حواله راحت علينا بلخطا لمؤسسه كلمنا صاحب المؤسسه رفض يرجع المبلغ

19-01-2022, 02:25 AM

المشاركه #37

عضو هوامير المميز

تاريخ التسجيل: Dec 2017

المشاركات: 1,077

حواله راحت علينا بلخطا لمؤسسه كلمنا صاحب المؤسسه رفض يرجع المبلغ

المحاكم ممكن تطول وتعبها اكثر من عشر الاف..
وقصتي مع الدعاوي للعبره
انا مستحيل اشتكي احد في محكمه لان الروتين والمراجعات بحد ءاته مرض وقهر
مره كنت توني متوظف واجمع قرش فوق قرش ..طحت لي في نصاب راعي مكتب عقار وعطاني وعود انه يدور لي الخير وبيدخلني معه في مساهمه وعطيته كل ما املك وقتها حوالي 45الف على اساس شهرين ثلاثه بالكثير
المختصر قفل المكتب وصار مسوي الحركه مع كذا واحد
فص ملح وذاب
الى ان قدرت اجيب رقمه بعد سنتين
كلمته قلت بدعي عليك لو ما رجعت فلوسي قال ادع بيديك ورجليك او اذا عندك عجوز قلها تدعي معك من قوة الاستهتار والطغى
قلت أجل استلم من اليوم وطالع
ويوميا رساله على جواله ..
وتجي العشر في رمضان وادعي عليه في صحته ..
أقسم بالله العظيم حرمته متصله علي تقول خلاص وقف دعاوي عفستنا عفس وابونا صار هيكل عظمي مع أنه قبل المرض اكبر من الثور ويدق ولده علي ويقول عطني حسابك وحولها كامله ....
قال وهو على فراشه حللني قلت والله ما احللك خذيت حقي صح لكن مماطلتك والله ما اسامحك عنها
الدعاء ما يستهين فيه الا واحد مهوب صاحي

19-01-2022, 02:39 AM

المشاركه #38

عبد1لله

عضو هوامير المميز

تاريخ التسجيل: May 2020

المشاركات: 220

اتوقع لأن الرجال صاحب المؤسسة مايعرفك ويخاف يحول لك المبلغ وتجيه مساءله قانونية .. حقك محفوظ بس مايرجع الا بالامور النظامية عشان تحمي نفسك وهو يحمي نفسه بعد

19-01-2022, 02:50 AM

المشاركه #39

ربحان الكسيبي

عضو هوامير المميز

تاريخ التسجيل: Sep 2008

المشاركات: 420

مشكلة المؤسسة اذا دخل عليها مبالغ لازم يدفع الضريبة للمبلغ ١٠٠٠٠ضريبتها للزكاة والدخل ١٥٠٠ريال

19-01-2022, 03:16 AM

المشاركه #40

الشاشة غشاشة

عضو هوامير المؤسس

تاريخ التسجيل: May 2005

المشاركات: 12,978

اقتباس:

المشاركة الأصلية كتبت بواسطة ابووعمار

احيانا تغلط برقم وتتحول بالخطا

اذا التحويل بالصرافه يطلع لك الاسم

واذا بالتطبيق لازم تنشط رقم الحساب ويظهر لك الاسم

19-01-2022, 04:30 AM

المشاركه #41

تهـاويل

عضو هوامير المميز

تاريخ التسجيل: Jun 2009

المشاركات: 8,148

اقتباس:

المشاركة الأصلية كتبت بواسطة الحرف القاسى

السلام عليكم ورحمة الله وبركاته
كيف الحل ياخوان افيدونا
حولنا لمؤسسه بلخطا 10 الف ريال
وكلمنا صاحب المؤسسه قال الذي
أعطاكم رقمي خلوه يحولها لكم
ايش نسوي نروح البنك
ولا الشرطه
ولا وين نروح
الذي عنده معرفه يفيدنا جزاكم الله خير

تبي الصراحة ؟!
تصرف صاحب المؤسسة اللي حولت له الفلوس سليم 100%
وش يضمن ان الفلوس هذي لك ومصدرها حلال ماهي شغلة غسيل اموال أو ناصب على احد ومتعمد تخلي الفلوس تدخل حساب وتطلع منه عشان تطلع نفسك من السالفة ؟

احد الزملاء أبوه كبير سن متقاعد مرتين تنزل بحسابه فلوس ويتصلون عليه حوالة جت حسابك بالخطأ حولها لحساب المؤسسة جزاك الله خير ويحولها
وبعد شهر يستدعونه قسم الشرطة ، طلعوا اللي محولين له الفلوس ناس منصوب عليهم وعصابة النصابين اتصلوا عليه وقالوا بالخطأ وحولها لهم ، واليوم مطالب بدفع 46 الف للمشتكين

أفضل حل تتواصل مع رقم ناجز وزارة العدل 1950 وتسألهم ترفع قضية باي محكمة
ثم ارفع قضية
وصاحب المؤسسة اذا حضر للمحكمة وشاف ان فلوسك حلال مافيها شبهة غسيل اموال او نصب بيدفعها لك
حتى القاضي اذا تأكد ان مابينك وبينه تعاملات مالية بيلزمه يردها لك

هذا والله واعلم

19-01-2022, 04:45 AM

المشاركه #42

عالمي الى القمة

عضو هوامير المميز

تاريخ التسجيل: Jun 2021

المشاركات: 80

اقتباس:

المشاركة الأصلية كتبت بواسطة خالد ابو فيصل

ارفع عليه قضيه ماليه للمحكمه عن طريق ناجز

نعم صحيح عن طريق ناجز

19-01-2022, 05:04 AM

المشاركه #43

بولينج

عضو هوامير المميز

تاريخ التسجيل: Aug 2020

المشاركات: 3,337

كيف بالغلط والمستفيد مسجل عندك ..!!
هذا الشخص أكيد بينك وبينه تعاملات مالية
ولذلك حسابه نشط عندك ..

