السلام عليكم ورحمة الله
مدري اذا خصت من الموضوع والا توك ؟
انا اليوم رحت لموعدي مع البنك العقاري شمال الرياض على اساس تحديث الصك المرهون .. والحمدلله انتهيت من موضوع تحديث الصك
باقي الخطوة الاخيرة وهي فك رهن الصك
سألتهم قالو تدخل الموقع ( البنك العقاري ) تدخل على طلب فك الرهن ، عشان اختصر عليك المشوار تدخل على هالرابط :
https://portal.redf.gov.sa/ar/pages/default.aspx
تنل تحت يمين تلقا ايقونة ( طلب فك الرهن ) تضغط على الأيقونة وتدخل على صفحة فك الرهن
تلقا اقونة بالوسط ( طلب فك الرهن ) ومن هنا تطلب فك الرهن وتجيك المعلومات كاملة
طيعا انا ما بعد وصلت الا عند هالخطوة لأني كل ماضغطت على ايقونة ( طلب فك الرهن ) يظهر لي رسالة (( عفواً .. لايوجد لديك عقود تنطبق عليها شروط فك الرهن )) ، توصلت مع البنك العقاري الساعة 2 بعد الظهر على الرقم 199088 رد علي الموظف قال تواصل معنا بوقت اخر لأن النظام عطلان حاليا ..
طبعا وش دور الموظف :
1- بعد اتصالك يطلب منك رقم هويتك اذا انت صاحب الصك او وكيل او قريب ويطلب منك رقم هويتك الخاصة بك مهما كنت
2- يرفع لك طلب ( فك الرهن )
3- توصلك رسالة نصية بفك الرهن بعد يوم او اكثر
بعد هالخطوات ماعندي خلفية :) اعتذر لكن هذا ما قاله لي الموظف .. فأعتقد بعد هالخطوات يكون الصك جاهز والله اعلم
ما زلت انتضر يكرة حتى ارجع اتواصل معهم لرفع الطلب
المعذرة ان حصل تقصير او خطأ واتمنى لي ولك وللجميع انهاء الاجراءات بشكل اسرع
مع التحية والتقدير
01-09-2021, 02:07 AM
