عندي ولد بنفس عمر ابنك كلمته وخليته يقراء الموضوع والردود وقلت له بما انك بنفس العمر ايش النصيحه الي ممكن تقدمها بما انك بنفس عمره وممكن تفكيركم مختلف عن طريقتنا بالتفكير
قال الكلام ماله تاثير ولا التهديد بالعكس يعاند اكثر شيء ممكن يواثر فيه هو مشاهده احد يصلي امامه وهو لا يصلي ويقول عن نفسه انه التزم بالصلاه مو عشان كلامي ونصائحي له ولكن يقول عشان كان يشوف اخوه الكبير يصلي امامه وهو جالس فكان يستحي انه ما يصلي واخوه يصلي والشيء الاخر بعض المقاطع الي تخوف تارك الصلاه وسمعني مقطع عنده عن عقوبه تارك الصلاه
النصائحه الي ممكن اقدمه لك
1- الدعاء له بالهدايه
2- الكلام بالتحذير من ترك الصلاه وانه كفر والترغيب بالصلاه وانها باب خير وسعاده
3- حاول اذا حانت وقت الصلاه تقوله تعال نصلي مع بعض
4- عمل تحدي معه انه يصلي شهر متواصل وبعدها له مكافه اذا قدر يترك الصلاه لانه وقتها لن يقدر على ترك الصلاه اذا تعود عليها
5- الصبر وعدم الياس من دعوته الي الصلاه حتى يفتح الله على قلبه
6- الاصحاب وتاثيرهم بالعاده لو هم يصلون كان بيصلي معهم ولكن لو ما يصلون وهو راعي صلاه بالغلب سوف يستمر بالصلاه وممكن يواثر فيهم ويبدون بالصلاه