طيب على افتراض أن لديك مجموعة مستفيدين وحولت لواحد منهم بالغلط
الخطوة الأولى :
لازم تقرر الرجال أن الحوالة وصلت له بالغلط عن طريق رسائل الواتس أب ودردش معه واجد
فإذا أقر ذلك صور المحادثة قبل لا يحذفها .. وخلاص اعتبر فلوسك رجعت لك
وإذا هو مو راعي واتس اتصل عليه وسجل المقطع الصوتي وحاول تجره بأسئلة ذكية تفيد منه إقراره باستلام المبلغ بدون مقابل أوبالخطأ وبعدها
ع طول ارفع عليه في ناجز وارفق :
* الحوالة الصادرة
* صورة من إقراره باستلام المبلغ بدون مقابل من خلال تصوير محادثة الواتس اب
* المقطع الصوتي

ونصيحة يا إخوان
المستفيدون في حسابك حاول بين فترة وأخرى تجددهم أو تحذف القديم منهم مما لا يعنيك

19-01-2022, 05:15 AM

المشاركه #44

طيّب الفال

عضو هوامير المميز

تاريخ التسجيل: May 2010

المشاركات: 1,147

اقتباس:

المشاركة الأصلية كتبت بواسطة الرئيس هاني

لاحول لله ايه مالك الا الشرطة راعي طويلة هذا

حبيبي ما يصح تكتب لاحول لله
الصحيح لاحول ولاقوة إلا بالله

انتبهوا يا أخواني

19-01-2022, 05:31 AM

المشاركه #45

mh206

عضو هوامير المؤسس

تاريخ التسجيل: Jun 2005

المشاركات: 3,891

اقتباس:

المشاركة الأصلية كتبت بواسطة خالد ابو فيصل

ارفع عليه قضيه ماليه للمحكمه عن طريق ناجز

اطلب رد اعتبار بي ظرر ممكن القاضي يرجع المبلغ مع سجن ١٥ يوم للتاديب وغرامه الف ريال وممكن اذا صدر الحكم يعطيك ٣٠٠٠ الف من اجل تتنزل فوق مبلغ
اذا تفهم انا واحد رفع على قضيه نفقه وهو مخلف للصك بشده بشده ولم شف ردي القاضي في دعوه حول انا يشطبه وحوله للنيابه والعلمي انه سوف تنتهي في البراءه تنزلت وقلت اشطبه فقط. فقط يكفي

19-01-2022, 05:44 AM

المشاركه #46

النقشي

كاتب مميز

تاريخ التسجيل: May 2005

المشاركات: 25,830

اقتباس:

المشاركة الأصلية كتبت بواسطة عبد1لله

اتوقع لأن الرجال صاحب المؤسسة مايعرفك ويخاف يحول لك المبلغ وتجيه مساءله قانونية .. حقك محفوظ بس مايرجع الا بالامور النظامية عشان تحمي نفسك وهو يحمي نفسه بعد

هذا الصحيح

19-01-2022, 06:08 AM

المشاركه #47

مبتلى بموبايلي

عضو هوامير المميز

تاريخ التسجيل: Apr 2021

المشاركات: 1,040

اقتباس:

المشاركة الأصلية كتبت بواسطة الحرف القاسى

السلام عليكم ورحمة الله وبركاته
كيف الحل ياخوان افيدونا
حولنا لمؤسسه بلخطا 10 الف ريال
وكلمنا صاحب المؤسسه قال الذي
أعطاكم رقمي خلوه يحولها لكم
ايش نسوي نروح البنك
ولا الشرطه
ولا وين نروح
الذي عنده معرفه يفيدنا جزاكم الله خير

أخي الكريم : هناك نقلة نوعية في المؤسسات الحكومية لخدمة المواطن والمقيم ، وقضيتك ليست الأولى ولن تكون الأخيرة لكن هناك آلية قانونية لقضيتك وهي التالي :
1-إن كان هناك نصب واحتيال في أخذ الأموال تتوجه للشرطة وتحول القضية للنيابة وتأخذ مسارها ..
2-إن كان هناك حوالة خاطئة ترفع دعوى شخصية في المحكمة عن طريق ناجز وتقدم مايثبت الحوالة الخاطئة وهنا المحكمة تتوثق من مدى صحة دعواك وعدم وجود علاقة مالية بينكما ، وإن ثبت صحة الحوالة الخاطئة تحكم المحكمة برد المال بسرعة يعني ممكن جلسة أو جلستين ،، إلأ إذا تعقدت القضية بدخول ادعاءات وأطراف أخرى ..
لا تشيل هم الموضوع سهل ..

19-01-2022, 06:26 AM

المشاركه #48

صوت وصورة

عضو هوامير المميز

تاريخ التسجيل: Dec 2020

المشاركات: 257

من حقه انه مايردها الا عن طريق البنك واحضار مايثبت انها حولت بالغلط

لمؤسسه

المؤسسه

المبلغ

بلخطا

حواله

يرجع

راحت

صاحب

كلمنا

علينا

اقرا ايضا

75 مخطط اراضي مجانيه الساعه 12

صدقه بسيطه لاتكلفك اكثر من ١٥ريال ....ولاعذر لمن يقول مقدر وفين اتصدق

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى