القبض على مواطن يتسول مالاً مدعياً نفاد #البنزين من سيارته

صفحة 2 من 3

14-04-2022, 01:23 AM

المشاركه #13

ابوعبدالله الوا

عضو هوامير المميز

تاريخ التسجيل: Sep 2020

المشاركات: 275

القبض على مواطن يتسول مالاً مدعياً نفاد #البنزين من سيارته

ياكثر هالنوعيات الله لا يبلانا..عند محطة الرحيلي في جده ..كنت مستاجر ٥ ايام وشفته من اول يوم..ياخوك ابي اروح المدينه ابي حق البنزين وعطيته ١٠ ريال .واليوم الثاني كنت لابس رياضه مالبست ثوب وجاني وكرشته..واليوم الثالث نفس الطريقه قلت له وين اللي بيروح المدينه انت جالس تشحذ الماره لازم ابلغ عنك..قال ياخوك انا يمني وهذي سيارة كفيلي هايلكس ٩٠ اشيل عليها علف للابل حقته ولا عطاني راتب ولا بنزين وين اروح وادق عليه ويقول انا بعيد بعدين اعطيك راتبك..قلت هالكلام تقوله للعسكري الدوريات وياخذون حقك..قال تكفى مابي اقسام وشرطه والله معاد اشكي حالتي لأحد..السالفه قبل شهر.

16-04-2022, 01:29 AM

المشاركه #14

نوره 22

عضو هوامير المميز

تاريخ التسجيل: Oct 2021

المشاركات: 26,709

قبل سنه تم القبض على معلمه بحي الشفا تتسول ولم حققوا معها قالت علي ديون وراتبها عالي والمسكينه انفضحت عند الناس الله معطيك وظيفه حلوه وراتب كبير وتتسول بالشارع

16-04-2022, 02:06 AM

المشاركه #15

شارع عسير

عضو هوامير المميز

تاريخ التسجيل: Jul 2018

المشاركات: 2,883

عادة ذميمة قبيحة .. نسأل ان يصلح حال من ابتلي بها

16-04-2022, 02:21 AM

المشاركه #16

ابوعلي01

عضو هوامير المميز

تاريخ التسجيل: Oct 2014

المشاركات: 6,876

ياربع يمكن صدق ولله
اني في الطايف انسرقت جاي من مكه
خمسه الف ريال حتي الصرافات مسروقه
الله لا يوفقه لا دنيا ولا اخره : واذكر كنا في 28 رمضان بنوك مقفله والحاله لا يعلم بها الي رب السموات والارض
ورحت ابيع ذهبه للمدام وقالو جيب بطاقتك عطيتهم مشهد شرطه رفض : يقبلها وشافني رحال لله يعزه عتيبي وفزع لنا بثلاث ميه ريال ومخالف لين ما اخذت رقمه
بعد العيد مباشره 3 الف بحسابه ولله
ولازال بيننا تواصل

16-04-2022, 02:39 AM

المشاركه #17

محتااااار

عضو هوامير المميز

تاريخ التسجيل: Jun 2016

المشاركات: 1,674

وقفني عماني مع عايله يقول تعطلت سيارتي وابي اللي يوصلني لعمان
وامس عند بنكً الراجحي واحد سعودي كل من دخل للبنك راح له يقول ابي 50 ريال بعبي بنزين ولاواحد عطاه

16-04-2022, 02:45 AM

المشاركه #18

امشي واطيح

عضو هوامير المميز

تاريخ التسجيل: Jul 2011

المشاركات: 2,081

اذكر جاني عند محطه شخص يقول جاي اقدم وظيفه بالرياض ولامعي فلوس حق رجعه لديرتي وكرشته عرفت انه نصاب

16-04-2022, 02:46 AM

المشاركه #19

امبابي

عضو هوامير المميز

تاريخ التسجيل: Mar 2021

المشاركات: 1,089

فيه جيب لندكروزر ذهبي سواقه لابس عمه اماراتية ونظارات طبية على طريق عثمان مخرج ٧ من اول رمضان كل يوم اشوفه يتسول .

