logo

هوامير البورصة السعودية > الاقسام الرئيسية لموقع هوامير البورصة > الاسهم السعودية

أفكر أبيع ذهبي وأدخل استثمار في سوق الأسهم



صفحة 4 من 8
1
2
3
4
5
6
7
8
أدوات الموضوع
قديم 31-03-2021, 05:32 PM
  المشاركه #37
شعبون
عضو هوامير المميز
تاريخ التسجيل: Oct 2019
المشاركات: 1,343
 


أفكر أبيع ذهبي وأدخل استثمار في سوق الأسهم

يوم نزل الذهب تبيعيه
يوم ارتفع السوق تدخلين



 
  
قديم 31-03-2021, 05:45 PM
  المشاركه #38
engnasir
عضو هوامير المميز
تاريخ التسجيل: Apr 2020
المشاركات: 24
 



ياليت سوق الذهب يفرش حرير من شان سوق المقاصيص يطير





قديم 31-03-2021, 05:52 PM
  المشاركه #39
ربح يومي
عضو هوامير المميز
تاريخ التسجيل: Sep 2013
المشاركات: 3,980
 



اقتباس:
المشاركة الأصلية كتبت بواسطة أم أنس
السلام عليكم زوار هذا المنتدى الكريم

أنا متابعة صامتة لهذا المنتدى منذ أشهر ولي مدة أفكر في الاستثمار وارتفاع اليوم شجعني مرة علشان كذا كتبت موضوعي هذا.

لي فترة أقرأ وأسمع من اللي حولي إن سوق الأسهم حاليا هو أفضل مجال استثمار وإن أسواق العالم كلها مقبلة على طفرة بإذن الله، خاصة مع التفاؤل بتجلي الوباء وعودة الحياة لطبيعتها وهذي يمكن راح تكون فرصة في العمر ما تتعوض.

عندي ذهب شريته بداية زواجي تقريبا بـ ٥٠ ألف قبل ٨ سنوات ومحتفظة فيه للحين. فكرت أبيعه يمكن يرجعلي مبلغ أعلى من وقت ما شريته وأدخل فيه سوق الأسهم.

شاورت زوجي لكنه متخوف شوي ويقول السوق مو مضمون بس مو معارض للفكرة.

أنا أشوف لو قدرت أستثمر المبلغ ويجيب لنا مع الوقت مردود حلو يفيدنا في حياتنا أحسن من قعدته كذا من دون فايدة.

برأيكم وش أفضل سهم ممكن أدخله الحين؟ أو هل أقسمها على أكثر من سهم؟ ناوية أحتفظ بالأسهم كاستثمار لسنة قدام بإذن الله.


اسئلك بالله العظيم ماتبيع لك ذهب احفظي حقك لاتبكين عليه يوم من الايام



قديم 31-03-2021, 05:53 PM
  المشاركه #40
ذكي بن ذكوان
عضو هوامير المميز
تاريخ التسجيل: Jan 2014
المشاركات: 2,394
 



فكرة حلوه بس المبلغ قليل انصحك اخذي قرض وادخلي جامد وخلي قلبك قوي
موفقة



قديم 31-03-2021, 05:54 PM
  المشاركه #41
ابو فاااارس
كاتب قدير
تاريخ التسجيل: Jan 2012
المشاركات: 35,846
 



الله يعين أبوأنس قبل 8سنوات قيمة الذهب50 الف وكان وقتها رخيص.

بيعيه واستثمري بالممشاعر ريت دبل لكن يبغى اقل شيء سنة،
أسهمنا الزينة اسهم مضاربة لا تتجاوز 15جلسة الى20جلسة وتحتاج
متابعة.



قديم 31-03-2021, 05:59 PM
  المشاركه #42
خيطي بيطي
عضو هوامير المميز
تاريخ التسجيل: Apr 2014
المشاركات: 857
 



اختاري سهم يعطي ارباح مثل الأسمنتات وانسيهن تماما وكل٣ شهور بإذن الله يدخل حسابك ٥٨٠ ريال يعني يعني سنوياً ٢٣٢٠ ريال وممكن بعد سنوات يجيك اسهم منحة يعني زيادة أسهم وبالتالي زيادة ارباح




قديم 31-03-2021, 06:06 PM
  المشاركه #43
غليص بن رماح
عضو هوامير المميز
تاريخ التسجيل: Dec 2016
المشاركات: 2,986
 



