الاسباب الرئيسية لحالات خلع السعوديات لأزواجهن وكثرتها

المشاركة الأصلية كتبت بواسطة اذكرك

موضوع غريب ولا له هدف ايجابي واحد غير الفتنه
أنت تصلي صلواتك الخمس ؟ ماأعرف كيف تصليها أنت وباقي الأقلام المسمومه وتجي بعدها تكتب وتفرق الأسر وتشتتهم ...
بعيب على طرحك أولا بأنه غير صحيح .. لاعلى مستوى الأرقام ولا الواقع

ثانيا ولا سبب حطيته من الرجل وهذا معناه تحيز وينفي مصداقية طرحك
وأنه طرح غير واقعي

ثالثا في الشرع يكفي المرأه أن تكره خلقته حتى تطلب الخلع .. وكان جوابه عليه الصلاة والسلام ( ردي عليه حديقته )
هو الشرع فقط بالتعدد !!



ولو باخذ بكلامك .. واعتبره صحيح ..
مع أني ماأعرف ولا حالة " خلع وحده "
ولا أعرف حالة عزوف عن الزواج ولاحتى طلاق .. الا بسبب قوي .. يمكن من أدب البنت والرجل ستروا على حياتهم

أنا أخصائية شؤون اجتماعية ونفسية وعندي بدل العيادة ٢ شرق وغرب .. وعندي بدل الماستر ثلاث
وأكثر من ٢٠٠ دورة في الإرشاد الأسري والتربوي

- نسبة الرجال المترددين على العيادة ماتتجاوز ١٢ %
- نسبة الرجال اللي عندهم استعداد يتعاونون مع زوجاتهم في حل مشاكلهم ماتتجاوز ٥ %

الطلاق اللي ينتهي فجأه من طرف الزوجه قبل "شهر العسل " أو بعده .. عارف وش سببه ؟؟؟؟؟

على الغالب عيوب أخلاقية في الرجل

تكون المرأه اكتشفت أن الرجل راعي علاقات ويطبطب على عشيقته وتارك زوجته بالحلال تنتظره
أو يكون شايف أن في السفر تسقط المحرمات يصير يشرب ويصير يطلب منها الانفتاح حتى بحجابها مع إنه أكثر شخص ينادي بالحرية الشخصية
لكن عند الحجاب تتوقف هالحريه
أو مو راعي صلاه عادي يجمعها اَخر ساعه من نهار ويشوف نفسه يستحق الشكر
ولما ترجع البنت وتطلب الطلاق وتقرر تستره .. يجي يتحلطم ويشوف نفسه ضحية " فكر نسوي "

تجي تقول المرأه مافيها عيوب ! فيها عيوب "والاقل " حرام تكون زوجة .. لكن هي أقل جرأه بالمجاهرة بالمعاصي خصوصاً في بداية حياتها

ومهما كانت الأنظمه .. ومهما كانت القوانين .. ومهما قالت النساء الطلاق عادي وحق وخرابيط وحياة جديدة و .. و.. والخ
الا أنه موجع للنساء ومؤلم ..
كسر على جميع المستويات
الكتابه في برامج السوشال ميديا .. والظهور في البث كلها مدتها ٥ دقايق .. وترجع الوحده للواقع وهالواقع الا مايظهر بعدين

الانسان السوي .. هو اللي يسمح بأي شعور أنه يخرج مايقاومه .. المقاومه معناها خلل

مافيه امرأه تختار الطلاق الا لسببين لاثالث لهما
عندها سبب قوي ماقدرت تعالجه أو تتعايش معه أو لوثة عقلية .. والأخيرة مالك فيها حاجة ...
وكمان أقولك هم قلة ..

المعذرة بكتب حتى تبطل تسمم عقول بناتنا وشبابنا .. وحلك الوحيد الزواج من برا حتى يخدم النقص اللي فيك ..

بتكلم عن تكاليف الزواج .. اللي شايفها سبب من أسباب العزوف أو الطلاق أو أو

المهر عندنا مايتجاوز ٣٠ ألف وكل القبايل اللي أعرفها وحولنا .. وبنت عمي تزوجت ب ٥ الالاف فقط ... تكاليف البيت العادة يقولون للزوج البيت بوجهك دخلتها على حصير أو على حرير أهل البنت مالهم علاقه وكثير كثير اكتفوا بفرش المطبخ وغرفة النوم والباقي على مهلهم يفرشون الزوجين براحتهم ..
ماسمعت ولاعرفت لامن قريب أو بعيد من شرطت مهر عالي وسفر .. وأزيدك من أول شهرين وخلينا نقول سنه .. تلقاها ساهمت كثير مع زوجها وباعت شي من جهازها حتى توقف معه ..
كل المتزوجات الموظفات اللي أعرفهم مستخرجين قرضين وثلاث لأزواجهم حتى زوجات المعددين .. ويساهمون في البيت وطلباتهم وشايلين ثلاث أرباع المسؤولية يمكن حاله وحده اللي أعرفها وبلغت حدها من النرجسية

