عام 28 وصل المتر 700 ريال
مريت يوم على الاحياء المجاورة وجدتها توها ناشئة ولافيه مباني ولاشواع طريق انس والخير مابعد قام حفريات وتراب بعارين وخيام وكلاب واحواش غنم الى جامعة نورة رجعت لحي العقيق ولقيت واحد يعمر دبلكس ماخلصها م 380
دخلت المساحة صغيرة قلت كم البيع قال 650 الف رجعت بعد شهرين وجدتها مشطبة اتصلت علية قلت انا بشريها قال كاش ولابنك قلت وش يفرق قال اذا كاش 800 الف واذا بنك 900الف الان اجراءات البنك تطول وعندة مندوب يقيم العقار
كلمت الوالد واخواني وبعت ذهب الزوجة والسيارة واتكلت على الله وشريتها يوم جينا نتكاتب قال السعي قلت انت ماذكرت السعي انت مالك العقار قال اعطني السعي تقريبا 16 الف ولا مافيه بيع قلت ابشر يومين واجيب السعي ورحت وتسلفت من نسيبي واعطيته وقلت حسبي الله عليه وشريت الفيلا
قالو مجنون تشتري فلة بقلعة وادرين وتحمل نفسك ديون وزعلت الزوجة وراحت لبت اهلها
شريتها وخليتها سنة كنت امرها اناظرها ومتحسر ماقدرت اثاثها واروح بنبان اتمشى وافك عن نفسي بعد سنة نضفتها من مخلفات الطوير ركبت مطبخ وكل شهر اشتري مكيف اسبلت حتى تاثثت ثم سكنت ورجت الزوجة والان المكتب يكلمني يقول تبيع 2 مليون و300 ماصدقت اخذت لفة على مكاتب العقار لقيت الاسعار نار
الملقاء طار وحطين ولع
22-05-2022, 06:20 AM
