اخوي ثلاثة شهور قليل جدا لتنفيذ مخطط اعرف اشخاص كثير اخذ منهم سنه وغيروا وعدلوا حتي حصلوا على مخططات جيدة
بخصوص المخطط انا شخصيا مادري انت عندك خمسين مليون او مائة مليون حتي تسوي بيت بالطريقة هذي يحتاج على الاقل ثلاث او شغالتين بشكل دائم او بتسوي البيت وتسيبة للغبار التخطيط فيه عيوب كثيرة جدا جدا وغير مريح للسكن ولا توجد به خدمات وكل شي فيه بعيد وصعب الوصول له ويوجد عدم تناسب في الغرف والمطبخ والمداخل غريبة الصراحه بالنسبة للمجلس والمطبخ
مارايح اعدل لك في هذا المخطط انما اقولك اذا انت رياضي والاهل عندك رياضيين سوي هذا المخطط ولازم يكون عندك خمسين مليون على الاقل حتي يستمر نظيف وتكون فيه عمالة دائمة يعملون فيه
اسمحلي اقولك انت مسوي مطبخ خارج البيت ومجلس خارج البيت والدول الثاني في الفيلا لايوجد به مطبخ او خدمات يعني لازم عندك شخص يطلع وينزل طوال اليوم بس نصيحتي استقدم خادمات شاركوا في الالعاب الاولمبية لانهم بيطفشون ويشردون من اول شهر التخطيط متعب جدا ولا يصلح للحياة هذا المخطط افضل شي له ثلاثة شقق فوق بعض انت لاحصلت فيلا مريحة ولا شقق عدلة لاتزعل مني انت بتعيش في هذا البيت والفكرة مجالس كبيرة هي السمه العامة للمخطط حتي تفرج الناس عليها وهذه الفكرة اثبتت فشلها لن تستخدم هذه المجالس كثيرا وضحيت بنصف المنزل للمجالس الان الناس تسوي المجلس اخر غرفة وغرفة خمسة في اربعة تكفي انتهت فكرة المجالس الكبيرة على حساب المخطط والاستفادة منه مستقبلا صدقني لو عملت هذا المخطط سوف تندم عليه مخطط غير قابل للحياة فيه