logo

قديم 28-09-2022, 06:56 AM
  المشاركه #1
عضو هوامير المميز
تاريخ التسجيل: Oct 2006
المشاركات: 1,295
 




ليا اختلط فالأرض نوار وزهور
وشفت أم سالم تقتلب بالغناني

في حاجرٍ توه من الوبل ممطور
هاذيك غاية مقصدي والتماني

ينزاح هم البال وأصير مسرور
بجو خلا ما حوله المودماني

تسوى لها عندي عمارات وقصور
واسج فيها ساعة من زماني

ليا ضيقوا خلدي هل الكذب والزور
اللي مجالسهم مجالس هواني

أبعد بشوحي عن هل العمي والعور
وعن مثلهم من كان طبعه أناني

لو كان يوجد ناس ما فيهم قصور
مدلهين الجار ستر العواني

كل على ما قيل بالفعل مخبور
والناس فيها اجناس في كل شاني

فيهم رجال بالوفا تكمل الدور
والجدي يعرف من سهيل اليماني

وليا حداك الوقت واحتجت مذخور
عليك باللي جانبه ما يهاني

اللي بفعل الطيب يعرف ومذكور
الطيب النادر عريب المجاني

رجل على الشدات صامل ومنعور
تلقاه في وقت اللوازم حصاني

ومن يفعل المعروف لابد مشكور
يشكر ويذكر بين قاصي وداني

وخل الضعيف اللي عن الطيب مثبور
لا تحتزم به في بلاوي الزماني

لا تبدي الحاجة على غير ممرور
ارفع مقامك عن مقام الهداني

كم واحدٍ زوله مغره وديكور
ويطلع بوقت اللازمه مسنحاني

لا يوفي الواجب ولا يحكم الشور
ولا هو بنافع في جميع المعاني

أرتاح يوم أبعد عن الناس والدور
وشوف الفضاء عن نايفات المباني

لو كان بس أمشي على صحصح القور
وأمد شوفي من مكان لمكاني

سجه وفيها إبليس مبعد ومدحور
ونقضّي الساعات مثل الثواني

وآخر مطاف الحي في قبر محفور
وعمر الفتى لو طال لابد فاني

وأرجي من الله يجعل الذنب مغفور
ويجعل مقر المسلمين الجناني

عبدالله بن جهز

الموضوع الأصلي : اضغط هنا    ||   المصدر :

ساحات الهوامير المفتوحة



 
 
قديم 28-09-2022, 05:52 PM
  المشاركه #2
كاتبة مميزة
تاريخ التسجيل: Mar 2022
المشاركات: 2,520
 



أقدر أترجم لك مقال باللغة الأنجليزية ١٠٠ صفحة

لكن أعجز عن شرح بيت واحد من هالقصيدة (:

وإن كانت فكرتها واضحه

قصيدة تصف أهل " الزمن الجميل "


شكرا لك ....







الكلمات الدلالية (Tags)

مسنحاني

,

مغره

,

واحدٍ

,

ويطلع

,

وديكور

,

اللازمه

,

بوقت

,

زوله



أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



07:23 AM