logo



قديم 01-03-2021, 01:00 PM
  المشاركه #49
عضو هوامير المميز
تاريخ التسجيل: Apr 2020
المشاركات: 679
 



اقتباس:
المشاركة الأصلية كتبت بواسطة رسا111وي
انا عندي سوال اتمنى ياصاحبة الموضوع تجاوبين عليه

لو سكنتي في فندق وتعطلت لمبة مثلا هل يلزمك الفندق بالاصلاح؟

نفس الشي بالكرسي لو المالك مركب كرسي نوع رديئ

واذا طلعت يقولي ليه الكرسي خربان وهو يمص مني ايجار 7 سنوات
وانتهى عمره الافتراضي هل يلزمني اني اصلحه؟

هل تعلم ان من حق المستاجر انك تصلح اي شي يخرب في البيت من سوء الاستهلاك وتصلحه له بشكل مجاني لانه مستاجر البيت باللي فيه ولا له علاقة بالتصليح في بيت مو بيتة



العقد، ارجع للعقد ، لو سكنت شقة جديدة وكل شي فيها جديد وانت اول ساكن يلزمك تسلمني كل شي مثل ما استلمته لانه استخدامك واستهلاكك انت ، اما اذا استأجرت من عندي شقة مستخدمة والاشياء الاستهلاكية في نص عمرها ، هنا معك حق اسوي لها صيانه ونرجع للكلام اعلاه تطلع منها ترجع كل شي شغال لانه استهلاكك انت . مشكلتنا ما نقرأ العقد لا مستأجر ولا المؤجر . اما السكن بالشقق المفروشه والفنادق فهو مختلف تماما الصيانه وحتى النظافه واستهلاك الماء والكهرباء مشمول من ضمن الايجار




 
 
قديم 01-03-2021, 04:39 PM
  المشاركه #50
عضو هوامير المميز
تاريخ التسجيل: Dec 2013
المشاركات: 486
 



رد: بخصوص شقتي اللي لعب فيها المستاجر

للأسف هيئة العقار بنظام الإيجار الموحد سخرت إمكاناتها القانونية القوية لخدمة وضمان حق المؤجر بشكل كبير جدا وتجاهلت حقوق المستأجر.
فالمؤجر الآن يستطيع إستخدام نظام التنفيذ لضمان حقوقه, بعكس المستأجر الذي لايستطيع ضمان منفعته بشكل كامل..
فلايستطيع المستأجر إلزام صاحب العقار بسدد المتأخرات في الفواتير أو أي مشكلة في السباكة وغيرها..

المفروض ان تكون العلاقة مصلحة بين المؤجر والمستأجر, بمعنى منفعة سكن مقابل أجرة السكن..
ولكن هناك من يعتقد أنه مسكنك في سكن خيري وأنك كمستاجر ليس لك أي حق وأحمد ربك اني سكنتك في عقاري؟؟؟




قديم 01-03-2021, 04:44 PM
  المشاركه #51
عضو هوامير المميز
تاريخ التسجيل: Oct 2016
المشاركات: 7,147
 



اقتباس:
المشاركة الأصلية كتبت بواسطة لا بد تفرج
للي يغبن اني قررت ابيع اشقه من اجل اشتري فله
مع قرض البنك

وبلغت المستاجر
وكنت استغرب كل ماجاء مشتري هج ورفض يشتري
الشقه شكلها يسد النفس ما الومه
صايره تكتم اول كانت شرحه والبويه معطيه
سعه في الشقه ونظيفه
صارت ظلام وصور مطربين بحجم كبير ملصقه على الجدران والات موسيقيه وقصايد شعر جاته الرومنسيه في شقتي طيب نظفها واهتم فيها قبل تطلع ياابو رومنسيه
وللي يقول لا تتحسبين عليه
بتحسب وتحسب وجعله يشوفها بوجه وين ماراح
وعلى فكره سكان العماره يبغضونه ويتمنون قلعته
وقد اشتكو عليه مايدفع ولا ريال تنظيف وصيانه ومويه
وصارو يدفعون عنه
ربي فرج لهم منه
وفرج لي منه
والحمدلله
ودي اشتكيه اهز مكانته دكتور الحمير
اهم شي احسبيها صح
اذا قررتي شراء الفله
قدرتك الماليه بعد الشراء

