أغلب السعوديين ليست عندهم ثقافة الادخار .. علشان كذا يفضل تأخذ فيلا ولو بالتقسيط وبالدعم السكني أفضل لك ويكون فيها شقة او شقتين .. أكثر اللي تملكوا فلل ولو بالتقسيط مرتاحين نفسيا .. هذا بيت العمر ومن أسباب الراحة الاجتماعية والنفسية .. فيه حالات نادرة لناس تعرضوا للغش في البناء .. وفي رأيي تغانم عمرك قبل التقاعد وبعدين ما تقدر تمتلك ولا شقة لأن البنك اذا قرب تقاعدك ما راح يعطيك مبلغ يستاهل .. انتم في نعمة الدولة ما قصرت 500 الف دعم سكني بدون فوائد وفي أقرب بنك وفي أسرع وقت .. لا قدر الله بيجي وقت تتمنون الدعم هذا ولا تحصلونه .. فنصيحة أخو ونصيحة مجرب ونصيحة محب توكل على الله واشتر لك فيلا من شخص ثقة او أفضل أنك تبنيها بنفسك.. لكن المشكلة أننا نكتب في منتدى أسهم ,, وأصحاب الاسهم بينهم وبين اصحاب العقار شيل وحط .. فطبيعي بتحصل ناس في منتدى اسهم لا يؤيدون التملك في العقارات إلا من رحم ربي .. صفوا النية وحب لأخيك ما تحب لنفسك ..