logo



قديم 25-02-2021, 06:47 AM
  المشاركه #1
مشرف رقابي
تاريخ التسجيل: Dec 2010
المشاركات: 8,921
 



السلام عليكم ورحمة الله وبركاته
أسعد الله أوقاتكم بكل خير

قبل ما يقارب الشهر بعت سيارتي في معارض الدمام وطبعا اغلب من يشتري ويبيع شريطية سعوديين وأجانب تجدهم قبل دخولك للمعارض ب 3 كم المهم اني بعتها لشاب سعودي الظاهر أنه صاحب معرض أو شريك له وفعلا تمت المبايعة وحول لي المبلغ واعطاني ايصال ووقعت على الاوراق وبعد مرور أسبوعين عند دخولي على ابشر اكتشفت أن السيارة لازالت باسمي واتصلت استفسر لماذا لم يتم نقلها فرد بأن السيارة في المعرض وفي الحفظ والصون وسينقلها للمشتري الجديد في اقرب وقت لانه يترزق الله حسب كلامة وبعد مرور شهر تفاجات برسالة تفيد بوجود مخالفة مرورية على السيارة في مدينة شمال المملكة (عدم ربط الحزام بقيمة 150 ريال ) وبعدها بدقائق جت المخالفة الثانية (حمل جوال بقيمة 500 ريال) فراسلته وطلبت منه نقل السيارة وتسديد المخالفات وفعلا سدد جميع المخالفات ونقل السيارة ولم ينتهي المسلسل حيث تفاجات صباح اليوم بمخالفة تجاوز سرعة على نفس السيارة واخبرته وسددها فوراً والله يستر من القادم

لذلك يا اخوان احذروا من التساهل في هذا الأمر ولاتبيع لأي شخص حتى تشترط عليه نقل السيارة باسمة لأن أغلبهم شريطة لايريد دفع رسوم النقل والتامين

الموضوع الأصلي : اضغط هنا    ||   المصدر :

ساحات الهوامير المفتوحة



‏إن ضاقت عليك الأرض بما رحبت، فأخرج وانظر إلى السماء كيف رفعت فأن رافعها قادر على تفريج الكروب وإن عظمت.
 
 
قديم 25-02-2021, 06:51 AM
  المشاركه #2
عضو هوامير المميز
تاريخ التسجيل: Mar 2010
المشاركات: 10,968
 



جزاك الله خير على النصيحة.. المشكلة لو سوى حادث قوي أو دهس بتكون مشكلة كبيرة لذلك لا للتهاون في مثل هذه الأمور..



قديم 25-02-2021, 06:57 AM
  المشاركه #3
عضو هوامير المميز
تاريخ التسجيل: Sep 2010
المشاركات: 1,908
 



اذا السيارةبسمك الان انتبه تبلغ انها مسروقة لانه بيطلب برد اعتبار بلغ علي صاحب المعرض الذي تم كتابة عقد المبايعة فيه راح يتغرم صاحب المعرض



قديم 25-02-2021, 07:00 AM
  المشاركه #4
عضو هوامير المميز
تاريخ التسجيل: Dec 2019
المشاركات: 1,755
 



ارفع بالموضوع واشتك عليهم قسم ان يرثعون بهم اما انك تكتب هذا ماصار وحصل بدون فايده



قديم 25-02-2021, 07:04 AM
  المشاركه #5
كاتب مميز
تاريخ التسجيل: Oct 2009
المشاركات: 24,331
 



...........



قديم 25-02-2021, 07:11 AM
  المشاركه #6
عضو هوامير المميز
تاريخ التسجيل: Oct 2011
المشاركات: 8,209
 



أعذرني فالخطأ منك أنت !!

المبايعة الان الكترونية ويتم الإشارة لمبلغ البيع وممشى المركبة بالإضافة الي أي بيانات أخرى ولا تتم الا بموافقة من قبل البائع عبر رقم يرسل لجواله المسجل في أبشر ، وأي معرض لا يتقيد بذلك تتم مخالفته وتغريمه !!




قديم 25-02-2021, 07:15 AM
  المشاركه #7
عضو هوامير المميز
تاريخ التسجيل: May 2012
المشاركات: 4,588
 



اقتباس:
المشاركة الأصلية كتبت بواسطة ابن روزه
السلام عليكم ورحمة الله وبركاته
أسعد الله أوقاتكم بكل خير

قبل ما يقارب الشهر بعت سيارتي في معارض الدمام وطبعا اغلب من يشتري ويبيع شريطية سعوديين وأجانب تجدهم قبل دخولك للمعارض ب 3 كم المهم اني بعتها لشاب سعودي الظاهر أنه صاحب معرض أو شريك له وفعلا تمت المبايعة وحول لي المبلغ واعطاني ايصال ووقعت على الاوراق وبعد مرور أسبوعين عند دخولي على ابشر اكتشفت أن السيارة لازالت باسمي فراسلته استفسر لماذا لم يتم نقلها فرد بأن السيارة في المعرض وفي الحفظ والصون وسينقلها للمشتري الجديد في اقرب وقت لانه يترزق الله حسب كلامة وبعد مرور شهر تفاجات برسالة تفيد بوجود مخالفة مرورية على السيارة في مدينة شمال المملكة (عدم ربط الحزام بقيمة 150 ريال ) وبعدها بدقائق جت المخالفة الثانية (حمل جوال بقيمة 500 ريال) فراسلته وطلبت منه نقل السيارة وتسديد المخالفات وفعلا سدد جميع المخالفات ونقل السيارة ولم ينتهي المسلسل حيث تفاجات صباح اليوم بمخالفة تجاوز سرعة على نفس السيارة وراسلته وسددها والله يستر من القادم

