المشاركة الأصلية كتبت بواسطة سربال
اذا عمرك فوق الاربعين وتبي تتذكر ايام الطيبين
لايفوتك " متحف الطيبين " في العزيزيه بالخبر
من الساعه 4 الى 9 وهو عبارة عن استراحة
شخصيه مرتبها راعيها ومقسمها تقسيم جميل
وحاط فيها كل الاشياء التراثية القديمة .
الدخول برسوم .
يمكنك مشاهدة الصور في قوقل
بس اكتب متحف الطيبين وهو يوديك له على
طول وبالمره تشوف الصور .
مكانه في عزيزيه الخبر اللي فيها البحر يعني
جلسة على البحر وغداء واذا جات الساعه 4
توجه لهم .
واجهة كورنيش الجبيل لا تفوتك وعلى ضمانتي
مكان جميل يجمع بين الكورنيش والبحر والمقاهي
والمطاعم والعاب سباركيز الممتعه للاطفال .
اجدان ووك في الخبر على الكورنيش ، مجموعة
مطاعم ومقاهي والعاب الاطفال في الكورنيش
نفسه قريبة من اجدان ووك .
قرية فيلاجيو في الخبر مجموعة مطاعم ومقاهي.
سوق الدمام القديم " سوق الحب " اذا تبحث
عن الاشياء التراثية كالملابس وغيرها .
مهرجان الشرقية في واجهة كورنيش الدمام ابتدأ
قبل شهر جلسات ع الكورنيش وكباين بيع تراثية
وفود ترك لبيع المأكولات والعاب اطفال جميل .
كل المذكور فقط اكتبه في قوقل وتروح له بدون
تعب .
بالتوفيق يا صديقي
رحله سعيدة
26-10-2021, 07:33 AM
