logo



قديم 11-07-2022, 02:06 AM
  المشاركه #25
عضو هوامير المميز
تاريخ التسجيل: May 2009
المشاركات: 1,695
 



يا رجال مافي مثل الياباني وبعده الكوري وبس اما الامريكي بكل انواعه ما ينفع بريال



 
 
قديم 11-07-2022, 05:06 AM
  المشاركه #26
عضو هوامير المميز
تاريخ التسجيل: Feb 2018
المشاركات: 10,259
 



انا مشكلتي معه في الدودة اصلاح مرتين ثم تغيير كامل ايضا مفاتيح الابواب كل شوي يتعطل واحد وأي سيارة بعد 5 سنوات توقع منها اي خراب



قديم 11-07-2022, 09:16 AM
  المشاركه #27
عضو هوامير المميز
تاريخ التسجيل: Oct 2020
المشاركات: 963
 



مافي اي مقارنه مع اليوكن ولا يوجد منافس حقيقي للسياره



قديم 11-07-2022, 09:50 AM
  المشاركه #28
عضو هوامير المميز
تاريخ التسجيل: Nov 2012
المشاركات: 1,157
 



كلامك صحيح انا معي يوكن وكل اللي ذكرته للأسف موجود .. لكن نصيحه اليوكن ما يصلح للاستخدام اليومي



قديم 11-07-2022, 10:15 AM
  المشاركه #29
عضو هوامير المميز
تاريخ التسجيل: May 2007
المشاركات: 10,901
 



والله ياخي مامر عليك سيارات مثل الامريكي للان سيارات صنعت لتبقى فعلا بكل تفاصيلها

انا مثلك جربت اليوكن 12 سنه للان اشعر بتفاصيل الوكاله اذا سافرت عليه !!

ماذا لو موديله سياره يابانيه ولا كوريه ؟؟؟

احتمال ماتمشي بالشوارع الا استخدام عمال

والامريكي محتفظ باصالته ورونقه

واي سياره تتعرض للحوادث لو بسيطه راح تكثر اعطالها ولاتنتهي
اهم شي للمحافظه ع السياره بايكه مهمه جدا




قديم 11-07-2022, 10:35 AM
  المشاركه #30
عضو هوامير المميز
تاريخ التسجيل: Aug 2006
المشاركات: 1,027
 



اقتباس:
المشاركة الأصلية كتبت بواسطة أبـوفيصـل
السلام عليكم ورحمة الله وبركاته
وكل عام وانتم بخير بمناسبة عيد الاضحى المبارك
اعاده الله على الامة الاسلامية بالخير واليمن والبركة

اشتريت سيارة يوكن ( وكالة ) عام 2011 م

الجيد بالسيارة مكينة وقير ممتازة وللخطوط والسفر تعجبك
لكن للاسف الشديد حصلت لي كذا مشكلة كرهتني بالسيارة وتخليني ابتعد عنها مستقبلا بشكل نهائي في حال رغبت بشراء سيارة

اولا
ديكورات داخلية صناعة رديئة تتكسر وهي واقفة مثلا الطبلون مع مرور الوقت بدأ يصير فيه كسور وتزداد باستمرار
ثانيا
اكثر من مرة تطيح عندي النافذة بسبب ذراع النافذة ردئ الصنع
ثالثا
اقفال الابواب تخرب بسرعة وهذا صدمني لاني لما كنت امشي بالسيارة احس عضلاتها تعبانه ووديتها تربيط وقالي صاحب الورشة عضلات السيارة ممتازة ماتحتاج شي والمشكلة عندك في اقفال الابواب بدلها وبتروح جميع الاصوات اللي تسمعها
رابعا
النوافذ دائما يدخل منها هواء ويكون مزعج وانت ماسك خط
خامسا
مرة من المرات فلت عندي عصا القير ولما وديتها الورشة طلع ان فيه قطعة بلاستيك تمسك العصا انكسرت ( القير ممسوك بعصا بلاستيك شي يجلط )

يمكن اغلب شوارعنا تعبانة وتسرع في ظهور مثل هالامور لكن الاكيد ان الصناعة ردئية

تجاربكم
وشكرا للجميع
تجربتي مع الامريكي :
عندي سوبربان شفروليه 2009 علي يدي من الوكاله الى الان , استخدامه فقط للسفر وماشي حوالي 170 الف فقط وصيانته الدائمه في ACdelco
عمري ماشفته منه يوم سيء حتى لو استخدام يومي
نعم انفكت عصا القير وهي فعلا بلاستيكه , وصلحتها بنفسي جبت سيم حديد ودخلت تحتها وربطه مضبوط بالزراديه وعايش للان 5 سنوات , واقفال الابواب نعم زي ماتفضلت تعطلت وطنشتها ماتضطر نقفلها يدوي ونمشي
وترى السبب جونا غبار وحر يعدم اللي ماينعدم.
بالنسبة لصوت الهوى الخارجي هو نفسه من يوم شريتها فيه صوت بس عادي حتى السيارات الفخمه فيها والكمال لله وحده
بالنسبة لطقطقه والاصوات , فهي من كراسي المكينه بسبب وقوف السياره وايضا جلد المقصات روح شيكها وتضبط معك.
للامانه ماشفت من السياره الا كل خير وخوي سفر فعلا ويضف عفوشك وراحه بالطريق , وناوي اغيرها قريبا للتجديد فقط بسبب الموديل وراح اخذ نفس الشي
احد الاخوان قال ماينفع استخدام يومي وهذا صحيح لانه ثقيل , واستخدمته شهر تقريبا استخدام يومي وكان ممتع للامانه ووحش مشكلته المواقف , ايضا صرفية البنزين ممتاز جدا جدا مايصرف الا اذا دعسته فوق 140 سرعه
غيرها والله عادي , فللته في بيتي بالرياض بنزين احمر ووصلت منفذ البطحاء وباقي ربع التانكي والمسافة تقريبا 580 كلم. وجدت البنزين الاحمر اصرف واعطى السيارة عزم .







الكلمات الدلالية (Tags)

تجربتي

,

سيارة

,

yukon



أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



12:03 AM