logo



قديم 20-05-2021, 07:53 PM
  المشاركه #25
عضو هوامير المميز
تاريخ التسجيل: Jun 2020
المشاركات: 2,515
 



اقتباس:
المشاركة الأصلية كتبت بواسطة البركودا



👆👍😀هههههههه العنوان كارثه الموضوع شكله بيوصل ترند مشاهدات😆. عل العموم فيه مؤسسة إكرام النعمة ألو يجونا فورا" بسيارتهم الفان ويحملون كل العيشة ويقصدرونها ويوزعونها فورا" للمحتاجين دائم اتصل بهم في المدينة المنورة واعطيهم 50/50 لكل واحد لقاء خدمتهم ومايقصرون👍.


لاتقتل المتعه يامسلم 🌚

الله يكتب لك الاجر للاسف المحافظات الصغيره فيها اجتماعات كثيره ولايوجد بها موسسه توزيع




 
 
قديم 20-05-2021, 08:20 PM
  المشاركه #26
عضو هوامير المميز
تاريخ التسجيل: Jan 2021
المشاركات: 803
 



الحمدلله أنا ماأطلع من مكاان الا ماضف وراي حتى المطعم اخذه و نعطيه عامل محطه وفي المناسبات اذا أصحاب المناسبه نحرص على توزيعه على الضيوف قبل يطلعون وترك شي مرتب ومغلف للعامل
أماا الحذف والرمي هذا فسوق وبطره




قديم 20-05-2021, 08:34 PM
  المشاركه #27
عضو هوامير المميز
تاريخ التسجيل: Mar 2012
المشاركات: 805
 



الحمد الله في العزايم نحضر صحون بلاستك حقت السفري

ونحطها عند الباب ونقول للمعزومين خذو من الصحون ووزعوها بدربكم على العمال

صار اللي كان وده ياخذ لبيته ويستحي صار ياخذ معه




قديم 21-05-2021, 01:00 AM
  المشاركه #28
عضو هوامير المؤسس
تاريخ التسجيل: May 2005
المشاركات: 326
 



اقتباس:
المشاركة الأصلية كتبت بواسطة آدا كدابرا
فكرة جميلة صراحة ،، لعل يكون فيه هاشتاق لإيضاح هذه الفكرة



أذكر فيه مخالفات بهذا الصدد وهي تبذير النعمة
ــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــ
والله ياخوك مااعرف طريقة الهشتاق في التويتر . لعلك تقوم بهذا الهشتاق ولك الاجر الله يجزاك الجنة ..




قديم 21-05-2021, 02:16 AM
  المشاركه #29
عضو هوامير المميز
تاريخ التسجيل: Jul 2016
المشاركات: 2,666
 



اللهم إنا نعوذ بك من زوال نعمتك
وفجاءة نقمتك
وتحول عافيتك
وجميع سخطك يارب العالمين


جزاك الله خير على التذكير


واحب انوه الى نقطه اللي هي نشر الثقافة في المجتمع وايضا من حولنا حوالينا الاهل الاقارب الاصدقاء اذا لك معارف صاحب مطعم او بوفيه او مقهى بوضع لافته خذ قدر حاجتك فقط هذه نعمه ستحاسب عليها

بعض الناس هداه الله يدخل المطعم عطني بروستد لا استلم الطلب زود خبز + زود ثوم + عطني كتشب شوي وه راجع زود بطاطس

كذا مره اتفاجئ بناس يطلب فطور مثلا صحن فول لو تمسك التميسه كامله وتمسح فيها الصحن مسحته كامل وبقى منها تلاحظ انه يطلب زيادة خبز ولا ياكل الا ربعه طيب ليه ؟

وبعض الناس زود خبز وهو الله ماهو اكله بس لعانه

عطني بصل زياده

عطني ليمون زياده

عطني وعطني واصحاب المطاعم يجاملون

واحيانا اكل محلي غدا ولا عشاء يطلب زيادة الرز

ويقوم واغلب الصحن مليان رز

ليه ياخي حرام عليك خاف الله في نفسك

لابد من نشرف ثقافة المحافظه على النعمه وخاصه اصحاب المطابخ والمناسبات والبوفيهات المفتوحه خذ قدر حاجتك او اتصل بنا لاخذ المتبقي وتوزيعه على المحتاجين

البوفيهات المفتوحه حدث ولا حرج خاصه اللي يخبصون ويعدمون النعمه اعدام وهو ماهو اكل ولا شي جاي يصور من الاخير

العالم تصايح الاسعار ارتفعت اكيد تبي ترتفع اذا التاجر شافك تدفع وانت اصلا مانت في حاجة هالشي دافع عشان تصور بيرفع اكثر واكثر لين تعض الارض

