logo


قديم 07-10-2020, 05:16 AM
  المشاركه #1
عضو هوامير المميز
تاريخ التسجيل: May 2018
المشاركات: 942
 

بعد توفيق الله قبل ٥ سنوات اخوي شرى له فلة فيها شقتين استثمار
مساحتها ٤٢٠ متر وقتها كنت معه وقلت له ناصح يا اخوي خذ قد دراهمك وكان معروض عليه فلة ٢٨٠ متر بدون شقق

لكن قدر الله عليه واقتنع بالفلة الاستثمارية

وحسب الكلام اللي اقتنع فيه

الحي اللي فيه يؤجر فيه الفلل من ٢٨ الى ٣٠ الف وهو بيؤجر الفلتين بـ ٥٠ ألف يطلع يطيح عليه نص القسط بالضبط وبعد ١٥ سنة يمتلك الفلة ويطلع يؤجر أرباح.

في البداية كان اخوي يؤجرها الشقة الدور الاول ب٢٧ الف والسطح ٢٣ الف وكانت اكبر غلطة لانه المفترض اول سنة رفع الاجار ثم خفضه لكن قدر الله وما شاء فعل!

للاسف من بداية الايجار اللي صار له كالاتي:
أول مستأجر كان عريس وبعد ٦ شهور يقول جته عين وبيغير بيته وطلع واضطر اخوي يعطي الشقة وجه بوية فقط وبعد شهر استأجرها واحد ثاني مباشرة
اللي ساكن في السطح بعد سنة عانى من الحر وطلع للاسف احتاجت شقته ترميمات وبعد الترميم ما استاجرها احد سنة كاملة

بعد سنة استاجرها مصري ب ٢٠ الف
وشقة الدور الاول اضطر اخوي يخفض له الى ٢٤ الف

جت ضريبة ٥٪ وطلب الدور الاول التخفيض فخفض له اخوي الى٢٢ وارسل المصري انه بيطلع لارتفاع الايجار فخفض له ١٨ الف!

وبعد كورونا طلبوا المستأجرين تاجيل القسط لعدم قدرتهم الدفع وفي ذي الحجة اخلوا المستاجرين كل الشقق ومن عيد الاضحى حتى الان الشقق فاضية وللاسف اخوي ما استفاد منها نهائيا

النهاية فتح اخوي باب عليها وضمهم لبيته بالرغم من صغر عائلته وتخطيطه انه يتوسع بالشقق اذا تزوجوا عياله ( بعد ١٥ سنة ) لكنه طفش منها وقعد يردد اللي كسبته من الايجار خسرته في الترميم.


نصيحة محب اللي يبي الاستثمار لا تفكر في الاستثمار في فلتك اللي تسكن فيها

ولا يكذب عليك العقاري بان المستاجرين طوابير
نعم المستاجرين طوابير اول سنتين بعدها يروحون طوابير لفلة جارك اللي توها مشطبه!

ويازينك في فلة ٢٥٠ متر تملكها كاملة ولا فلة ٤٠٠ متر تاجر فيها شقتين

الموضوع الأصلي : اضغط هنا    ||   المصدر : منتدى هوامير البورصة السعودية

 
 
قديم 07-10-2020, 05:32 AM
  المشاركه #2
عضو هوامير المميز
تاريخ التسجيل: Apr 2011
المشاركات: 9,134
 

لم يعد الاستثمار في الاجار السكني
ذو مردود مجزي
بل هم يطارد صاحب العماره
والقادم اسوأ مع العقود الالكترونيه
ستكون تحت طائلة النظام والضرايب والدفع المستمر
وقد تلزم بتصريح واشتراطات ورسوم ايواء
الافضل اهتم بسكنك الخاص
وابحث عن استثمار في مكان آخر




قديم 07-10-2020, 05:33 AM
  المشاركه #3
قلم هوامير الماسي
تاريخ التسجيل: May 2005
المشاركات: 141,066
 

جزاك الله خير



قديم 07-10-2020, 05:34 AM
  المشاركه #4
عضو هوامير المميز
تاريخ التسجيل: Nov 2018
المشاركات: 155
 

المنطقه لها دور في الاستثمار في العقار



قديم 07-10-2020, 05:46 AM
  المشاركه #5
عضو هوامير المميز
تاريخ التسجيل: Dec 2010
المشاركات: 1,430
 

صدقت والله أن عندي شقة نظيفة جداً

ما حد إستأجرها لأنها في آخر الحي .. مع أن إيجارها أقل من أي شقة في نفس المكان




قديم 07-10-2020, 06:38 AM
  المشاركه #6
عضو هوامير المؤسس
تاريخ التسجيل: Sep 2005
المشاركات: 522
 

ان سمحت لي .. اخوك هو الصح
كونه توفق وبنى 3 منازل خير له من من منزل واحد
بكره العيال يكبرون والسنين تجري .. يسكنون مع ابوهم منها يفتكون من الايجار والثانيه انهم مع والديهم وفي خدمتهم .