حصول شهادة استدامه
تضمن هذه الفله
من اي خلل
في الانشاء الاساسات الهيكل العضمي للمبنى
والسباكة الكهرباء

لا تظغطين نفسك او تحرمين نفسك
فالناس في الوقت الحالي نفسي نفسي




قديم 01-03-2021, 04:59 PM
  المشاركه #52
عضو هوامير المميز
تاريخ التسجيل: Jul 2008
المشاركات: 15,194
 



فيه ملاك مرضى .. ولايعرفون حدودهم .. ولا يوزنون الامور بعقولهم .. مثلا واحد انا كنت مستأجر عنده 8 سنوات ادفع له سنويا 20 الف ريال يعني دفعت له 160 الف ريال ولا عمري والله تأخرت يوم بالعكس كنت قبل الموعد بعشرة ايام احولها لها وافتك من همها واريح راسي ..

يوم من الايام انفجر السخان الخزف السعودي على اهلي في الحمام والحمد لله انهم كانوا بعيدين عن السخان .. فلفيت بطانية على راسي ودخلت بسرعه وطلعتهم وطفيت الكهرب وفصلت السخان .. وبلغته برسالة واتساب وصورت له المشكلة فيديو ..

قال الحمد لله على السلامة .. وانتهى كل شيء ..

لما جيت بنقل رحت الكهرباء وسويت زي المخالصة ناسي اسمها .. وسددت اخر هلله علي .. ونظفنا البيت و طفيت الطبلون وعطيت الحارس المفتاح وبلغته .. المهم اتصل علي وقال لي ماصلحت السخان ؟

قلت له لا .. قال المفروض تشتري لي غيره وتركبه .. قلت بالله .. قال والله .. قلت يعجز لساني عن التعليق ..



واحد ثاني لما قلت له بطلع من الشقة دق علي بعدها باسبوع يقول بالله لاهنت صور لي الشقة غرفة غرفة .. قلت ليش قال بعرضها للايجار دامك بتطلع .. قلت وغرفة نومي وغسالتي ومواعيني وملابسي تبيني اصورهم لك وتعرضهم في موقع حـــراج والا بس مجلس الرجال ومدخل الشقة .. ههههههه مريض هههههههه

الظاهر انه يبي يتأكد من نظافة الشقة بس جابها من ورى التريلات ..





ياعالم يااهوووه .. العقار اللي تأجره على ايا من كان لازم تعيد ترتب وتعدل فيه .. ياعمي مكان راس الكنب لازم يسوي اثر في الجدار اللي وراه .. وكذلك الدولاب وغيره .. فسطلين بويه مابتموت تجدد شقتك فيها ..




قديم 01-03-2021, 05:31 PM
  المشاركه #53
عضو هوامير المميز
تاريخ التسجيل: May 2013
المشاركات: 5,407
 



اقتباس:
المشاركة الأصلية كتبت بواسطة لا بد تفرج
يعني اصلح الشقه واسكت
كان ودي اخوفه شوي
المشكله انه دكتور واسلوبه وسخ
قلت له ماصلحته بتشوفه في وجهك
والله حسيبك
قال ان شاء الله ؟؟؟؟؟
والله يسمع منك ؟؟؟؟؟
اي انسان عاقل كون هذا رده
عشان رده هذا ابي اادبه
ما الومه والله

شقه تمليك طبيعي تكون مضروبه لا بويه صاحيه ولا كهرباء صاحيه ولا سباكة صاحية



عموما طبيعي جدا جدا
يطلع مستأجر تغير البويه و تصلح السباكه و الكهرباء


كل شئ له عمر و كل شئ يستهلك

لا تتوقع كل شئ يبقى على حاله


اقتباس:
المشاركة الأصلية كتبت بواسطة رسا111وي
انا عندي سوال اتمنى ياصاحبة الموضوع تجاوبين عليه

لو سكنتي في فندق وتعطلت لمبة مثلا هل يلزمك الفندق بالاصلاح؟

نفس الشي بالكرسي لو المالك مركب كرسي نوع رديئ

واذا طلعت يقولي ليه الكرسي خربان وهو يمص مني ايجار 7 سنوات
وانتهى عمره الافتراضي هل يلزمني اني اصلحه؟

هل تعلم ان من حق المستاجر انك تصلح اي شي يخرب في البيت من سوء الاستهلاك وتصلحه له بشكل مجاني لانه مستاجر البيت باللي فيه ولا له علاقة بالتصليح في بيت مو بيتة
هذا الكلام الصح




قديم 01-03-2021, 06:22 PM
  المشاركه #54
عضو هوامير المميز
تاريخ التسجيل: Nov 2012
المشاركات: 4,496
 



أختي الكريمة إنتي فرطتي بشقتك.

