++ موقف غريب حصل لي اليوم في الرياض++

المشاركة الأصلية كتبت بواسطة rilax

حسبي الله ونعم الوكيل

سبق حصل لي موقف مشابه لموقفك ولكن بطريقة اخرى

كنت في شارع عام ثلاث مسارات

المسار الايمن مخصص لمن يرغب الاتجاه لليمين

وكان فيه باص فيه يماني وقدامه مسافة سيارتين يعني بعيد عن اللفه لليمين عطيته بوري اثنين وانا شايف ارقام الدقائق تقريبا باقي بالخمسين ثانيه

الحاصل جيت جنبه ضربت له بوري كان يكلم جوال مو حاس فيني قمت وتحركت ابي اسقط واخذ يمين على طول صفقني على الباب ووقف ونزل سلم

ورجع يكلم جوال والله ولا همه ولا ناظر سيارته ابدا ابدا وفيه رجل مرور واقف يقول حركوا وقفوا على اليمين بس صوروا قبل

شوي قالي ان شاء الله ماجاك شي قلت لا ماتشوف انت وليه ماسك المسار الايمين قالي انا باروح يمين قلت بتروح يمين ليه موقف كل هالوقت قالي خلاص اتصل على نجم انا معي تامين

اتصلنا على نجم وشرحت لهم الوضع وقلت ياعزيزي العسكري واقف وشايف كل شي

قالي ماعلي من العسكري الخطا عليك ميه بالميه

المشاركة الأصلية كتبت بواسطة --مطر--

بعض الشباب ملكع ويتعلم النصب بدري تلقاه محتاج فلوس ويستغل أي حادث لو خدشه ويكون الخطأ على الثاني ويجيب فواتير عاليه للتامين بخمسه آلاف والحكه ما تسوى 200 ريال
صارت معي قبل فتره راجع وراء وواحد تعمد ومشى وأنا راجع وراء ضربت الرفرف الامامي له طقه صغيره ما تكلف 400 ريال سيارته سوناتا متاكد انه شايفني وكانه متعمد اني اصدمه المهم اصر الى يجي نجم ورفض 500 ريال مع اني عارف انه هو الغلطان المهم جاء نجم وسوى تقرير طبعا انا غلطان تابعت الموضوع مع التأمين الأخ جايب لهم فواتير بحوالي سته آلاف وشويه قلت للتامين هذا نصاب حققو معه وفعلا طلبت التعاونيه تحقيق بعد الحاح ورفض انه يحضر سيارته للمعاينه بعدها تبين انه خلال شهرين مسوى اكثر من اربع حوادث جالس ينصب على شركات التأمين ولا اعلم ماذا تم بالموضوع بعد ذلك اشغلني الله يشغله