مع صحن البروستد اكتشفت المشاكل الاقتصاديه بذا

المشاركة الأصلية كتبت بواسطة العاقل المتزن

ابرد هنا كشخص عادي لان لا املك خبره بالمطاعم

ولكن كمحب للبروستد هو مطعم يعتمد على الخلطه وحب الناس لها والشهره وبالغالب لازم يكون متخصص فقط بالبروستد

وناتي للنجاح بعد توفيق الله العامل الاول السمعه فبعض المحلات تعمل بالسمعه فقط ولذلك مازالت مستمره وبقوه مع العلم ان مستوى البروستد عندهم وسط وفيه محلات قريبه منهم واحسن طعم وجوده منهم ولكن الزبائن تذهب الي المحل المعروف ولذلك لا تفتح محل بروستد في حي فيه مكان مشهور بالبروستد لانه بالغالب بياخذ الزبائن

ولنجاح اي مطعم انت تحتاج الي رقم بالمبيعات لو لم تصل له فانت خسران بروستد شاروما بوفيه بخاري انت بحاجه هذا الرقم ولذلك تجد مطعم وعنده زبائن ولكن خسران لانه ما وصل للرقم المطلوب وكل مطعم له رقم مختلف حسب الايجار والتكاليف

وبصفه عامه كمطعم بروستد فكره جميله البروستد له محبينه وجمهوره وفيه مكسب ولكن نجاحه له شروط منها الخلطه الموقع الديكور وترها اشياء ليست سهله البروستد خلطه وحمص وثوميه تحتاج الي هذه الاشياء بالاضافه الي معلم خبير وموقع مدروس بعنايه وديكور جميل اذا قدرت على هذه المعادله ممكن باذن الله تنجح بعد دراسه السوق والتكليف والمبيعات المتوقعه ولان انت بتستخدم دجاج محلي احسب سعر الدجاجه والحمص والببسي والضريبه والايجار وباقي التكليف كم يبقى لك ربح صافي اذا تكلفه الوجيه 20 ريال يعني 17 بدون ضريبه يعني 14.5 بدون ببسي يعني 11 بدون الدجاج والخلطه ويبقى 4 ريال بعد خصم سعر الدجاج والخلطه هذي اشياء تقريبيه يعني ربحه تقريبا 4 ريال بالوجبه يعني لو باع 200 وجبه ربحه بيكون 800 ريال وممكن مصاريف المحل باليوم حسب العماله توصل 500 ريال كهرباء وايجار ورواتب ورسوم هنا ربحه بيكون حدود 300 ريال يومي صافي ولكن لو باع 150 وجبه باليوم بيكون ربحه 100 ريال باليوم

ولكن وركز هنا لو باع 120 وجبه باليوم بيكون خسران 20 ريال باليوم مع ان مبيعاته باليوم 2400 ولكن خسران

وهنا اهميه دراسه المبيعات لانها هي الاساس بين الربح والخساره