بحكم شغلي في العقار من اكثر 15 سنه والحمدلله عينت خير مع شغلي بالاسهم والسيوله الاكبر في العقار اشتر في مخططات المنح الخير مثلا وهو الافضل اذا كنت من سكان الشمال وناوي تسكن مستقبلا واذا كنت في الجنوب مخطط عريض واذا كنت بالشرق رماح واذا كنت بالغرب نمار 3020
وفي مخططات العينه وملهم والعماريه زينه بس عيبها اتوقع كلها زراعيه اما اذا كنت مستثمر فركز على الي سعرها مازال مناسب فمثلا الجبيله سعر المتر فيها 1100 ريال انا اشوف انه مناسب وممكن يدبل في فتره قريبه يعني مثلا سنه ونص
على العموم بعطيك نصيحه في العقار :
1- التوكل على الله قبل كل شي والعقار مبروك
2- ان تدخل في العقار بسيوله مو محتاجها في فتره من الزمن
3- ان تكون صبور وقنوع وتضع سعر بيعك المستهدف قبل الشراء اذا كنت مستثمر
4- اذا كنت مستثمر احرص على الي تكون ضلعها على الشارع اكبر لسهوله تجزئتها وسهوله بيعها
5- احرص ان يكون الشارع 20 وان لاتكون على شارع طويل لان الشارع الطويل تكون السيارات فيها مسرعه وبذلك يكون السكن فيها متعب لحرصك على سياراتك بالشارع او على اطفالك
6- ان تكون الارض مستويه وان لايكون فيها دفان
7- الافضل دائما في الوجهه الشرقي ثم الجنوبي ثم الشمالي ثم الغربي
8- البعد عن الدخول في مهاترات في المجالس مع الناس وخاصه النقاش في العقار لان بعضهم يتوقع انك تدافع عن العقار وان تملك في نصف الرياض فلذلك البعد عن ذلك افضل
9- ان لاتبحث عن تحديث الاسعار بشكل يومي واذا كنت حريص كل ربع سنوي او نص سنوي لمعرفه الاسعار
10- اذا شريت ارض احرص ان لاتكون في وجه الشارع يعني علىt
الله يرزقنا وياك واخواننا المسلمين فهذ اجتهاد مني على عجاله وفالك التوفيق
لو تتكرم تحديث المعلومات التي ذكرتها وفقك الله عن الأسعار لأنه مضى حدود شهر على هذا الموضوع ... وتشمل ما لديك من معلومات عن الأسعار الحالية خصوصا أطراف الرياض التي يبدو أنها تتغير شهرا بعد أخر أو ربما أسبوعيا ...
سوالف عطنا صفقات من موقع وزاره العدل
دخلت الان موقع عقار معروض اراضي كثير ب800 ريال و900 ريال للمتر وعددها كبير جدا حد بهذي الاسعار
وهذي اللي تنفذ اما اللي حاط 1300 و1500 مافيه تنفيذ كلها خرطي اقدر احد سلعتي حتى ب10 الاف ريال للمتر لكن هل بتنفذ
سوالف عطنا صفقات من موقع وزاره العدل
دخلت الان موقع عقار معروض اراضي كثير ب800 ريال و900 ريال للمتر وعددها كبير جدا حد بهذي الاسعار
وهذي اللي تنفذ اما اللي حاط 1300 و1500 مافيه تنفيذ كلها خرطي اقدر احد سلعتي حتى ب10 الاف ريال للمتر لكن هل بتنفذ
ترى فيه مخطط معين في الخير واصله الكهرب يمكن هو اللي يقصده واصل 1500
سوالف عطنا صفقات من موقع وزاره العدل
دخلت الان موقع عقار معروض اراضي كثير ب800 ريال و900 ريال للمتر وعددها كبير جدا حد بهذي الاسعار
وهذي اللي تنفذ اما اللي حاط 1300 و1500 مافيه تنفيذ كلها خرطي اقدر احد سلعتي حتى ب10 الاف ريال للمتر لكن هل بتنفذ
الان تدخل موقع عقار وتترك موقع وزارة العدل الي يوضح وصول الاسعار في بعض مخططات الخير الى اعلى من 1300 ريال
24-02-2021, 08:42 PM