نجي للمهم .. أغلبكم أباء وأزواج هنا .. ينظر لزوجته كعبء لكن ماينظر لبنته كزوجة مستقبل ..
سؤالي هل بتجهز بنتك ب ١٠ الالف وترضى تدخل على بيت زوجها بربع فرش ؟
هل لو جاتك وقالت لك زوجي طلب مني أصرف بتقول اصرفي معه ؟؟
مع أنه وجهة نظري أنها تسدد أبوها وأمها .. هم أولى علموها وربوها وأحسنوا تربيتها .. وتجي أنت تاخذها هي وراتبها .. وأحيانا كثير تصدق نفسك و تمنعها منهم ومن زيارتهم عشان تخدم أهلك ..

الزواج أقلهن مؤنه .. ورفقاً بالقوارير .. وخياركم خياركم لأهله قرأتها قبل والا بس الأولى ؟

لما تجي تتكلم عن القضايا الأسريه .. لاتخدم مصلحتك بس .. ولايكون هدفك الا تكامل وتصالح .. وبناء أسرة
والا بيسألك ربي عن قلمك وماتكتب

لكن شغل الحلطمة .. والولولة .. ماأعرف كيف بتربي رجل .. بكامل حقوقه وأنت مو لاقي حقوقك !!!!!

تناقض ..

المشاركة الأصلية كتبت بواسطة ابوهاروون

بعض كلامك فيه مو صحيح المهر عندنا لحاله فقط مايقل 50 الف . بعض الحريم تصبر عليك أول سنه سنتين سكن مع أهلك بعد تصير عليك مثل سكين تبي تستقل
أنتم الإخصائيين الاجتماعين تحاول تغطون المشاكل , ترى الناس تشوف وتعرف مو جاهلها هالشي المحاكم مليانه قضايا تافه لبس وسفر وخرابيط .
تدرين بعض الأسر يشرطون عليك إذا بنتهم ماتوافقت مع أهلك طلعها في بيت مستقل .

المشاركة الأصلية كتبت بواسطة اذكرك

- المهر مسألة اختياريه .. فيه مين يزوجك ب ٢٠ أو ١٠٠ ..
- المسكن المستقل حق للزوجه .. وأريح للجميع ولو أني أميل لبيت العيله والسكن مع الأهل ..

لكن الاَن مايكفي تكون الزوجه عاقله لابد يكون الزوج مقدر هالتضحية وكل من في البيت على قلب واحد . .. واللي تنجح في لم البيت لازم تكون قدرتها عاليه في الصبر وفهم النفسيات .. وتقييم المواقف

- الاخصائي الاجتماعي يبي مشاكل ويبي عيادته تمشي .. مو من مصلحته استقرار المجتمع ولا الأسرة ... وأشباههم في السوشال ميديا ..

المشاركة الأصلية كتبت بواسطة ابوهاروون

مختصر الكلام
المرأة عندنا بالسعودية مدلعه وخذت امتيازات وحقوق ماهي لها بالأساس وهذا بحد ذاته يخلي المرأة تفكر بالخلع مو لعيب في الرجل أو أو .
تفكر بالاستقلالية وأنها لبست بحاجة رجل

المشاركة الأصلية كتبت بواسطة نيولوك

من الاسباب المجهوله
بعض الازواج ما يصرف على زوجته

يبيها تصرف على البيت بعد

الزوجة لو لقيت زوج فيه خير ما راح تفرط فيه
ابد و راح تعطيه وتساعد و تقف معه
كيف لا و هي اعطته اغلى ما تملك

المشاركة الأصلية كتبت بواسطة بدوي مطور

المشاركة الأصلية كتبت بواسطة اذكرك

كم وحده خلعت من مجتمعك أو استقلت ؟ ٤٠ أو ٥٠ ؟

لا امتيازات ولاشي .. كل الشعوب الاسلامية تكرم المرأه

واضح أن الرجال متأثرين .. بتأثير الفكر النسوي أكثر من النساء أتفسهم ..

المشاركة الأصلية كتبت بواسطة saeed44

خف الخلع بشكل كبير من بعد تنظيمات الضمان الاجتماعي والنفقة

المشاركة الأصلية كتبت بواسطة ttt104

منظومة الزواج عندنا غلط وتضع كل شي على الرجل من مهر وتكاليف زواج وديون بينما المراءة تدخل الزواج بعضوها التناسلي فقط ...مثل ما قال احد الاعضاء


الامر الثاني في حالة الانفصال والنفقة لاينضر القاضي لدخل الام مهما كان ..... يعني لك ان تتخيل ان زوجتك موظفة براتب 30 الف وانت حارس امن براتب 3000 ريال وحصل انفصال ف انت ملزم بالنفقة على الام والاطفال وملزم بتوفير سكن لهم ولن ينضر القاضي لدخل الام .......