المفروض العقد يكتب بمكتب العقار وتضاف مبلغ لو ع حسابك
للصيانة . مثلا الإيجار ٢٢الف سنويا كل ٦ شهور يدفع النصف تخصمين ٥٠٠ ريال للصيانة ويتكفل المكتب العقاري بالصيانة وشغل اليد فقط. خربت السخانة يشتري المؤجر السخانة ويتصل ع المكتب العقاري وهذا عنده عمال صيانة يركبونه مجانا. لذا المفروض كنت سلمت الشقة لمدير أملاك




قديم 01-03-2021, 06:26 PM
  المشاركه #55
عضو هوامير المميز
تاريخ التسجيل: May 2010
المشاركات: 6,541
 



اقتباس:
المشاركة الأصلية كتبت بواسطة هيثرو
غير صحيح كلامك

مثل ما تم تسليمه العقار ... يجب اعادته مثل وقت استلامه

وهذا النظام موجود بجميع الدول اللي سبق وزرتها او اقمت فيها ( منها امريكا و بريطانيا و دبي باستثناء الشقق الفندقية المفروشة )

لكن في امور لا يتحملها المستأجر .... مثال : مشاكل تأسيس السباكة الاساسية

لكن لمبة احترقت ..... تتصل عليه وتقول غيرها !! هذا غير منطقي

والمقارنة مع الفندق غير صحيحة ...... لامور كثيرة .. منها ان السعر اغلى و شامل كل شيء

و ايضا الفنادق مخصصة للسكن لايام فقط وليست لسنوات ..... وغيرها من الاختلافات

فلا وجه للمقارنة بتاتاً




هذا ينطبق على ايجار الفنادق

نوضحها لك اكثر :


ايجار سيارة = ايجار فندق


لكن :

ايجار سيارة منتهي بالتملك = ايجار شقة او دور


هل من المعقول اذا احترقت لمبة سيارتك اللي بالتقسيط .. ترجع للوكالة وتطلبهم باصلاحها ؟

طبعا لا .... باستثناء الضمان ما اتكلم عنه
كيف تساوي ايجار منتهي بالتملك

بايجار شقة غير منتهي بالتملك!!

فرق شاسع وكبير بينهم

الايجار معروف انا استاجر منك المنفعة تجيب نوع ردئي ماتحملني اصلحة اذا خرب

لو انت تبي تحافظ على اشيائك لاتاجرها

انت اجرت بمقابل وتتحمل كل عواقب التاجير

على كذا انا راح اووجر سيارة واطلب من المستاجر مايمشي عليها علشان ماتستهلك الكفرات؟؟
او اذا خربت الكفرات الزمة بالاصلاح وهو مستاجرها لمدة يوم؟

انتم يالعقاريين ماتفكرون الا كيف تاكلون ماتفكرون بالمنطق


وهذا الكلام اللي انا اقوله لك هو اللي في المحاكم مطبق

لو تشتكي ماتستفيد شي

الا اذا كان فيه تكسير متعمد في البيت

اما القطع الاستهلاكية مافيها اصلاح لو العقاري يحب الثريا




قديم 01-03-2021, 06:49 PM
  المشاركه #56
عضو هوامير المميز
تاريخ التسجيل: Jun 2014
المشاركات: 84
 



اسوء استثمار اعتبره في تأجير العقارات اذا انت ابن حلال تطب لك في مستأجر يحوسك حوس يسكن سنتين و نص لي دفعه لك تصلح فيه التلفيات لي وراه وحتى بعض الناس ابن حلال ويطب له في مؤجر يلعب فيه لعب
لو تحصل مستأجر يستمر معك سنين طويله يعني 10 ولا 15 سنه لو يخرج من شقه تجددها كامل ماهو خساره لكن بلاك من نوعية لي يسكن سنه ولا سنتين ويخرج ولي اخذته منه بتصلح فيه شقه




قديم 01-03-2021, 07:34 PM
  المشاركه #57
عضو هوامير المميز
تاريخ التسجيل: Jan 2006
المشاركات: 313
 



طبيعي ..تبيه يسلمك نفس يوم ياخذها


الامور الي ذكرت بسيطه
سيفون لمبات بويه...عاديه




قديم 01-03-2021, 11:30 PM
  المشاركه #58
عضو موقوف
تاريخ التسجيل: May 2020
المشاركات: 597
 



اقتباس:
المشاركة الأصلية كتبت بواسطة كلمات ومعاني
‏النضج هو أن تدرك أن معظم الأشياء لا تستحق ردة فعل !



