صراحة الواتساب مشكلة لانه ما يحلى لين تجمع فيه اكبر عدد ممكن وطبعا بيكون فيهم كل المستويات وايضا مايسلم من الاخطاء مثل المطوع اللي كان مصور مقطع له وزوجته وقامت بنته ونشرت المقطع في قروب واتساب وانتشر المقطع وصارت فضيحة ,
اتذكر احد الاشخاص كلامه موزون والرجال ثقيل , كنا نمزح مع بعض في الواتس واحد الاشخاص مزح معه , الا ويرسل رسالة فيها سب وكلام جميعنا ما استوعبنا هالشي يصدر منه , لكن من ثالث رسالة صوتية عرفنا ان الرجال (معطبها ) ماهو في وعيه
يعني فاقد , الرجال يحضر اجتماعاتنا وطلعاتنا هالسالفة ما احد علق عليها ولا احد فتح الموضوع (ولا كانه شي صار ) لها الان 5 سنوات الرجال كلامه تغير ودايم محرج ونظراته توضح انه يفكر ولاصار يجلس معنا فترات طويلة يحاول يتكلم بسرعة ويعتذر اول
يجلس لين تنتهي السهرة هو حاس انه طاح من عيونا والصورة اللي سنوات يرسمها لنا تحطمت بسبب هالموقف