لماذا الناس مشحونة

المشاركة الأصلية كتبت بواسطة اذكرك

ثانياً .. جلوسك في بيئة سلبيه .. تحولك شخص سلبي
السلبيه معدية ... وقاتلة لكل روح جميلة ..
ابعد عن الناس السلبيه .. لأنك تتحول بالتدريج لنسخه منهم بدون تدري ..

من جهه ثانيه .. اليوم حصل معي موقف .. كنت طالعه على المطار .. واللي بيوصلني قريب لي .. شخص في بداية حياته ..عائلته صغيره وظيفته ممتازه ..وماعليه أي ضغوطات مالية ...
لكن طوال الطريق وهو يشتكي ويتبرم .. ومو عاجبه الحال .. في كل شي يتكلم .. وعن أي شي .. بطريقة سوداوية ..
أنا كنت مستمعه .. ( مو دائما الشخص مستعد يقدم حلول أو نصائح أو أو )

الطريق حسيته صار ساعتين (: ...
وقف ياخذ قهوته .. وكان " مُقدم القهوه " .. شخص اسلوبه لبق .. وأخلاقه عالية جداً .. كان مميز في كلامه .. من ترحيب وكلام وخيارات ... حتى أصدر الفاتورة أسلوب قمة في الأدب واللباقه ..
المهم بعدها بدأ اسلوب قريبي يتغير .. صار مبتسم جدأ.. متفائل ... وتغيرت طريقة كلامه ونظرته للحياة .. وصار أكثر هدوء

الشاهد الكلمة الطيبة .. تأثيرها على الناس كبير ..
وللأسف احنا أمة " تفتقر " للحديث الطيب ..
و الابتسامة ..
ماعندنا ثقافة المدح .. ولا التفاؤل ... ولاجبر الخواطر
الأولى يسمونها نفاق ..
والثانيه سذاجة ...
والثالثة غباء

ماننكر الأحوال المعيشية والمشاكل لها دور .. لكن هل تصرفاتك " المشحونة " لها دور في الحل ؟!
حتى ماتعتبر من وسائل التفريغ ..
وسيلة التفريغ تحل مشكله .. مو تزيد المشاكل ...

كانت النتيجة .. أني أجلت رحلتي ورجعت .. كنت متأثرة بنظرته السلبيه وتشبعت فيها ..
" وأسباب ثانيه للأمانه "
لكن لو كانت طاقتي النفسية عاليه .. كنت ممكن أتجاوز الأسباب ..
**
احسنوا الكلام .. وأحسنوا الظنون .. فالحياة قائمة على تبادل العلاقات .. بعد تمام العبادة ..