مقطع هدية للجميع:

هديتك هي تجارة مع الرحمن وخسارة للشيطان ونجاة من النيران وفوز بالجنان فكيف لايكون قبولها من عباد الرحمن ورضا الرحمن غايتهم ؟؟!

‏النضج هو أن تدرك أن معظم الأشياء لا تستحق ردة فعل ! يعني بإختصار لا تجعل حياتك خسارة عليك في تجارتك مع الله بضياع جهدك في صغائر الأمور

تناسق عجيب بين المقطع هدية أخونا كلمات ومعاني وبين معنى النضج والذي جاء به أيضا

لله درك مداخلتك تحتاج لموضوع مستقل لتكون الفائدة أكبر وأعم .




قديم 02-03-2021, 02:58 AM
  المشاركه #59
عضو هوامير المميز
تاريخ التسجيل: Apr 2017
المشاركات: 1,912
 



[QUOTE=USA00;43328849]العقد، ارجع للعقد ، لو سكنت شقة جديدة وكل شي فيها جديد وانت اول ساكن يلزمك تسلمني كل شي مثل ما استلمته لانه استخدامك واستهلاكك انت ، اما اذا استأجرت من عندي شقة مستخدمة والاشياء الاستهلاكية في نص عمرها ، هنا معك حق اسوي لها صيانه ونرجع للكلام اعلاه تطلع منها ترجع كل شي شغال لانه استهلاكك انت . مشكلتنا ما نقرأ العقد لا مستأجر ولا المؤجر . اما السكن بالشقق المفروشه والفنادق فهو مختلف تماما الصيانه وحتى النظافه واستهلاك الماء والكهرباء مشمول من ضمن الايجار [/QUOTE

يااخي في فندق4 نجوم في دبي حسبوا علي لباس مخدة كانت فيه اثار صبغة شعر ب 40 درهم خلي اللمبات والكرسي الافرنجي والابواب




قديم 02-03-2021, 04:36 AM
  المشاركه #60
عضو هوامير المميز
تاريخ التسجيل: Jul 2013
المشاركات: 994
 