ابعدي عن الداب وجحره
وخلي ذهبك بخزنته



قديم 31-03-2021, 06:17 PM
  المشاركه #44
وليد الفن
عضو هوامير المميز
تاريخ التسجيل: Feb 2011
المشاركات: 1,946
 



اذا تعرفين للتداول ومتى وقت الشراء ومتى البيع فتوكلي على الله ما يمنع بمبلغ بسيط
اما اذا لا تعرفين فأنصحك بالأكتتاب فقط

الذهب يبقى ذهب والاسهم فص ملح وتذوب 👌



قديم 31-03-2021, 06:21 PM
  المشاركه #45
خالد حائل
عضو هوامير المميز
تاريخ التسجيل: Oct 2020
المشاركات: 348
 



اغلب ردود الي اشوفه بناء على سنوات ماضيه يقيسون سوقنا بوضعنا الحالي وهذا خطا جداً


السوق وانا اخوك الى الان لا احد يعرف وش توجهه صانع السوق واتوقع والعلم عند الله بعد الاخبار الي اشوف وبعد ماشفنا اغلب السعوديين بالسوق الامريكي بالاحصائيه الاخيره اتوقع السوق السعودي بيلحق الامريكي باسعار الاسهم قد نشاهد اسهم بالف ريال و ٥٠٠ ريال لان الي اشوفه الحين مافيه تصريف خصوصا القياديات كل يوم يشد ويشد وكميات مهوووله وملايين تضخ واتوقع التصحيح وارد لكن طفيف وربما نشاهد ارقام فلكيه ماكنتو تحلمون فيها توقعي سوقنا رايح لل ٢٠ الف السنتين الجايه لعده امور

اولا زياده السيوله بالسوق بسبب ان بعض الناس ماكانو يعرفون الاسهم والان زادت شعبيه الناس

ثانيا العقار وتضخم اسعاره والضريبه الي ارهقت العقاريين

ثالثاً الدنيا مسكره الحين لارحلات لاشيء

رابعاً السوق بيثبت نفسه عالميا لجذب للاستثمار الاجنبي

اتوقع رايح فوق بس نصيحتي لك تابعي قطاع التامين هو المستفيد الاكبر بالاتجاه حاليا بسبب تطبيق التامين بالسنوات القادمه الزامي بكل شي


احترامي



قديم 31-03-2021, 06:30 PM
  المشاركه #46
حسن الصقر
عضو هوامير المميز
تاريخ التسجيل: Oct 2020
المشاركات: 954
 



والله يا اختي الكريمه ودعت سوق الاسهم 2007 وبعدها ارتحت واستانست وسرت اضحك احس الضحكه تطلع من اعماقي والحين قبل خمسه اشهر رجعت للاسهم وليتني ما رجعت هم وكل وقتي مقابل الشاشه وقت تداول او غير وقت التداول والله حتى بيتي تغيرت عليه نصيحه دامك خارج الملعب خليك على وضعك الفوائد الي بتجي ما هي في همها
الاسهم نوع من انواع الادمان المسموح تعاطيه في العلن لاكنه في النهايه ادمان
لو سألني اخي او اختي هذي نصيحتي له لن ازيد ولن انقص



قديم 31-03-2021, 06:33 PM
  المشاركه #47
عيني على سهم
عضو هوامير المميز
تاريخ التسجيل: Jan 2009
المشاركات: 2,011
 



مدامها وصلت لذهب الحريم اجل قررررررربت ...



قديم 31-03-2021, 06:39 PM
  المشاركه #48
Bipolar
عضو هوامير المميز
تاريخ التسجيل: Jan 2021
المشاركات: 204
 



انحاشي يابنت الحلال انا بعت سيارتي ودخلت السوق وبظرف شهرين خسرت نص قيمتها والحين اقضي مشاويري على سيكل



صفحة 4 من 8
1
2
3
4
5
6
7
8



الكلمات الدلالية (Tags)

أبيع

,

مفكر

,

وأدخل

,

الأسهم

,

استثمار

,

ذهبي


«

عسير تاخذ من اسمها نصيب

 |

الا يعتبر شراء المشاهير اوالصناديق دليل على جودة الشركة

 »

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

هوامير البورصة السعودية - الأرشيف - الأعلى


08:06 AM

images

Powered by vBulletin® Version 3.8.11
Copyright ©2000 - 2024, vBulletin Solutions, Inc.

جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.