واللي ياكلها الضعيف اللي وراه اطفال وحليب وحفايظ وملابس اطفاله وبنزين وكهرب

وانت يادلوعة الماما هامك التصوير

ولا من النوعيات اللي لا جا اول اسبوع بعد الراتب يابو فلان لا هنت حولي ناقص علي دراهم




قديم 21-05-2021, 02:32 AM
  المشاركه #30
عضو هوامير المميز
تاريخ التسجيل: Jul 2020
المشاركات: 344
 



اقتباس:
المشاركة الأصلية كتبت بواسطة بانشي
[size="4"]استغربت انه زعلان على هذا الشي ويتكلم من زعل يمكن بسبب مايشاهده من مناظر لاترضي مسلم

طبعا هو مسلم وفي ولايه فقيره والغريب كثير من منتجات الهند من ولايات فقيره تباع عندنا واهمها الشاي والرز والتوابل

يحكي لي عن الاسراف الحاصل بالاستراحات رمي الحلا ورمي المعجنات بعد انتهاء الاجتماع والطيب فيهم يتركها مفتوحه ويرحل

معقوله انا وصلنا تبلد ولانقدر قيمة النعمه علينا او ان الاموال بيد السفهاء من اولاد ونساء ويتم التباطر والتزايد للتصوير وبعدها ترمى

واللع ماني مثالي وانا مقصر بس والله عند نعمه ربي لا اخاف واحس انها نعمه تفقد
يقول والله صحن مليان لحم رز
وصينيه مليانه حلا
صحن فطائر
قبل الحفله او الاجتماع كل شي مرتب ومنظمه ومهتم فيه وبعد خروجهم كان تم العبث فيها

اللهم لاتعاقبنا بما فعل السفهاء منا

رساله وواجبها والله علينا ي الرجال عندك قريبات اهل حرصهم واحرص عليهم لو زعلوا عليك
الاسراف ورمي النعمه خط احمر احمر

والله يحلف لي كيكه قيمتها 170 ريال مرميه في الزباله كامله

ارفعوا الضريبة لـ 25%
خلوهم على الناشف




قديم 21-05-2021, 02:36 AM
  المشاركه #31
عضو هوامير المميز
تاريخ التسجيل: Nov 2019
المشاركات: 3,254
 



من يبذر اغلبهم من الطبقه الكادحه وليست الطبقه الغنيه

الفقير إذا شاف الفلوس في يده يبذر بشكل اكبر من الغني




قديم 21-05-2021, 02:38 AM
  المشاركه #32
عضو هوامير المميز
تاريخ التسجيل: Mar 2010
المشاركات: 24,770
 



اقتباس:
المشاركة الأصلية كتبت بواسطة قائل الحق
من يبذر اغلبهم من الطبقه الكادحه وليست الطبقه الغنيه

الفقير إذا شاف الفلوس في يده يبذر بشكل اكبر من الغني
اييييه
اجل ما تشوف مقاطع البزر البنكي المشهور




قديم 21-05-2021, 02:41 AM
  المشاركه #33
عضو هوامير المميز
تاريخ التسجيل: Nov 2019
المشاركات: 3,254
 



اقتباس:
المشاركة الأصلية كتبت بواسطة مواطن محب

اييييه
اجل ما تشوف مقاطع البزر البنكي المشهور
مافهمتك والله من تقصد ؟




قديم 21-05-2021, 02:43 AM
  المشاركه #34
عضو هوامير المميز
تاريخ التسجيل: Oct 2019
المشاركات: 4,052
 



الله يلعنهم فسقه وقلة دين يمين الله مايثيرني في حياتي الا شخص مايقدر النعمه ويهينها بعد ما شبع بطنه هذولاء هم اسوء البشر وتلقى جميع صفاتهم قذره الله يسخط عليهم ويخرجنا منهم سالمين لو قصدر بقايا اكله ومشى بها على العمال كسب الثنتين الصدقه وحفظ النعمه لكنهم حيوانات بشريه



قديم 21-05-2021, 02:47 AM
  المشاركه #35
عضو هوامير المميز
تاريخ التسجيل: Oct 2019
المشاركات: 4,052
 



اقتباس:
المشاركة الأصلية كتبت بواسطة قائل الحق
من يبذر اغلبهم من الطبقه الكادحه وليست الطبقه الغنيه

الفقير إذا شاف الفلوس في يده يبذر بشكل اكبر من الغني
لاتخاف من الغني إذا افتقر
‏بل من الفقير إذا استغنى




قديم 21-05-2021, 02:55 AM
  المشاركه #36
عضو هوامير المؤسس
تاريخ التسجيل: Aug 2005
المشاركات: 54,669
 



هذي النعمه بيجي يوم تتمنى مو لقله لا ولكن لتضخم الاسعار والغلا ........






الكلمات الدلالية (Tags)

الهندي

,

الاستراحات

,

يشاهده

,

صدمني


أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



10:30 AM