بحكم شغلي سابقا كاخصائية توظيف هذي الاسئلة المعتادة:
حدثنا عن نفسك؟ اذكرها على ٣ اقسام :
١. (شخصي: ابتسم و سلم و عرف باسمك)
٢. (مختصر مؤهلاتك و تبدأ باعلى شهاده تخرجت من جامعه xxxx تخصص xxx عام xxx ثم اسماء الدبلومات قم الدورات اذا فيه)
٣. مختصر خبراتك
سؤال: اش كانت مهامك الوظيفيه؟ نصيحه احفظها من الوصف الوظيفي اللي وقعته و اذا مافيه دور فالنت Job description
سؤال: نقاط قوتك و نقاط ضعفك؟
نقاط القوة: غطها من ناحية شخصيه (تقدر تشتغل مع فريق و علاقاتك ممتازة مع زملاء العمل و المدراء و مواظب عالوقت و ملتزم بسياسات العمل و مرن)و من ناحية عمليه انتا ادرى بنفسك فيها انا كنت اقول سريعة و منظمة و مبادرة و احب التطور
نقاط الضعف: هذي دايم افكر فيها فالاخير صرت اقول اواجه مشكله في طلب المساعدة من الغير و اعمل على تغيير ذلك مثلا او اي عيب تلاحظه فشغلك بس لا تحط عيب في شخصيتك مثلا اعصب بسرعه و كذا
سؤال غبي: ليش نختارك من بد هذولاء كلهم؟
انا دايما اقول (لاني باذن الله باكون قد توقعاتكم و اكثر)
سؤال نكبه: يشولو ردة فعلك مثلا انت مدخن؟ ما يحبون المدخنين عشان بريكاتهم كثيرة او اذا احد تنمر عليك فالشغل اش تسوي؟
بقية الاسئلة حتكون تخص الوظيفة نفسها..
الله يوووووفقك و يرزقنا