هوامير البورصة السعودية

هوامير البورصة السعودية (https://hawamer.com/vb/index.php)
-   ساحات الهوامير المفتوحة (https://hawamer.com/vb/f23/)
-   -   زوجتي مبذّرة (https://hawamer.com/vb/hawamer2539848)

أبوالخير 01-05-2021 08:15 AM

رد: زوجتي مبذّرة
 
اقتباس:

المشاركة الأصلية كتبت بواسطة الصراحة فقط (المشاركة 43736294)
ياخي بسيطة رح سوق جملة بداية كل شهر و اشتر قطمة رز و كيس طحين وثلاثة كراتين دجاج و بعده سوق الخضار و اشتر خيشة بصل كبيره و نزلها البيت وخلها تفرتك راتبها ماهو في ثلاثة أيام خلها تفرتكه في يوم وبعدها اذا جاعت هي وعوالها خلها تقابل المطبخ بدل المطاعم و بالنسبة للأثاث لا تغير شي من راتبك مره لوهو بريال واذا طلبتك تغير شي أرفض وقل اثاثنا معجبني و الي ما يبغاه يعجبه يغيره والله يعيني اتقبل اثاث جديد ما يعجبني ، بالمختصر خلك جلده لفتره لا تقل عن ثلاثة أشهر الى سنه ووقتها بتنحد تخفض نفقاتها و تصلح موازنة شهر كامل لراتبها لان راتبك بتغسل يدها منه

هذا أسلوب شيباننا في السابق طلع وحمّل السيارة من سوق الجملة
مرّه بالشهر والخضار يشتريها يوم الجمعة ويطلع المصروف ولا شيء

أبوالخير 01-05-2021 08:18 AM

رد: زوجتي مبذّرة
 
اقتباس:

المشاركة الأصلية كتبت بواسطة حسن بهنسي بهلول (المشاركة 43736364)

وليش كل هذا القلق

ليش ما يقول :

أنا كزوج .. اعرف أموري وأمور بيتي .. واللي موجود معي بالبيت يمشي على نظامي

واللي ماهو عاجبه نظامي يطق راسه بأقرب جدار

لا أكون بخيل على نفسي ولا على عيالي ولا على زوجتي .. بس عندي نظامي ومصروفي .. شيء اشوفه إسراف وفشخرة .. ما راح يدخل بيتي

هم اللي يعيشون في بيتي .. ماهو أنا اللي اعيش في بيتهم


الصواب والصح ... اعيش حقيقي وطبيعي ... هذه حياة واقعية ماهي تمثيل ودراما ومسلسلات

الإنسان يعيش مرة واحدة فقط ... ليش يمثل وليش يقهر نفسه وليش يتعذب وهو رجال

لو كان حرمة ... نقول ممكن حظها سيء في الزواج

لكن رجال وتعذبه حرمة وترفع ضغطه وتخلي حياته زفت .. والله إنها فضيحة وعيب ومنقود

بهلول اذا مافيه احراج كيف مرتّب طريقة صرفك على الأساسيات فقط
مواد غذائية

الصراحة فقط 01-05-2021 08:28 AM

رد: زوجتي مبذّرة
 
اقتباس:

المشاركة الأصلية كتبت بواسطة أبوالخير (المشاركة 43736412)
هذا أسلوب شيباننا في السابق طلع وحمّل السيارة من سوق الجملة
مرّه بالشهر والخضار يشتريها يوم الجمعة ويطلع المصروف ولا شيء

لازم ترجع كالسهم للوراء لتنطلق للأمام أرجع للنظام القديم وخلها تخارج عمرها في المطبخ اذا خلص راتبها و انت صارحها قل كان عندي عقارات و ارصدة و و و وجلست مع نفسي وقلت يوم بعتها وين حطيت فلوسها واكتشفت انها راحت في لاشيء لازوجت اولادي ولا زوجت نفسي ولا بنيت لاولادي بيت و لااستثمرت اموالي كلها راحت في خرابيط لو كنت ما املك عقارات و استثمارات و عايش فقط على الراتب كان للان ديوني بالملايين و انام بين المساجين و اهلي شحاثين فأنا قررت اوفر كل هللة حتى استعيد قوتي المالية ومن اليوم ورايح مالكم مني إلا من يملا الثلاجة و المستودع كل شهر و يكسيكم كل عيد و أنسوا الدلع الي اتلف ثروتي لين استعيدها واذا استعدتها نبدا نخفف اجرائات التقشف