16-04-2022, 03:39 AM

المشاركه #20

صعلوك العرب

عضو موقوف

تاريخ التسجيل: Jan 2012

المشاركات: 5,500

قبل يمكن 4 او 5 سنوات وقـفت عند مطعم في شارع الأبراج بالسويدى اعـتـقـد تقاطعـه مع شارع ابن الجـوزي
نزلت من سيارتي آخـذ عـشاء وكان فـيه سيارة موقـفة بها شخص ومعـه عـائـلته
فلحـقـني قـبل ان ادخـل المطعـم وقال لى يا اخى انا وعيالى جـايين من سفـر
وتعـطـلت السيارة وصـلـحـناها والفـلوس خـلصت ولا معـنا مبلغ نشتري اكل لنا
فـقـلت له تعـال ادخـل معى المـطـعم واشتري لك اكل فـقال انا اريد فـلوس حـتى اشتري اللى يناسبي
فـقـلت له اطلب من المطعـم ما تريد وانا احاسب فأخـذ يلف ويدور بالكلام
فـقـلت له تـوكل عـلى الله لـو انك صادق لـقـبـلت بالأكل بما انه سيأتيك مـجـانا

16-04-2022, 04:29 AM

المشاركه #21

ترمباك

عضو موقوف

تاريخ التسجيل: Sep 2010

المشاركات: 5,794

اقتباس:

المشاركة الأصلية كتبت بواسطة لعبة الحياة

لقيت واحد في طريق القصيم سيارته جديدة ونوعا ما فخمة وقفت له احسبه متعطل طلبني فلوس بنزين
قلت بروح اجيب لك بنزين واجي قال لا عطني كاش انا بدبر نفسي
مشيت وتركته

كنت بذكر موقف مشابه صار لي قريب بالمحطة اللي بها ماكدونالدز بعد بريدة باتجاه الرياض ومعاه كامري او افالون جديدة الظاهر نفس الشحاذ

16-04-2022, 04:34 AM

المشاركه #22

الجواد الفارس

عضو هوامير المميز

تاريخ التسجيل: Feb 2007

المشاركات: 6,296

اقتباس:

المشاركة الأصلية كتبت بواسطة kingklied

مره كويتي بسيارة فخمة معاه زوجته و ابنه الرضيع عند.محطة وقود يقول انه متعطل ويبغى يعبي بنزين ويشتري أغراض السفر . الغريب جاي بسيارته لعند سيارتي من جهة الراكب والولد الصغير حمر عطر والزوجة ديدها طالع وانا بسيارتي رفيعه شوي وكاشف موتره.

المهم قلت له عبي بنزين واشتري من البقالة الي تبي وزعل الرجال. الكلام قبل ١٨سنة وحولها

الفلوس كانت مربحه ذاك الوقت اما الان يبونك تعبى البنزين لو تقول اعطيك فلوس يقول لا انا منقطع بنزين والا مانى محتاج والمقصد ان البنزين لو تتعبي سيارته دبل مابتعطيه من الفلوس
المشكلة الناس تعبى لهم

16-04-2022, 06:01 AM

المشاركه #23

لعبة الحياة

عضو هوامير المميز

تاريخ التسجيل: Nov 2016

المشاركات: 3,847

اقتباس:

المشاركة الأصلية كتبت بواسطة ترمباك

لا ياحلو سيارته افخم من تويوتا

16-04-2022, 06:12 AM

المشاركه #24

ترمباك

عضو موقوف

تاريخ التسجيل: Sep 2010

المشاركات: 5,794

اقتباس:

المشاركة الأصلية كتبت بواسطة لعبة الحياة

لا ياحلو سيارته افخم من تويوتا

وانت تقوله تعال اعبيلك بنزين يا حليلك بس 😂

صفحة 2 من 3

الكلمات الدلالية (Tags)

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

02:29 PM

مدعياً

يتسول

اقرا ايضا

فخر السفن الحربية تغرق

سورتان في القرآن بدأت ب الويل : 1- ويل للمطففين. 2- ويل لكل همزة لمزه.