logo



قديم 29-03-2022, 12:15 PM
  المشاركه #1
عضو هوامير المميز
تاريخ التسجيل: Jul 2018
المشاركات: 558
 



هل لاحظت ان الطلاب الأجانب في المدارس السعودية يأخذون في الغالب اعلى الدرجات ؟
اذا يدرس الطالب الغير سعودي في المدارس السعودية فهو يعرف انه لن يتوظف بهذه الشهادة ولن يدخل العسكرية او الجامعة والخيار الوحيد امامه انه مجبور على الحرص في الدراسة وبذل (كل جهده) في الحصول على اعلى الدرجات .. واضف لذلك حرص أهلهم عليهم ..
سابقا والان الطلاب السعوديين يبذلون نصف جهد في الدراسة واهلهم يبذلون نصف جهد في المتابعة .. وهناك نصف قلق في المتابعة ... فاذا لم ينجح في الدراسة فأمامه أي وظيف مدنيه صغيره .. او تعاقد في أي إدارة حكومية ... او يسجل في العسكرية ( وكل هذه الأمور في الوقت الحالي صعبه)
الأجانب يختلف وضعهم فهم يبذلون كل جهدهم .. واهلهم يتابعونهم بل حتى يضربونهم واذكر طالب مصري بكى لأنه اخذ ( ممتاز) في كل المواد الا ماده واحده اخذ (جيد جدا) ... وابوه ضربه في ساحة المدرسة وهو رايح للبيت ...
عندنا اذا الطالب اخذ جيد جدا في ماده واحده والبقية جيد ومقبول ازعجنا بهذه العلامة وصار يطلبك ليل نهار تشتري له بلايستيشن او ايفون
الحاجه ... وضيق الاختيارات ... السبب الأكبر لنجاح الطالب الأجنبي وتفوقه في الدراسة.


هل لاحظت ان الأجانب يسيطرون على التجارة والصناعة ؟
الحاجه جمعتهم وان لم يكن بينهم معرفه سابقه وجعلت موضوع نجاح هالمشروع "حياة او موت" بالنسبة لهم ... بعكس ولدنا اللي يجي بربع مليون ويفتح مقهى من غير دراسة ويخسر وبعدها يستسلم ويطلع!
الأجانب يعطون عملهم 100% من وقتهم او 90% او 80% .. بعض شبابنا مشغولين بالجمعات والطلعات او ماله نفس اليوم يروح يشوف حلاله لان ما عنده قلق .. اذا خسر بكل بساطه بيتسلف وبيسوي مشروع جديد او ينتظر الوظيفة الحكومية على المرتبة الفلانية
الأجانب يعرفون انهم في مركب واحد .. اما يطلعون كلهم او يغرقون كلهم عشان كذا تلقاهم يدعمون بعض ويشيلون بعض حتى لو ما يعرف الشخص يكفي انه من نفس الجنسية .. ما عندهم الا ها لشغله اما ينجحون فيها او يرجعون للفقر في دولتهم .. واليمنيين والسوريين اكبر مثال
الحاجه ... وضيق الاختيارات ... السبب الأكبر لنجاح الأجنبي وتفوقه في التجارة عندنا.


حاجتين توضح مدى نجاح الأجانب عندنا في كل المجالات .. لكن الفرق هو ان الطلاب يمكن معالجه موضوعهم عند أهلهم .. مزيد من الحرص والمتابعة وعدم تدليعهم ... وحرمانهم بعض الأحيان يفيد بشكل كبير
لكن بالنسبة للشباب اللي يبحثون عن وظيفه فلا بد من توفر ثلاث أمور لحل مشكلتهم :
1- تدخل الدولة
2- دعم التجار الشرفاء اللي يبحثون عن الربح ومصلحة ابن بلده .
3- تكاتف الشباب نفسهم مع بعض وتكوين لوبي

يا اخي انت تبي تفتح محل "تموينات صغيره" في الحي الفلاني .. فيه ثلاثة او اربعه شباب نفس الفكرة ايش يمنعكم تتجمعون وبدل ما تفتحون التموينيات الصغيرة تفتحون سوبرماركت ضخم .. اذا مجالك في محل الخضار وعندك محل صغير .. لا تقول ما بيدي شيء وكل امورك معلقه على اللي الأجنبي في سوق الخضار .. تواصل مع الشباب اللي نفس تجارتك شمال وشرق وغرب الرياض وتجمعوا يجي عددكم 20 او 30 او 50 وحطو قطتكم ووكلوا واحد وادخلوا سوق الخضار وتواصلوا مع المزارعين مباشره واشتروا بالجملة من المصدر وكسرو راس الباكستاني اللي ماسك الجملة .. اذا هو بيدفع الى المزارعين 25000 ريال انتم ادفعوا 30000ريال

الموضوع الأصلي : اضغط هنا    ||   المصدر :

ساحات الهوامير المفتوحة



 
 
قديم 29-03-2022, 01:25 PM
  المشاركه #2
عضو هوامير المميز
تاريخ التسجيل: Nov 2016
المشاركات: 3,439
 



كلامك صحيح
لكن الاجنبي اصبح اغنى من المواطن حتى ابو يمن اللي راتبه 3500 افضل من السعودي اللي راتبه 8000
ماعنده اي التزامات غير 500 الى 1000 تكفي اهله شهر كامل عيشة طيبة
يعلمني احد اصحابي اليمنين يقول نتغدا سمك 4 بيوت ما يكلفنا 60 ريال سعودي
انا تغديت في القطيف مع 2 اشخاص دفعنا اكثر من 250 ريال
شي ما يدخل العقل
المطعم مقابل حراج القطيف جملة السمك







الكلمات الدلالية (Tags)

لنجاح

,

الأجانب

,

الأكبر

,

الاختيارات

,

الحاجه

,

السبب

,

الغربة



أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



07:06 AM