لذلك يا اخوان احذروا من التساهل في هذا الأمر ولاتبيع لأي شخص حتى تشترط عليه نقل السيارة باسمة لأن أغلبهم شريطة لايريد دفع رسوم النقل والتامين
الحين تاخذ بعضك وتروح لقسم الشرطة وتسوي بلاغ ((( عدم نقل ملكية))) وتحمي نفسك من المسؤلية
للعلم يوجد عندهم هذا البلاغ لايقولك ماعندنا بلاغ عدم نقل ملكية ولاتنسي تاخذ رقم البلاغ وتحتفض فيه




قديم 25-02-2021, 07:20 AM
  المشاركه #8
عضو هوامير المميز
تاريخ التسجيل: Sep 2011
المشاركات: 7,045
 



اذا ماطل ولم ينقل السيارة باسم المشتري الجديد ،،،،،،،،،،بلغ على أن السيارة مسروقة عشان يتأدب و تعطيه درس لن ينساهـ مدى الحياة



قديم 25-02-2021, 07:28 AM
  المشاركه #9
عضو هوامير المميز
تاريخ التسجيل: Mar 2015
المشاركات: 1,336
 



استغرب من اللي يقول اشتكي خلاص نقل السياره وانتهت
شيك انت في ابشر اذا السياره باسمك او لا
المخالفة اللي وصلتك اكيد قبل النقل وجتك متأخره

عموما اذا طارت من ابشر وجتك مخالفه ايضا خله يسددها ولا اعتقد بتجيك مخالفات بعد كذا


النقل لاحد يتساهل فيه ابدا انا بعت سيارتي لقريب لي وشريطي وقال بيستخدم سنتين وطلب مني تركها بأسمه وهو رجل راكد وعاقل لكن بعد اسبوعين راحت الركاده لقيته بايعها على خويه ويترجوني اني اصبر لين يبيعوها
اعطيتهم مهله 5 ايام وعقبها الوجه من الوجه ازرق
ونقلوها وافتكيت من سالفتها

الجرده في النقل لا تأمنها ابدا لابعيد ولا قريب
لاتطلع انت بنفسك من المعرض الا بعد رسالة النقل




قديم 25-02-2021, 07:30 AM
  المشاركه #10
عضو هوامير المميز
تاريخ التسجيل: Aug 2012
المشاركات: 10,398
 



اشتكي صاحب المعرض ممنوع تخرج اي سياره من المعرض دون نقل ملكيه

اذ عندك اوراق مبايعه من نفس المعرض اشتكي والله لغير يورونهم النجوم في القايله




قديم 25-02-2021, 07:33 AM
  المشاركه #11
عضو هوامير المميز
تاريخ التسجيل: Sep 2010
المشاركات: 1,908
 



اقتباس:
المشاركة الأصلية كتبت بواسطة madmad99
اذا ماطل ولم ينقل السيارة باسم المشتري الجديد ،،،،،،،،،،بلغ على أن السيارة مسروقة عشان يتأدب و تعطيه درس لن ينساهـ مدى الحياة
هذا اكبر خطاء انك تبلغ وانت بايع ممكن يثبت عليك عكس ذالك بلاغ كاذب ممكن الرجال معه ورقة مبايعة او شيك ومسجل فيه وذالك قيمة السيارة ثم يدفعه اكثر من قيمة السيارة الاحسن يشتكي المعرض لاخرج المركبة من المعرض قبل نقاها




قديم 25-02-2021, 07:39 AM
  المشاركه #12
عضو هوامير المؤسس
تاريخ التسجيل: Apr 2005
المشاركات: 14,300
 



الشريطية الله يهديهم قليل منهم الصادق ، أنا قبل خمس سنوات كان عندي سيارة لاندكروزر وبعتها في حراج النسبم على شخص إدعى إنه ماهو شريطي وإنه يبي يستخدمها وألح علي أخفض له من السعر 2000 ريال على شأن يركب كفرات جديدة لأنه يبي يسافر عليها للمدينة هو وأسرته ويقول كفراتها ماهي نظيفة وتحت إلحاحه خفضت له 2000 ريال وقال لي صاحب المعرض بكرى رايح تحول السيارة لإسم المشتري ومشيت وبعدها بيومين كلمني شخص قال لي إنه إشترى سيارتي من واحد ويبي المفتاح الإسبير وقلت له أنا سافرت من الرياض للشمال وقال أنا وجهي للشمال ورايح أمرك وتعطيني المفتاح وهذا الذي حصل وسألته بكم إشتريته وحصلته مشتريها بزيادة 7500 ريال






الكلمات الدلالية (Tags)

وهذا

,

سيارتي

,

شريطي


أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



03:02 PM