عندي موضوع حساس ومتعبني

المشاركة الأصلية كتبت بواسطة طريد البر

الموضوع يااخوان والله يشهد اني صادق فيه انا واحد ماينام ادري ماراح تصدقون لكن والله اعاني وبقوه لما احط راسي ع المخده للنوم يبدأ معاي التفكير اللي ينخر ذهني كما تنخر العظام يتصور لي هذا اشبه بالدرل التفكيري يثقب راسي وللاسف تطورت الحاله وصارت الحاله خارجه عن الاراده وغالبتني مافي احاول واحاول واحاول بدون نتيجه باختصار الحاله اغمض عيوني لكن ذهني نار بالتفكير وادخل في حاله غريبه مثلآ بأني اتكلم مع الناس في مشاهد ومواقف ودراما عجيبه والله وضع غريب جدآ ونتيجته ابقى على نفس المنوال طول الساعات الى ان أتفاجأ باذان الفجر وبعد اصلي ونفس الوضع اذا بقيت للظهر في البيت وبعدها جسم متكسر من التعب ماغير متمدد بسبب صعوبة الحركه واولادي يشفقون علي ماغير مساج لجسمي لي تقريبآ سنتين على هالوضع صرت احسد حتى اولادي لما اصحى واسمع شخيرهم في سابع نومه مخدرين وانا ابحث عن ريحة نومه فكرت استشير طبيب نفساني يعطيني حبوب منومه قويه لاجل مجرد مااحط راسي ابلعها وادخل في نومه عميقه بدل العذاب اللي انا فيه

هذا الموضوع واتمنى توجيه ونصح لاهل الخبره في مثل هالامور لان الوضع تمكن مني ماقدرت اطلع منه اطلاقآ

وسلامتكم