انحش عن اي سهم تحت 5 دولار اذا تبي الامان .
هذا الخط هو اللي حطه الكونقرس الامريكي ليفصل بين ما يسمى penny stocks وغيرها من الاستثمارات شبه الامنه .
وخلك في الشركات المعروفه الغنيه ..اللي توزع dividends.. لانها تدل على قوتها الماليه . حتى لو نزل السهم .. تستفيد كل 3 اشهر .
اي شركة penny stock لا تحط فيها اكثر من 1000 دولار وتقسمه على الاقل 3 دفعات .. وتبيع مع اول ارتفاع ان شاء الله ما يجيك الا 20% ربح او 10% .. لان الشركه اول ما يرتفع سهمها تروح ضاخه ملايين الاسهم وتلم فلوس وتخسف بالسهم من جديد .. واذا نزل السهم تحت دولار راحت سوت تقسيم عكسي عشان تستمر في المؤشر ولا تنطرد !
ولا تطول اكثر من اسبوعين .. اذا طولت معناته فيه شي غلط في الخطه .. والقرار لم يكن دقيق.. اطلع في اسرع وقت مع اول ارتفاع .. واحيانا تضطر تبيع بخساره لانه افضل لك من التعديل..
ولا تدخل في ال pennystocks الا الشركات اللي اسهمها الحره قليله float .. تلقى حسبتها في برنامج yahoo