ضد التيار 01-05-2021 08:38 AM

رد: زوجتي مبذّرة
 
إنت الحين جاي تعرض مشكلتك والأخوان قاعدين يبحثون لك ويساعدونك تلاقي حل
لكن تعاطيك وردودك عليهم سلبية وإن ماعندك دبرة أبد
كل رد لك تقول
ايه صح كلامك
هذا طبع الحريم
وأخاف تطلب الطلاق

إنت قاعد تضيع وقتك على غير سنع
الخطام معك والدبرة معك
لازم يكون لك قرار انفرادي وجريء على ها الوضع
نعم ممكن يكون ردة فعل زوجتك قوية بسبب رفضك لطلباتها بسبب تعودها على هذا الأمر
لكن بعدها بتتغير

الله يصلح حالك
قالوها الأولين
العود على أول ركزة ؛؛؛

رفيـع الشـان 01-05-2021 08:40 AM

رد: زوجتي مبذّرة
 
إذا امورك طيبه مادياً لا تقصر مع اهل بيتك

واذا منت مقتدر تقدر تناقشها طبعاً براتبك الخاص ولا لك دخل براتبها

مشي لها مبلغ مستقطع شهري من راتبك وقولها هذا للبيت تجمعينه ولا تحرقينه ما عندي غيره

ولا توصل للطلاق

اتفق معاك في حريم فيهم داء العنـاد


الله المستعان واثابك الله على صبرك استخير قبل لا تفكر بالطلاق ولا يهمك كلام الاعضاء بعض الاعضاء الله يهديهم يتكلم من سعه

حسن بهنسي بهلول 01-05-2021 08:53 AM

رد: زوجتي مبذّرة
 
اقتباس:

المشاركة الأصلية كتبت بواسطة الصراحة فقط (المشاركة 43736402)
ما هاكذا يا سعد تورد الإبل تمشي بيتك عشرين سنه على الديموقراطية و فجأة تقلب دكتاتور يختل نظام البيت و العكس صحيح تحكم بيتك بدكتاتورية و فجأة تقلب ديمقراطي يختل نظام البيت ، دامك من اول بنيت بيتك على الديمقراطية لا تتحكم باموال زوجتك لو تحرقها لكن أرفع عنها الدعم كما تفعل امريكا مع الدول التي تستلم اعانات سنوية و النتيجة رضوخ الزوجة لك بدون ازعاج ولا شوشرة واجبك الشرعي ك رب بيت تامن قوت اهل بيتك و تكسيهم في الأعياد وان قالت مطعم قل ابغى طبخ بيت وان قالوا ادفع قل ماني مقتنع امسك ريالك و خل الكائنات الطفيلية تعتمد على نفسها



ماهو ضروري تقلب على أحد .. ولا ضروري تكون قاسي

عش حياتك وبنفس شخصيتك .. بس خل اللي في بيتك يمشون على نظامك

لا تخلي أحد في بيتك صوته أعلى من صوتك .. أو كلمته أعلى من كلمتك

لا تكون خيخة .. مجرد صرافة

​لا تجلس طول حياتك متعذب وحالتك حالة .. ولا تسوي شيء أنت شخصياً غير مقتنع فيه

ووووووو... بس خلاص

حسن بهنسي بهلول 01-05-2021 09:07 AM

رد: زوجتي مبذّرة
 
اقتباس:

المشاركة الأصلية كتبت بواسطة أبوالخير (المشاركة 43736415)
بهلول اذا مافيه احراج كيف مرتّب طريقة صرفك على الأساسيات فقط
مواد غذائية


أنت ما عليك من الناس ... هذا كم يصرف وهذا كم يصرف

التقليد مشكلة ... لا تقلد أحد

كن أنت ... الشيء اللي أنت تشوفه صح ويناسبك ... امشي عليه

أهم شيء لا تخلي أحد يقودك .... مهما كان هذا الأحد

نورة الأسمري 01-05-2021 01:07 PM

رد: زوجتي مبذّرة
 
اقتباس:

المشاركة الأصلية كتبت بواسطة أبوالخير (المشاركة 43736117)
بما انك امرأة م افضل حل المشكلة عصبية جدًا لو كان واحد
غيري زمان مدخلته السجن دين او إيقاف خدمات
أخواتها نفسها كافرات برجالهن

الله يصلح امرك ويكتب لك ما فيه الخير
كفران النعمة والتبذير والهياط لانها ما جربت الشقاء والتعب والعوز والحاجة ووقلة ذات اليد ولكني انصحك بعلاج معروف جدا ما يعالج ويربي الحرمة الا حرمة مثلها يعني تتزوج الثانية عليها او انك تمثل عليها انك بتتزوج اذا ما اعتدلت خصوصا من كلامك والله القليل مثلك بهالزمن يكرم زوجته كل هالكرم يعني انت كرجل موب مقصر بشي ابدا كل هالمصاريف وموب عاجبها ذي مصيية كان الله بعونك وكتب لك ما فيه الخير

الصدق1 01-05-2021 01:13 PM

رد: زوجتي مبذّرة
 
اعطها جزء من راتبك مع راتبها وقل لها اصرفي على البيت وما عندي غيره يبيح في اسبوع في شهر بكيفك

هاـمور كبير 01-05-2021 01:42 PM

رد: زوجتي مبذّرة
 
شكلك ما عمرك مسيتها بالعقال ووين اللي يوجعك:hawamer5812
هذه مالها الا اجازة لمدة ستة شهور طرد لبيت اهلها
حتي تعرف قيمتك يا كنق:hawamer4012

هوامير منتدى 01-05-2021 01:43 PM

رد: زوجتي مبذّرة
 
عنيدة مبذرة عصبية
الحل سهل
أبدأ في البحث عن زوجه ثانية
وحاول أن تعرف انك تبحث عن زوجه أخرى لكن بدون ماتحس انك متعمد ...
ولو فيه بنت قرمة من جماعتكم وتعرفها حاول تسأل عنها تقول وش صار على فلانة هي متزوجة او لا قدام اهلك اذا كانت حاضرة..
يعني كنتم عند وحده من اهلك او هي عندكم اذا قامت زوجتك أسأل عن اي بنت قرمة وسنعة وحاول يكون السؤال مثير ..
يعني اذا قامت او هي حولكم اهمس لاختك واسأل عن خطابة او بنت واكيد تبي تسمع او تبي تعرف وش دار بينك وبين اختك ..
الفضول والغيرة راح يخليها تعرف والمراة اذا عرفت ان زوجها بدأ يفكر بالزواج ويبحث عن أمراة أخرى راح تتعدل غصب خصوصا انها مو معتمدة ع نفسها وتعتمد ع راتبك

Second Life 01-05-2021 01:49 PM

رد: زوجتي مبذّرة
 
لا تطلق تسحب الباقي من راتبك
قفل البزبوز ولا تصرف الا فقط على الاساسيات
خلها تحس بخنقة وموت بطئ تكره نفسها
اما تنضبط او تخلع نفسها


07:55 AM

Powered by vBulletin® Version 3.8.11
Copyright ©2000 - 2022, vBulletin Solutions, Inc.
Search Engine Optimisation provided by DragonByte SEO v2.0.43 (Pro) - vBulletin Mods & Addons Copyright © 2022 DragonByte Technologies Ltd.
جميع المواضيع و الردود المطروحة لا تعبر عن رأي المنتدى بل تعبر عن رأي كاتبها وقرار البيع والشراء مسؤليتك وحدك