قديم 07-10-2020, 06:56 AM
  المشاركه #7
عضو هوامير المميز
تاريخ التسجيل: May 2018
المشاركات: 942
 

اقتباس:
المشاركة الأصلية كتبت بواسطة ابو قصي
ان سمحت لي .. اخوك هو الصح
كونه توفق وبنى 3 منازل خير له من من منزل واحد
بكره العيال يكبرون والسنين تجري .. يسكنون مع ابوهم منها يفتكون من الايجار والثانيه انهم مع والديهم وفي خدمتهم .
يا اخوي قلت له

١_ بعد ١٥ سنة بيكون بيتك قديم فلو وفرت الفارق خلال ١٥ سنة بيكون افضل
٢_ لو اخذت لك بيت دورين مفصولة ابرك لك من بيتك وولدينه لا كبروا واحد يسكن الدور الثاني وواحد يسكن السطح
٣_ وهو الاهم الان ضيق على نفسه ١٠ سنوات بسبب انه مأمل على مستاجر يشيل عنه




قديم 07-10-2020, 07:08 AM
  المشاركه #8
عضو هوامير المميز
تاريخ التسجيل: Oct 2016
المشاركات: 4,790
 

للاسف هذا ما يروج له العقاريين
اشتري واجر يطيح عليك نص القسط

وهم يعلمون بان الوضع صعب
كثير من الشركات
سرحت اجانب وسعوديين
بسبب جائحة كرونا

وكثير من الشباب اخذ دعم وزارة الاسكان
وراح لشقق تمليك

ما ادري كيف بعض العقاريين
يقول ويطبل لشي هو يعلم
بانه غير صحيح

هل هذا مكسبه حلال
اعوذ بالله
ان اروج لشي غير صحيح
اقول الحق ولو على نفسي
بدل تظليل الناس
ونقل صورة تخالف الواقع
وادخالهم في ديون ثقيله ثم يدعون علي




قديم 07-10-2020, 08:18 AM
  المشاركه #9
عضو هوامير المميز
تاريخ التسجيل: Oct 2019
المشاركات: 1,781
 

كلامك صحيح

الواحد يبي يرتاح ببيته مايبي هم وازعاج وطقطقه مستأجرين فوق راسه




قديم 07-10-2020, 08:27 AM
  المشاركه #10
عضو هوامير المميز
تاريخ التسجيل: Jan 2012
المشاركات: 125
 

اقتباس:
المشاركة الأصلية كتبت بواسطة أنا السعودي
نصيحة محب اللي يبي الاستثمار لا تفكر في الاستثمار في فلتك اللي تسكن فيها

ولا يكذب عليك العقاري بان المستاجرين طوابير
نعم المستاجرين طوابير اول سنتين بعدها يروحون طوابير لفلة جارك اللي توها مشطبه!

ويازينك في فلة ٢٥٠ متر تملكها كاملة ولا فلة ٤٠٠ متر تاجر فيها شقتين







قديم 07-10-2020, 08:27 AM
  المشاركه #11
عضو هوامير المميز
تاريخ التسجيل: Mar 2020
المشاركات: 1,302
 

أصلا شلون ترتاح وأنت ساكن في مكان وهالمكان فيه ناس مستأجرين عندك :)

أحس صعبه ، وخلاص دامه فتحهن على بيته الله يرزقه فيها ويكفيه شرها ..




قديم 07-10-2020, 08:30 AM
  المشاركه #12
عضو هوامير المميز
تاريخ التسجيل: May 2012
المشاركات: 137
 

اذا عياله كبار اشوف انه من الانانيه
ماياخذ بيت كبير وفيه شقق استثماريه تكون بعدين لعياله
وسلامتك







الكلمات الدلالية (Tags)

منزلك

,

الاستثمار

,

احذر


أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



02:57 AM