هوامير البورصة السعودية

هوامير البورصة السعودية (https://hawamer.com/vb/index.php)
-   ساحات الهوامير المفتوحة (https://hawamer.com/vb/f23/)
-   -   زوجتي مبذّرة (https://hawamer.com/vb/hawamer2539848)

Big Boss 01-05-2021 01:55 AM

رد: زوجتي مبذّرة
 
اقتباس:

المشاركة الأصلية كتبت بواسطة أبوالخير (المشاركة 43734766)
لكن الرصيد يحترق حرق

اذا فعلا تشعر أنك ستذهب للهاوية المالية

ما يبيلها مشاور .. يجب أن تضع حد للمصروفات

انتبه لنفسك .. ترى محد نافعك:biggrin:

حسن بهنسي بهلول 01-05-2021 01:56 AM

رد: زوجتي مبذّرة
 
اقتباس:

المشاركة الأصلية كتبت بواسطة ابوهزاع (المشاركة 43734760)
انا دائما اتظاهر بضعف الماده مع اني ميسور والحمدلله

الحريم ماينفع معهم الا انك تسوي فلم انك حالتك حاله ووضعك المادي مش ولا بد

والا الطلبات لن تنتهي


ما يكذب ولا يتظاهر إلا الضعيف

السالفة باختصار .. شخصية الرجل ... عندك شخصية .. الناس كلها تحترمك و أولهم زوجتك


يقول الشاعر :

من طاوع الخفرات خلوه مسهاج

ركبوا ذلوله وأركبوه الهجاهيج


وبمعنى آخر :

عزي لمن حطـنه البيض مسهاج

ركبن جواده واركبـنه هجيهـيج

الفرزدق الاخير 01-05-2021 01:56 AM

رد: زوجتي مبذّرة
 
انطلقت المحاله بالبير انتهينا ... هالموضوع ياصديقنا تقوله لنا

من اول 6 شهور زواج او سنه .. الان بعد ثمان اولاد وانت طوال هالفتره

ماسويت شي .. ماراح تقدر تعدلها الا بصعوبه شديده

وين انت خلال هالسنين .. ليش ماسويت شي .. حلول .. اعاده ضبط .. تحديد
ميزانيه للبيت والاولاد ؟؟!!


استغرب من اللي يشتكون بعد سنوات طويله من وضع كان بامكانه يعدله

من اول الايام .. مافيه رجل عاقل ماوجد في امراته امر لايحبه او غير جيد

ولكن بالتفاهم ورسم خطه للحياه من البدايه تستقيم الامور ويتاقلم الطرفين

/
عموما ان أردت الحل ( وماراح تقدره غالبا ) بس ابقوله ( براءه للذمه )

ارتكز تقل رمح وقل ( لا ) واعد ترتيب الامور من اول وجديد على

( كيفك انت يامسلم ) وليس على كيف ( الزوجه )

انت قيوم البيت

وبتستغرب انها بتزعل فتره وتنزعج ولكنها ستتعدل صدقني



الجفر111 01-05-2021 01:57 AM

رد: زوجتي مبذّرة
 
لاتطلق حل غبي
اغلب اللي طلقوا تورطوا...
لكن الحل تاخذ لك مره عليها من بيت طيب..وخلها علي عيالها وحط لهم مصروف اللي يكفيهم وهي راح تراجع نفسها والله يعينك

صراع الاجيال 01-05-2021 01:58 AM

رد: زوجتي مبذّرة
 
يجب أن تكون حازما في تعاملك
فأنت لا تعيش لوحدك مع زوجتك ولكن بينكم أبناء وبنات وبكره كل واحد منهم يفتح بيت ويتحمل مسؤلية
ممكن انتو الان احسن من غيركم قليلاً لكن مع إساءة التصرف تكون النتائج عكسية

أبوالخير 01-05-2021 01:59 AM

رد: زوجتي مبذّرة
 
اقتباس:

المشاركة الأصلية كتبت بواسطة وليدنو (المشاركة 43734668)
تعوذ من الشيطان، ولاتفكر بالطلاق

للاسف انت الغلطان مو كل ماقالت ابغى رحت وجبته لها

الله يجزاك خير ويصلح عيالك

صراع الاجيال 01-05-2021 01:59 AM

رد: زوجتي مبذّرة
 
اقتباس:

