اللي عمره فوق الخمسين وماملك ارض تعال ابيك بكلمة راس طال عمرك

المشاركة الأصلية كتبت بواسطة قولف

الحين ابي افهم انا يوم ان الاراضي رخيصه وبتراب الفلوس وينك ليش مااشتريت .. عارف انك جالس توّن الحين وحالتك صعبه وطاقها هواجيس اغلب الوقت لكن تأكد انك انت السبب الاول والاخير .. بعض الناس (ماجاه اكله) لاتخطيط للمستقبل ولاتفكير ولا شيء .. بس عايش مع ذا العالم ويدربي راسه ويوم الناس سكنت وكل شي ارتفع وعياله كبروا توه ينتبه بعدين يجيك بالمنتدى مطفي النور يتكلم عن العقاريين واللي يملكون عقار .. ويبي الدوله تتدخل وتعطيه الارض المتر بريال لازم تعترف انك فشلت فشل ذريع في هذا الموضوع تحديدا وادري انك تحط فشلك هذا شماعه على اشياء اخرى كل انسان يتحمل مسؤليته واللي خطط لقدام لقى واللي عاش بدون تخطيط هذي هي النتيجه .. فأتمنى من هذي الفئه العزيزه على قلبونا انهم لايعتقدون ان فيه احد بهذي الدنيا بيحل له مشكله السكن (زندك والا مت واتكل على الله) لاني اشوف عندي عينات من الخمسينيين المهمومين وحاطين حرتهم بكل شيء ويعتقدون انهم مظلومين بينما لايوجد احد ظالمهم الا انفسهم .. كتبت الموضوع لاني اشوف الوضع زايد عن حده عموما الله يرزقكم ويفتحها عليكم