logo


قديم 10-12-2020, 12:51 PM
  المشاركه #25
عضو هوامير المميز
تاريخ التسجيل: Apr 2013
المشاركات: 321
 



في صباح يوم مشمس.... بدلا من ارمي الزبالة /اكرمكم الله/ في حاوية القمامة رميت شنطتي واحتفظت بالزبالة
المشكلة ماهي كذا، المشكلة اني اضطريت انزل داخل حاوية الزبالة الفاضية لاخذ الشنطة
رجعت للبيت وغيرت ملابسي ونظفت شنطتي وذلفت للعمل

تحيااااتي




 
 
قديم 11-12-2020, 02:13 AM
  المشاركه #26
عضو هوامير المميز
تاريخ التسجيل: Oct 2019
المشاركات: 348
 



اقتباس:
المشاركة الأصلية كتبت بواسطة خاص 1382
رحت بالسيارة للمسجد قريب من البيت ، بعد الصلاة رحت للبيت مشي .... نسيت السيارة.
بعد كم ساعة طلعت بروح لمشوار ولالقيتها عند الباب ، انجنيت ، السيارة انسرقت واطلع الجوال ببلغ المرور وتذكرت أني ناسيها عند المسجد
والله كانت فرحة
هههههههههههه قوى الله إيمانك وزين أنها عند المسجد

وذكرتني اللي رايح المسجد ولابس مشلح مقلوب ناسي...الخ

نورت الموضوع وشكرا ع الرد الجميل يا جميل




قديم 11-12-2020, 03:05 AM
  المشاركه #27
عضو هوامير المميز
تاريخ التسجيل: Mar 2020
المشاركات: 410
 



هذي الله يسلمكم متاهة صارت لي:
ركبت موتر ابوي ومعي الوالده الله يحفظها، واتذكر اني نسيت اوراقي بسيارتي وانزل من سيارتي واروح باخذ الاوراق،
ويوم وصلت للسيارة اتذكر ان المفتاح بغرفتي وارجع للمفتاح اخذه وافتح السيارة وما لقيت الاثبات وبطاقة الصراف، واتذكر انهن
بالغرفة واقفل السيارة واروح للغرفة واخذ الاثبات وبطاقة الصراف واركب الموتر بمشي، واتذكر اني تركت المفتاح بمخباتي وارجع
للغرفة واحط مفتاح سيارتي هناك، ...الخ


السالفة طويلة شوي، لدرجة اني استحيت من الجيران كل شوي طالع داخل مع الباب




قديم 11-12-2020, 01:56 PM
  المشاركه #28
عضو هوامير المميز
تاريخ التسجيل: Oct 2019
المشاركات: 348
 



اقتباس:
المشاركة الأصلية كتبت بواسطة سوق الخضار
يقول وقفت عند بقالة وخليت السيارة شغالة بلقط غرض على السريع وبمشي لما طلعت من البقالة ومع إنشغال البال (يالله لا تشغلنا عن طاعتك) ركبت بسرعة موتر يشبه موتري بالضبط وشغال ما طفاه راعيه زيي، المصيبة ما اكتشفت إنه مهوب موتري إلا بعد ما مشيت 2 كم تقريباُ لأني دورت نظارتي الشمسية وما لقيتها وعلى طول رجعت للبقالة وأشوا لقيت راعي الموتر ينتظر عند موتري ويقول توقعت إنك أنت اللي لقطته لما شفت مواترنا تشابه وموترك واقف شغال!
هههههههههه الله يسعدك ذكرتني بصديق لي وقف عند سوبر ماركت يشتري له غرض يقول طلعت رحت اركب سيارتي لأنه ما يقفلها العادة الا وحرمة تصرخ يوم ركب وانحاش واكتشف انها مو سيارته تشبه لها وخاف يجي زوجها وحط رجله ويقول من الخرعه جلست اغني اقول بتلوموني ليه لو شفتم عينيه حلوين اد ايه

نورت الموضوع يا حلو بمشاركتك الجميلة




قديم 11-12-2020, 10:43 PM
  المشاركه #29
عضو هوامير المميز
تاريخ التسجيل: Oct 2019
المشاركات: 348
 



اقتباس:
المشاركة الأصلية كتبت بواسطة ashaikh
كنت مسافر ومستأجر سياره وعند موعد العوده باقي على الرحله ساعتين وانا احط اغراضي في شنطة السياره نسيت المفتاح فيها والابواب مقفله وكان موقف صعب وناديت العمال في الفندق للمساعده وجابوا عدة السباكه ما يصلح منها شيء وقررت اكسر الزجاج وبالصدفه مر واحد اجودي واقترح ادخال سيم من جنب الباب وضغط الزر حق الشنطه ونجحت العمليه وانفتحت الشنطه . ولحقت على الطائرة في اخر لحظه.
إذا البال مشغول فالنسيان حاضر

بس الحمد لله لحقت على الطيارة وتخيل لو كسرت القزاز كان راحت عليك الرحلة لأنهم بيعطلونك عشان يقدرون سعر القزاز ويضاعفونه لك

نورت الموضوع يا حلو




قديم 28-12-2020, 01:21 PM
  المشاركه #30
عضو هوامير المميز
تاريخ التسجيل: Oct 2019
المشاركات: 348
 



اقتباس:
المشاركة الأصلية كتبت بواسطة الصدق1
فيه مرة كنت ادور على النظارة وانا لابسها هههههههههههههههه


تكرر معي وأحس وقتها أني زعيم المفهيين


نورت الموضوع يا حلو




قديم 28-12-2020, 01:22 PM
  المشاركه #31
عضو هوامير المميز
تاريخ التسجيل: May 2015
المشاركات: 1,005
 



