وزعت هدايا بـ ملايين الريالات عشان اصير حديث المجتمع !

27-09-2022, 10:11 AM

المشاركه #1

عضو هوامير المميز

تاريخ التسجيل: Dec 2020

المشاركات: 116

وزعت هدايا بـ ملايين الريالات عشان اصير حديث المجتمع !

يسعد لي صباحكم جميعاً ...

بما اني من مشاهير السناب ولا اركب الا روز رايز حالياً ومشغول ولا اجد وقت اني اشرب كوب قهوه على ضفاف نهر الحاير قلت يا واد ليش ماتنثر شي من مواضيع البذخ الفاحش في منتدى الفقر والفقريين اعطيهم شي من يومياتي السعيده .. زمااااان ايام الفقر وقبل اعرف السناب كنت ماركب الا سيارات خرده وتشليح وفي كل شارع تحصلني متعطل ولله يا محسنين ومديون وحالتي حاله ويوم احصل عشاء ويوم انام على شحيمات بطني .. حتى وفقني الله وعرفت السناب وقبيت على وجه الدنيا هذا اعلان بـ 5000 ريال وهذا بـ 50 الف ريال منتجات بعضها والله مدري عن جودتها او حقيقتها اهم شي القرنقش والزلط .. اهم شي صرت شيخ وكلً يبي قربي وودي وكلً يبي يطلع ويشتهر في سنابي وانه يعرفني وانا مستانس وسعيد يالله كيف الدراهم تعز .. ماعلينا موضوعي عن كيف اصنع شو كيف اخليك تصير حديث العالم والمجالس .. قمت اتذكر ايام الفقر مين الي ساعدني !! مين الي له علي معروف !! وتم تجميع الاسماء وراعي استراحه اعطانيها هديه لمدة خمس ايام وجمعت كديش السناب ومشاهيره وقلت ابي نقل للحدث على اكبر وجه ابي شهره ابي هذا الاحتفال كل لسان يتحدث به ابي يقولون شفتو طلق ابن ملق وش عمل وسوا و و و !!

وجاءت ساعة الصفر وابتداء الحفل ثم قمت وانا اجر بشتي على الميكروفون وعيني في المصورين و مشاهير السناب عشان نقل الحدث تعرف الشهره والشو تبي حكمه وحنكة .. ثم سلختهم بقصيده ترحيبيه ثم صلختهم بقصيده ثانيه تشطيبية وكلهم تسلم يالامير تسلم يارعي الاوله ! الوكاد ماحولي اوله لكن كلنا ننافق بعض عشان الفائده المشتركة .. ثم جاء وقت توزيع الجوائز > بداء سرد الاسماء قلت يااا فلان ابن فلان تذكر يوم ساعدتني وانا مبنشر على طريق الحجاز ! قال اي والله اذكر قلت هذاي 50 الف اطنخ يالذيب وصور يا مصور .. يا فلان ابن فلان تذكر يوم تعزمني على شكشوكه وانا مطفر وجيعان ! قال اي والله اذكر قلت هذي 100 الف اطنخ يا الامير وباقي ماشفت شي وصور يا مصور .. يا فلان ابن فلان تذكر يوم تفزع لي في الهوشه يوم سطروني في الطلعه ! قال اي والله اذكر قلت وهذي 200 الف يالذيب معها بشت و سيف مذهب ... يا فلان ابن فلان تذكر يوم تطلعني من السجن عشان سرقة الدجاج وتكفلني ! اي والله اذكر وقتها عقلك يمرش قلت هذا جيب جي كلاس اخر موديل قيمته فوق 500 الف وتستاهل يالذيب ياراعي الاوله ...

وانتهاء الحفل وصرت ترند في تويتر والسناب و بعض وسائل الاعلام وتحدثو عن كرمي وشهامتي وشجاعتي وكيف اني ارد الجميل ونمت ذيك الليله وانا خالي البال والوفاض .. تعرفون عمل الخير لوجه الله ماهو سهل ويبي نيه طيبه وخالصه لوجه والله لا يحرمنا الاجر

الموضوع الأصلي : اضغط هنا || المصدر :
ساحات الهوامير المفتوحة

27-09-2022, 10:21 AM

المشاركه #2

memories

عضو هوامير المميز

تاريخ التسجيل: Aug 2010

المشاركات: 22,950

نفس اسلوب كنت هامور كنت

27-09-2022, 10:23 AM

المشاركه #3

بـــدون نـــك

عضو هوامير المميز

تاريخ التسجيل: Jul 2016

المشاركات: 3,680

ليش مازوجت الوالد من اذربيجانية ؟؟

وسحبت على الوالده ؟؟

27-09-2022, 10:31 AM

المشاركه #4

مركد السهم

عضو هوامير المميز

تاريخ التسجيل: Jul 2020

المشاركات: 4,689

المهم ضحكتنى وهذه لعمرى سابقه جميله الضحكه تسوى 5 الاف ريال ؟؟؟؟ياسلام

الكلمات الدلالية (Tags)

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

06:34 AM

وزعت هدايا بـ ملايين الريالات عشان اصير حديث المجتمع !

ساحات الهوامير المفتوحة

ملايين

هدايا

وزعت

المجتمع

الريالات

اصير

حديث

عشان

اقرا ايضا

ماللذي يجعل المرأة تعتقد انها آخر حبة في الكون

المشروبات الغازية ومشروبات الطاقة والأخرى المحلاة بالسكر "آمنة"