وش هالركود والتطفيرة الفظيعة ..؟!!

المشاركة الأصلية كتبت بواسطة بينسل

اقرا كلامكم اصدق
انزل الاسواق امسك سرى عشان احاسب

المشاركة الأصلية كتبت بواسطة ربحان الكسيبي

البعض مثل الببغاء يكرر الكلام دون علم ازعجتونا بالكوفي الي يقول ب20 والي يقول الكوب 25 مادري من وين جابو الأسعار !!!

الأسعار بعنوان القهوة 8 ريال وهاف مليون 7ريال ودانكن 8 ريال ودكتور كيف 10 والبعض يشتريها من المطاعم مثل ماكدونالدز وكودو ب5 ريال وتراها حلال ومن حر مالة وبالنسبه للزحام الي بالمطاعم اغلبهم استبدال نقاط او باركود عروض استبدال بعد تحميل التطبيق مثل ماكدونالدز وهرفي وغيرة الكثير

المشاركة الأصلية كتبت بواسطة ابو فصيل و شعيل

لا تركز على هالاماكن بس… شف المطاعم الفخمه والكوفي شوبات الغاليه، ما تلقى مكان تجلس فيه

مثال.. مطاعم وكوفي شوبات الواجهه وذا ووك، هذا غير مطاعم الشمال اللي اغلبنا ما يعرفها الا بالسماع بسبب اسعارها الغاااليه

من بعد العيد انعزمت في مطعمين في شمال الرياض، والله صُدمت من البشر اللي داخل المطعمين، هذا غير اللي جالسين ينتظرون دورهم، وكلها بالحجز؟!!!!!

والاسعار ناااااااااار.. ولا تقلي كلهم من الطبقه المخمليه

والليله كنت في كوفي شوب، كل الجلسات فل واسعاره ماهي رخيصه


هذا اللي يخلي الواحد يستغرب من كثرة شكاوي الناس واذا راح الاماكن العامه يشوف العكس، هذا غير محلات الملابس والاثاث

المشاركة الأصلية كتبت بواسطة ربحان الكسيبي

فيه ثلاث نقاط يمكن ما ينتبه لها البعض
1 العائله الي تتعشاء مره ممكن ماعاد تجي لمده 3 أشهر او اكثر
وبالنسبه للأنتظار على المطاعم البعض من مدراء المطاعم يريد ايصال إحاء للناس ان المطعم ممتاز واكله لذيذ لذالك يوجد قائمه انتظار
2 أغلب الي يدور في المجمعات هذي ممكن يكتفي بجلسة كوفي وحلى ولا تتجاوز 100ريال في الغالب لثلاث أشخاص و90% وقت الحساب يقسم الفاتورة على الموجودين وبالخصوص النساء ووقت العشاء تحصل الأشخاص في سروات المطاعم الي لديها قائمة طعام توفير
3 اذا تعرف يووك وذازون و واجهة الرياض أغلب المحلات الي فيها تغلق بشكل نهائي بعد تجربة السوق على أرض الواقع ويجي مستثمر جديد ويقفل بعد تجربه وهكذا
ملاحظة انا صاحب محلات من عام 2001 تقريبا من الصعب الاستمرار هذه الأيام في النشاط التجاري مع إرتفاع الرسوم وكثرة المخالفات وضعف القوة الشرائية ورسوم المواقف وغيرها من الأسباب

المشاركة الأصلية كتبت بواسطة deshm

بركات ارتفاع العقار

المشاركة الأصلية كتبت بواسطة gghhoosstt

وش دخل العقار فيه ؟ .. رواتب دمار الدمار . الاجنبي لايزال شاغر وظايف مرموقه في بعض الشركات بمرتبات مغريه...غلاء فاحش .. ظرايب .. ساهر .. فواتير مدبله اضعاف .. البنزين عشر اضعاف .. السكريات والدخان دبل سعر غير انه غالي من الاول . تأمين سيارات مبالغ بسعره ..هاللي ذكرته مهي تنسف وتظعف القوه الشرائيه ؟