انا مشتري امس بالليل خبز وخضار

نزلت الخضار والخبز نسيته

قبل شوي نزلته




قديم 28-12-2020, 01:23 PM
  المشاركه #32
عضو هوامير المميز
تاريخ التسجيل: Oct 2019
المشاركات: 348
 



اقتباس:
المشاركة الأصلية كتبت بواسطة درب السلامة
قبل 18 سنة عندي اغراض ابسلمها لعامل عندنا هو ساكن بالهفوف وانا بالرياض ، تواعدت معه انتناصف المشوار ومكان الالتقاء هجرة اسمها خريص تبعد عن الرياض 150 كيلو وكذلك نفس المسافة عن الهفوف وصلنا تقريبا بنفس الوقت وعطيته اللي معي ، هو مشى لديرته وانا وقفت اصلي واخذت شاهي ومسكت الطريق لديرتي وانا ماشي والهواجيس تودي وتجيب فيني والا اشوف العامل يمشي قدامي استغربت وش عنده ذا راجع للرياض ضربت له بوري ووقفته وسألته وش عندك رايح الرياض ؟ طبعا شفت على وجهه علامات تعجب واستغراب وانا قلت بقلبي هذا اكيد وراه بلا ، قال انت اللي لاحقني للهفوف قلت انت متاكد ، قال متاكد ، الصراحة تفشلت منه واللي حصل ان الطريق كان سايد واحد رايح جاي وانا يوم بغيت ارجع استدار راسي واخذت عكس طريقي وقطعت قرابة 60 كيلو ولو لا الله ثم اني شفت العامل يمشي قدامي ولاكان ماردني الا الأمارات .
ههههههههههههه شكله لوما علمكم تعديت الكويت
مشكلة هالتسيان فعلا

نورت الموضوع يا حلو




قديم 29-12-2020, 08:07 AM
  المشاركه #33
عضو هوامير المميز
تاريخ التسجيل: Oct 2019
المشاركات: 348
 



اقتباس:
المشاركة الأصلية كتبت بواسطة solver
روى مسلم في الصحيح وأصله في الصحيحين إذا قال: سبحان الله وبحمده مائة مرة، غفرت خطاياه وإن كانت مثل زبد البحر، وفي لفظ آخر: من قال حين يصبح وحين يمسي، سبحان الله وبحمده مائة مرة، غفرت خطاياه وإن كانت مثل زبد البحر،
جزاك الله خير




قديم 29-12-2020, 08:09 AM
  المشاركه #34
عضو هوامير المميز
تاريخ التسجيل: Oct 2019
المشاركات: 348
 



اقتباس:
المشاركة الأصلية كتبت بواسطة إبن راشد
فيه نسيان عن نسيان يفرق .. غالباً كثرة النسيان تكون بسبب الضغوط الشديدة التي يتعرض لها الشخص اما في عمله او دراسته او حياته الاجتماعية بشكل عام وهي سلاح يستعمله العقل للحفاظ على نفسه من التلف وكثرة التفكير .. النسيان في احيان كثيرة نعمة
معلومة جديدة فعلاً الحالة تجيني وقت الاختبارات والانشغال الذهني
سبحان الله أول مرة أعرف هالشي
شكرا لك يا حلو ع المعلومة الجميلة




قديم 29-12-2020, 08:12 AM
  المشاركه #35
عضو هوامير المميز
تاريخ التسجيل: Oct 2019
المشاركات: 348
 



اقتباس:
المشاركة الأصلية كتبت بواسطة ابو قصي
موقف محرج لا احسد عليه
كنّا مسافرين طريق طويل ( بر )
ومعنا كبير سن الله يرحمه توفي الان - قال هالشايب وقف نبي نصلي المغرب .. قلت سم

مفتاح السياره كان معي لحاله لاميداليه ولاشي .
نزلنا وطفيت السياره .. وصلينا المغرب والعشاء جمعاً واظلمت الدنيا .. ركبنا السياره ادور المفتاح
الى يومنا هذه مدري وين راح .. ضاااااااع

رجعنا سطحه 😂😂😂😂

هههههههههههههههههههههه الله يسعدك على هالصباح
تخيلت أشكالكم راكبين السطحة

تمنيت طاش ما طاش يمثلون قصتكم بتطلع تحفة

شكرا ع الموقف الطريف يا حلو




قديم 29-12-2020, 11:49 AM
  المشاركه #36
عضو هوامير المؤسس
تاريخ التسجيل: Apr 2005
المشاركات: 19,394
 



لا لا لا انا ازين منك ، عند باب البيت

و الله هذا الحاصل

جاي من الدوام و أوقف عند الباب ، على إذان المغرب

على طول رحت للمسجد ( توضيت من دورات مياة المسجد و دخلت وصليت المغرب )

المهم طلعنا من الصلاة و دخلت البيت ، أذن العشاء طلعت رايح للمسجد
و أنا أمر من عند الموتر و أتعداه و التفت اشوفه و اقول في خاطري
الموتر وش فيه حار المهم اتجهت للمسجد صلينا العشاء ، و طلعت وأن متجه
للموتر اقول في نفسي نفس الشي وش فيه حار
و اهوجس من دخلت للصلاه لين رجعت له ، يوم قربت له
فتحت الباب بالارقام و اركب ...........
إلا الموتر شغال من وقفته مع اذان المغرب لين رجعت له بعد صلاة العشاء :(


و امس القريب ذا ،، شلت اغراضي و نزلت وقفلت
و ارجع افتح الباب مره ثانيه على بالي ناسي الجوال وهو بيدي :(







الكلمات الدلالية (Tags)

مواقف

,

مفتاح

,

النسيان

,

سيارة

,

سيارةجوال

,

شغالةالخ

,

طريفة

,

قليل


أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



04:26 PM