ترا الناس هناك تغلب عليهم العزلة والنفسيات
هالنقطه بالذات تغنيك انك تفكر بالسكن في شمال الرياض مع اني ساكن في شقة محشور فيها مع عيالي
وانا من ترعرت في السويدي الغربي وبعناه وتمنينا لو مابغناه الان في ضاحية لبن متعبة جدا
فيما يخص شمال الرياض والله العظيم انه مقلب غير مسبوق ازدحام ارتفاع اسعار ناس نفسيات الجار مايعرف جاره الا نادرا
وسبحان الله معي ناس من حقين الشمال ومن حقين الجنوب والغرب شتان بين الفئتين واحد طاقه هم الدنيا ونفسيه والثانين مبسوطين وفلاويه على قولتهم
ولكن المشكله تكمن في الجسر المعلق هو المتعب نفسيا سواء ذهاب او اياب مع عدم التزام قائدي المركبات بالانظمة المروريه سواء شاحنات او متهورين وياليت المرور يضرب بيد من حديد عشان افلام الرعب اللي نشوفها من تهور ابتداء من مفرق الشفاء الى نقول سلام يالدرعيه
على طاري شمال الرياض كنت مار زميل لي بالشمال واتصلوا علي الاهل قالو نبي حلا من المحل الفلاني
رحت على اللوكيشن وصار مجمع كافيهات
لقيت بشر شباب
قلت هوشه ولا فيه مشكله وقفت سيارتي نزلت الا كل اربعه خمسه مع بعضهم برا المحلات وفي المواقف ويسولفون ودخان وحوسه
دخلت المحل مافيه الا اربعه خمسه بس الكراسي فاضيه
هالعالم اللي تجي توقف برا وش تحس فيه ؟
غزل مثلا ؟
اذا غزل بتجي البنت بتصيدك يالغزال بين اخوياك انت وشورتك البرتقالي وتي شيرتك الفسفوري ؟
ياخي هالعالم متى تفتح عقولها المخططات مليانه
اماكن الشباب مليانه
البرح مليانه
رح تك انت واخوياك وسولف لين يصفى راسك
ذكروني بايام التميمي الملك فهد ايام ماكان الواحد معه رعبوب ويدق رنه على خويه عشان يتصل عليه يسمعون العالم الرنه ههههههههههههه بس وقتها كان فيه شوي جهل الحين تفتحوا العالم ومازال الجهل
08-03-2022, 01:14 PM