المشاركة الأصلية كتبت بواسطة تهـاويل (المشاركة 43734765)
كل الحريم مبذرات الا القليل جداً
ومعظم الحريم يتعمدون بطفرون الرجال عشان مايتزوج عليها
تخاف إذا الرجال جمع فلوس يتزوج عليها

نصيحتي لك لاتطاوعها وكل ماطلبت منك شيء قل لا
ولاتطلقها عشان عيالك

اتفق معك كثيراً

مفكر999 01-05-2021 02:02 AM

رد: زوجتي مبذّرة
 
أعتقد أنك كتاب مفتوح مع أن الغموض ركن أساسي في حياة الرجل
والا كيف عرفت ان عندك حساب استثماري وهو الصندوق الاسود اللي يجب ماأحد يدري عنه
والا كيف توفر لضروف الأسره مستشفيات سياره للابناء زواجهم وغيره من الامور اللي لازم لها ميزانيه متعوب عليها سنين
المرأه عامة مبذره وأي أموال موجوده ستجد أو تخترع لها طريق إنفاد لكن لاتعلم عن أسرارك الماليه
افتح حساب رديف بدون علم أحد وضع فيه مبلغ شهري ثابت
بدون تقتير
بدون بخل
خلك كريم مع أهلك لكن
لاتسلم دقنك لغيرك

أبوالخير 01-05-2021 02:03 AM

رد: زوجتي مبذّرة
 
اقتباس:

المشاركة الأصلية كتبت بواسطة almillionair (المشاركة 43734730)
قفل البزبوز وبس

حدد مصروف البيت الاكل ومصروف الترفيه ومصروف الفواتير والباقي حساب توفير

وين حساب توفير الراتبين من اول 10 أيام تطير

في رجاءالله 01-05-2021 02:06 AM

رد: زوجتي مبذّرة
 
انت من سمحتت لها من الاول بهذا الامر ف تحمل النتائج لو من اول رافض رفض قاطع التبذير ما تجرات



تعود ع قول لا



كيف تغير الاثاث كل 3 اشهر شئ لايصدق ولو قدهو قصر امير الله يسامحك المبذرون اخوان الشياطين حنا كل سنه ومو لازم كل سنه يمكن اكثر

اكل المطاعم قل لايدخل بيتي يدمر صحتي وصحة اطفالي وورها مقاطع القرف

الحين فهمها ان نحن ب زمن كورونا ولله اعلم كيف بيصير الوضع مع الضرائب خوفها وقل لا يعني لا لا مناقشه انتهينا .



أبوالخير 01-05-2021 02:12 AM

رد: زوجتي مبذّرة
 
اقتباس:

المشاركة الأصلية كتبت بواسطة حسن بهنسي بهلول (المشاركة 43734738)
شخص واحد .. عايش معك طوال هذه السنين وما قدرت توضح له الصح من الخطأ

معقولة ما تقدر تعدل تصرفاته !!


هل السبب هو ضعف شخصيتك أو ضعف ثقافتك أو ايش بالضبط

أنا بصراحة ماني مقتنع ... أنا لو شخص عاش معي يومين فقط .. مؤكد راح يتعلم مني الكثير والكثير

فما بالك .. شخص يعيش معي فترة طويلة من الزمن

ماهو شرط المشاكل توصل المحاكم والطلاق
بعضها مافيه تفاهم

أبوالخير 01-05-2021 02:16 AM

رد: زوجتي مبذّرة
 
اقتباس:

المشاركة الأصلية كتبت بواسطة جداوي مستجد (المشاركة 43734740)
هذي تحبك بشده

وتخاف منك تتزوج عليها اذا توافرت لك الماده

لذا اصبر عليها ومثلما قلت لك راتبك صرفه وخل مايبقى لك الا مصروفك ومصروف العائله

عندها بتخضع للامر الواقع

اما راتبها فبكيفها فبه لكن عليك بالاقناع

من ناحية الزواج شاكه اني ابحث عن زوجة ثانية
يكذبن عليها النساء وتصدّق
والصرف عجّزتني


07:48 AM

Powered by vBulletin® Version 3.8.11
Copyright ©2000 - 2022, vBulletin Solutions, Inc.
Search Engine Optimisation provided by DragonByte SEO v2.0.43 (Pro) - vBulletin Mods & Addons Copyright © 2022 DragonByte Technologies Ltd.
جميع المواضيع و الردود المطروحة لا تعبر عن رأي المنتدى بل تعبر عن رأي كاتبها وقرار البيع والشراء مسؤليتك وحدك