لايوجد نظام لمن تقود السيارة سواء الزوجه او البنت كل واحد يعرف بيته وهو ادري فيهم ويعرف كيف يتصرف وانا اشاهد ان الموضوع صار اوافق او لااوافق داشرة ماهي داشرة ديوث ماهو ديوث هذه الامور حسب البيت مثلها مثل لما تقوله ابروح لامي اليوم او تقول ابروح اسهر مع نساء في الاستراحه يعني الموضوع مرتبط بالتصرفات والسيارة مجرد وسيلة فيه وليست مشكلة قالت ابروح العمل وارجع اش فيها امر طبيعي جدا انها تروح بسيارتها للعمل اما قالت ابروح اسهر في استراحه في الخط السريع مايبغالها مفهوميه
وبالتجربة قيادة المرأة داخل المدن ان شاء الله امنه ومامنها خوف ابدا وكل شخص عليه مسؤولية سواء اهل بيته يسوقون سيارات او مايسوقون سيارات لازم يسأل عن كل شي وهو ياخذ القرار مايترك الامور فالته يصحي من النوم مايحصل احد في البيت لاحرمه ولا بنات ماصارت قيادة مرأة للسيارة صار موضوع جديد
ياخوان نصيحة مني وانا اشوف التفكير مختلف الان عن قيادة المرأة للسيارة كنا نحصل شتائم وسب من بعض الاعضاء الان الموضوع اصبح افضل لاتسيب بناتك مايتعلمون السيارات بسبب تفكيرك الخاطئ او مخاوف غير موجوده لازم تغنيهم عن الناس ماتدري انت تعيش لهم او تموت علمهم السيارات لو منت موافق على انهم يقودونا او يملكون سيارات لازم توصل معاهم حتي يسوقون في كل مكان ويتمكنون من القيادة عندها فقط انت قدمت لهم خدمه كبيرة ستفيدهم طوال حياتهم حتي لو مايحتاجونها الان سيأتي وقت ويحتاجونها ولا يحتاجون لاحد لاسواق ولا اقارب ولا اي احد ويعيشون مستورين يجلبون كل مايريدون ويذهبون للاماكن التي يريدونها ويحتاجونها
بعيد عن التفكير السلبي من البعض مسوي نفسه عالم بالغيب ويفتي على الناس لاحد يسيب بنته بدون مايعلمها السيارة وسوف تندمون اذا لم تعلموهم وخلي ابو وساوس يستمر في الوسوسه وسوف يندم