اقتباس:
المشاركة الأصلية كتبت بواسطة لا بد تفرج
قبل اكتب انا امرءه من اجل الردود والنصايح
بختصار
دفعت دم قلبي اقساط للبنك عشان اشتري شقه
وبعد سنوات خلصت السداد
اجرتها نظيفه وجديده
العقد للي بيننا ورقي فقط واول اجار عن طريق المكتب
وبعدها صار يحول الاجار بدون الرجعو للمكتب
وانا وافقت لما شفته ملتزم في السداد
ارسلته من شهرين ونصف يطلع من الشقه
لاني راح ابيعها
تعاملي معه ممتاز ولا رفعت عليه الاجار ولا غثيته
طلع من الشقه بعد انتهى مدته باسبوعين
تفاجئت انه لاعب في حسبت الشقه
كرسي دورة المياه يهرب مويه ومخلينه
طيب خزان المويه للي يفضى على سكان العماره
مايهم
البويه خربانه والشقه وسخه زبايل و البلاط يلبق
والبيبان بعضها مدقوقه ولا فيها كوالين
ووحد من البيبان مهشمه كان جايه انفجار
مايصلح لازم باب جديد
وفيه مطبخ راكب جديد لقيت بعض ابوابه
خربانه
غير المبات حقت المدخل شايلها
شكله ركب غيرها يبي يشخص
ويوم شد شال لمبات ولا رجع المبات القديمه
وبعض لمبات الغرف ماتشتغل او تطفي وتولع
صارت الشقه ظلام
ارسلت ليش مكسر الابواب قال انقفل وكسرناه
طيب صلحه قبل تطلع... قال ماني مصلحه
وانتي خسرتيني حق النقل من الشقه
والنظام يقول لازم تبلغيني قبلها بسته شهور
وانا بلغته يطلع قبل شهرين ونصف
قلت له والنظام ماقال لك تسلمني الشقه نظيفه
وسليمه مثل ما استلمتها مارد علي
ابي اشتكيه...معي رسائل الجوال دليل ضده
بعترافه
او اتركه واريح راسي
واذا اشتكيه وين وكيف
الله يعوضك خير واللي مثل هالاشكال فرقاها عيد لو من جيبك تزيد
بالنسبة لتقديم على المحاكم اذا بتشتكين عليه فالأفضل ماتصلحين فيها شئ ولاترتكبين غلطتي طلع المستأجر وهو لاعب في حسبة الشقة لعب الا سارق كل شئ منها سخانات ولمبات والله يكرمك مقعد حمام افرنجي والله انه سرقه ومرته بكل قوات عين تتصل عليه تكلمني تقول حت الافياش والله زوجي كان بيفككها بس انا عيت يقول هو مركبها من فلوسه بغيت انجلط من حركاتهم وطلع وعليه ايجارت متراكمة وفواتير كهرباء فوق 3000 الاف ريال وقلت اخليه الين اضبط الشقة واخذ فواتير واروح اشتكيه للمحكمة ورحت ضبطت الشقة بحدود 10 الاف ريال وصينتها وركبت سخانات وافياش ولمبات وكرسي للحمام واخذت الفواتير وارفقتها مع عقد الايجار وقتها كان ورقي وفواتير الكهرباء واروح اشتكيه للمحكمة كان عندي وكيل يطارد الشكوى والجلسات جلستين ماحضرها والثالثة جاء يوم وصل عند القاضي والوكيل عرض الفواتير على الشيخ قال له اللي فيها فواتير ما اقبل بها ليش ما اثبتوا الخراابات والتلفيات اللي خربها بالدليل الحين مالكم شئ دام صلحتوها انتم نحاول مافيه وكلنا امرنا لله الفواتير والايجار حلف فيها يمين الله انها ماهي فواتيره وهي فواتيره والعداد عداد شقته والفاتورة موثقة من الكهرباء والشيخ قال للوكيل تقبل يمينه وقبلها وحلف يمين عنده حدود 7000 الاف مابين ايجارات وفواتير والله ما اخذنا منها الا 2700 تقريباً انا والله اللي قهرني الشيخ كيف عنده بينه فاتورة كهرباء متجمعة لها سنة 3700 ريال وموثقة من الكهرباء بنفس رقم عداد الشقة ويوم قال المستأجر بحلف يمين قال للوكيل تقبل يمينه الوكيل قبلها والمفروض مايقبلها بس الله حطني بوكيل الله يصلح حاله اهم شئ يخلص القضية ويطلع لذلك اذا بتطالبين لاتصلحين شئ فيها حتى تحصرين الاضرار وتثبتينها بحضور شهود او الشرطة وتصورينها وبعدين اشتكيه اذا بالك طويل صراحة بعض المستأجرين فيهم وقاحة عجيبة غريبة على بالهم راعي الحلال فلوسه جايبها من الشارع يجمعون فواتير الكهرباء بالشهور والايجارات ياناقصة يا مافيه الا بعد شهرين ثلاثة ويعدمون الشقة ويبهذلونها واي خراب يدقون عليك تعال ضبط لنا عندنا كذا وكذا والله لو هي ظروفهم صعبة وامكانياتهم ماتساعدهم مافكرت وان تتساعد معاهم باللي يسمح فيه خاطرك بس موظفين وعندهم راتب وماعليهم قاصر من تشوف حياتهم امورهم بخير ولاجاء طاري دفع الايجار يسبب له ازمة لاجيت تطلب فلوسك منه يمرمطك مرمطة وتطلع عليه كل التزامات الدنيا طيب حنى بعد عندنا ظروف وحالنا حالهم وماجانا هالعقار هدية ولا هبة ولا ورث بعد متدينين فيه وعلينا ديون واقساط والتزامات اكثر منهم ويبغونك تطلع بعد صبرك عليهم بالشينة تطالبهم وتبهذلهم وتوقف خدماتهم بعدها يشوفك والله كأنك قاتل اهله ما كأنه لك حق عنده .







الكلمات الدلالية (Tags)

اللي

,

المستاجر

,

بخصوص

,

شقتي

,

فيها


أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



03:17 AM