تذكروا كلامي العقار بعد العيد game over

المشاركة الأصلية كتبت بواسطة hurt73

----------

المشروع لايقبل بنك ، البيع كاش !!

المشروع لم تصدر له صكوك الي اللحظة !!

أكثر المشترين سماسرة عقار لأعادة التأجير أو الطمع بسعر مرتفع للبيع ولكن السوق يحكم !!!

الحاصل جالسين ندور حول حلقة مفرغة ومن يتسبب بتضخم الاسعار مننا وفينا !!!

المعروض بالمنطقة كثير جدا !!

المشاركة الأصلية كتبت بواسطة invinciblex

أسف لك جداً
ما ودي اقولك كذاب
لكن نصيحة لاتتهور في الرد وانت ماتدري.
ولد عمي شاري فيه
والذي لا إله إلا هو ( شفني حلفت ) إن الصك معه وماخذه بالضبط في شهر 11 الميلادي الماضي شهر نوفمبر واذا انت في الرياض تعال حياك الله واوريه لك واذا ماشفته بعيونك تعال واكتب هنا عني كذاب، ابيك بس تقول تم ووالله العلي العظيم لأوريه لك.
والمشروع كان لايقبل البنوك الى شهر اكتوبر الماضي لان الصكوك لسى ماطلعت ومن بعدها طلعت الصكوك في شهر 11 وصار يقبل وطارت بعدها معظم الشقق، وترى مثله مشروع مكين اليرموك ومشروع مكين العارض، قاعد اكلمك عن مطور واحد ماجبت عشرة غيره. اهجدو يرحمنا ويرحمكم الله وبلاش هبد

المشاركة الأصلية كتبت بواسطة hurt73

----------------------------------------

والله العظيم أنك غير صادق لاصكوك بعد للمشروع !!! وبدون أسف

ثانيا الشقق بالمشروع متوفرة سواء بشكل مباشر أو غير مباشر !!! وأنت فاهم كلامي أكيد !!!

وش ذا العالم الي تشتري يوم السبت وتبيع الاحد ؟!!!

ثالثا المنطقة معبيه شقق تمليك طب وتخير !!

المشاركة الأصلية كتبت بواسطة invinciblex

طيب قد كلامك وتجي نتقابل واوريك الصك ؟
اقسم بالله العلي العظيم اوريه لك

ياناس وش هالعالم المريضه ههههههههههه تقول له تعال اوريك ويقول لا ويصر على كذبته

طيب تعال يارجال
لا تجي عندي شخصيا نتقابل عند المشروع في اليوم اللي تبي ونشأت اي واحد طالع من السكان وش قلت ؟ اتحداك ثم اتحداك ثم اتحداك توافق
ليش تكذبون وتكابرون ما افهم وش هالسبب والعناد

المشاركة الأصلية كتبت بواسطة invinciblex

ارض صديقك ماهي مقياس،
اذا الدعوى كذا تعال اوريك مشاريع سكنية كاملة مئات الشقق لمطورين مثل للماجدية واساس مكين والرمز والعجلان ووكن والخالدية وغيرها وغيرها راحت في اقل من سنه، مئااااااات بل قال ألالاف الشقق اذا انت في الرياض حياك الله تعال واخذك وتشوف بنفسك
من اللي قاعد يشتري مئات الشقق هذي؟ الجن ؟ ومن هالعالم اللي معبينها؟ كائنات فضائية؟ هذاني من يومين اقول لهم تعالوا اوريكم مشروع واقف عليه بنفسي 6 عماير 150 شقه راحت في 10 شهور ولا احد تجرأ منهم يقول تم، وش اسوي لهم اكثر من كذا؟ هذا وهو مشروع واحد فقط غيره كثير بس يجون ويشوفون بعيونهم ويخلون النت اللي مافيه الا الهرج اللي من عشر سنين
اذا تبي موقع المشروع ادخل قوقل واكتب اساس مكين مشروع مكين 30 قرطبة وشوف بنفسك

المشاركة الأصلية كتبت بواسطة الهاوي 911

هل تعلم بتاريخ 1444/11/17 اللي هو امس كم صفقة نفذت في وزارة العدل للشقق في الرياض ؟! ثلاث صفقات بقيمة 1.610 مليون
هل تعلم كم صفقة نفذت بتاريخ 1444/11/16 للشقق في الرياض في وزارة العدل 6 صفقات 3.939 مليون

اذا الأرض اللي قلت لك في الحي ماهي مقياس أجل حساباتك ماهي مقياس ولا حتى الصورة التي وضعتها مقياس , أخاف تقول موقع وزارة العدل ماهو مقياس
أنت تتكلم عن الشقق وصفقات الشقق ومن هالكلام نعطيك أرقام من وزارة العدل
شفت الصورة التي انت أوردتها وجئت بها فرحان ,, هي في تاريخ 11 ذو القعدة هل تعلم كم صفقة نفذت في وزارة العدل للشقق ؟! 6 صفقات بقيمة 4.316 مليون
طيب الأراضي كم 140 صفقة بقيمة 150.682 مليون

يالله مازال العرض قائم منها تستفيد سعي وفوقها 20 الف شد حيلك وجيب لصاحبي زبون

المشاركة الأصلية كتبت بواسطة عشير الكرام

معلومه ان شاء الله تكون صادقه نزول في العقار بعد العيد

المشاركة الأصلية كتبت بواسطة ابن سوى 07

معلومه اللي اتوقع تكون الاقرب

نزول وانهيار الاسهم بعد العيد لاسعار كورونا

اما العقار فهو اصل في يد مالكه كالذهب

مهما نزلت قيمته يبقى لامعا ،،،

المشاركة الأصلية كتبت بواسطة hurt73

-----

شف أسمع حركات بووليوود العقارية أصبحت قديمة ، سالفة المشروع خلص من أول يوم أو ثاني يوم معد تمشي !!

أدخل على اي تطبيق عقاري شف كمية العرض بالمشروع !!

رح المكاتب الي حول المشروع يعطونك الشقة الي تبيها بالمشروع الي شاري فيه ولد عمك !!!

ولد عمك سكن ولا شاريها يبي يتربح فيها ؟!! قل الصدق !!

المشاركة الأصلية كتبت بواسطة الهاوي 911

هل تعلم كم صفقة نفذت بتاريخ 1444/11/16 للشقق في الرياض في وزارة العدل 6 صفقات 3.939 مليون