل في نايد الناس وانت تبي مقابل لواحد تعرفه من عشرين سنه




قديم 21-08-2020, 03:44 AM
  المشاركه #5
عضو هوامير المميز
تاريخ التسجيل: Sep 2019
المشاركات: 5,998
 



نص حياتنا صارت تنطيش وتغافل خاصة مع الاقارب والعزيزين علينا لكي لا نخسرهم
في هالزمن عشان تربح صديق تحتاج سنين وعشان تفقد صديق يكفي فقط انك تسلفة او تشاركة بتجارة




قديم 21-08-2020, 03:47 AM
  المشاركه #6
عضو هوامير المميز
تاريخ التسجيل: May 2012
المشاركات: 168
 



واضح انك كاتب الموضوع وانت تفكر في حقك بالدلالة من خويك
دخلت بكذا موضوع في وقت واحد لكن عموماً هالوقت مايمشي الا بالمجاملات
ولازم تعطي كل ذي حق حقه ، يعني تعاملك بالدوام غير تعاملك بالعقود والعمال وغيرها




قديم 21-08-2020, 04:08 AM
  المشاركه #7
عضو هوامير المميز
تاريخ التسجيل: Dec 2014
المشاركات: 2,392
 



للأسف هذه الحقيقة
وهذا نفس مايحدث لي تماما
ان سكت عن حقك اكلت بصدرك وان طالبت فيه انصدمت من اقرب الناس لك وخسرته
وحوش بشرية تاكل بعضها البعض
من اقارب واصدقاء وعمال الا ماندر




قديم 21-08-2020, 04:31 AM
  المشاركه #8
عضو هوامير المميز
تاريخ التسجيل: May 2011
المشاركات: 7,529
 



اقتباس:
المشاركة الأصلية كتبت بواسطة كنسـل مواعيـدك
يمكن انت راعي مشاكل وتحط المشكلة في الناس
معقولة كلهم خطأ وانت الوحيد الصح
ليت العيب فيني واعدله لكن الشكوى ع الله




قديم 21-08-2020, 04:34 AM
  المشاركه #9
عضو هوامير المميز
تاريخ التسجيل: May 2011
المشاركات: 7,529
 



اقتباس:
المشاركة الأصلية كتبت بواسطة عثمان الخميس
كل هالمقدمه عشان تبي تسمسر على صديقك من عشرين سنه
المشكله فيك انت مهو في الناس
الناس تتجمل في نايد الناس وانت تبي مقابل لواحد تعرفه من عشرين سنه
فاهم خطا طال عمرك

هذا كان تعامل معه من باب الثقه والمصداقيه

وحقي لا يعطيني من جيبه

يعطيني من دلالاله الناس اللي جبتهم له


لكن الثقه خليتهم يحولون له السعي واخذها منه
لكن للاسف ماعرفت وجهه الثاني الا بعدما تعاملت معه




قديم 21-08-2020, 04:37 AM
  المشاركه #10
عضو هوامير المميز
تاريخ التسجيل: May 2011
المشاركات: 7,529
 



اقتباس:
المشاركة الأصلية كتبت بواسطة ابورشا2
واضح انك كاتب الموضوع وانت تفكر في حقك بالدلالة من خويك
دخلت بكذا موضوع في وقت واحد لكن عموماً هالوقت مايمشي الا بالمجاملات
ولازم تعطي كل ذي حق حقه ، يعني تعاملك بالدوام غير تعاملك بالعقود والعمال وغيرها
تصدق تعاملت مع حريم وجبت لهم بيعات
ان الوحده تتصل تقول جيب حسابي احول لك
بالرغم والله ماعليها راس قلم وقعت عليه


لكن هالزمن تغيرو بعض الناس الله المستعان
تبغى اخدمه بلاش وبكل تفاهه يقول فكرتك تمزح بعدما ضمن البيعه




قديم 21-08-2020, 04:37 AM
  المشاركه #11
عضو هوامير المميز
تاريخ التسجيل: Jul 2017
المشاركات: 2,987
 



طبيعي جداً بتشوف وتنصدم كثير طنش ولا تدقق كثير ... عش حياتك ولاتزبد لهم للي مايعجبك اسفهه ...ومن ناحية خويك للاسف انه طماع .. ولا ترتجي من أحد شي الا اخوانك ومحيطك للي في كرت العايله .



قديم 21-08-2020, 04:39 AM
  المشاركه #12
عضو هوامير المميز
تاريخ التسجيل: Nov 2015
المشاركات: 221
 



المجاملة اذا ماهي من طبعك
صعب تستمر فيها وممكن ماتنجح وتخسر أكثر.
ولاتثق ثقة مفرطة بالناس مهما قربوا منك.
الغالب منهم سيء خصوصا عند الفلوس والمنافع الشخصية.
لذلك احفظ حقوقك بالقانون وثبتها.
اهم شيء
أعمل اللي يرضيك ويرضي رب العالمين وماعليك من العالم.







الكلمات الدلالية (Tags)

معهم

,

وكثير

,

المعارف

,

تعاملت

,

خسرت

,

كثير


أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



06:06 AM