فيه ولد طفران راح لابوه وقاله : عطني 15 ريال,,ودي
اشتري كوره
الاب : أقول إنقلع عني تراها واصله معي
الولد : تكفا يبه,,بس 15 ريال والا اقولك خلها عشرة ريال
الاب : ماعندي فلوس ... إذا تبي فلوس رح بع الديك حقك المريض
اللي بالحوش ..
الولد :بس هذا مريض ومحد بيشتريه
الاب : ماعلي منك,,,دبر نفسك
والله الولد استسلم للأمر الواقع واخذ الديك
أول واحد قابله في وجهه اكيد أبوه....قاله الولد: تشتري الديك؟
الاب : اقول بتنقلع عني ولا أقوم اتوطا في بطنك؟
الولد :خلاص خلاص لاتنفخ طلع الولد من البيت ومعه الديك في محاوله
يائسه إن الديك ينباع عرض الديك على أهل الحاره كلهم ولا واحد فيهم
قبل إنه يشتري الديك قال الولد: ممممممممم, والله مالي إلا
فلانه,,عقلها خفيف وأكيد بقدر ألعب عليها بسهوله فلانه هذي
وحده متزوجه بس للاسف تلعب من وراء زوجها
راح لها الولد عشان يبيع عليها الديك
الولد :تشترين الديك تكفين؟
هلا والله بحبيبي .. تعال أدخل نتفاهم
الولد :اقول مانيب فاضي لك .. خذي مني الديك وخليني اروح
تروح مين ياعمري!! انا ماصدقت شفتك
الولد : خذي مني الديك وخليني أنقلع
شوي الا الباب يدق خافت الحرمه وقالت للولد تعال إندعس هنا في
الدولاب لايطلع زوجي ثم نروح فيها.
حطت الولد في الدولاب وراحت فتحت الباب إلا وطلعلها صديقها اللي
تخون زوجها معاه ..
الحرمه:هلا والله بعمري وحياتي
الرجال: يا هلا فيك عمري , ماكمل الرجال كلمته إلا والباب يطق
الحرمه: ياويلي ويلاه,,هذا شكله زوجي,,,تعال وادخل في الدولاب
دخل خوينا في الدولاب وفجاه في عز الظلام سمع صوت يكلمه داخل
الدولاب ويقوله: تشتري الديك؟
الرجال: اصصصصصصصص,,,,اقصر صوتك الله يرحم والديك لاتفضحنا
الولد :أقول تشتري الديك؟
الرجال: ياخوي خلاص بشتري الديك بس قصر حسك تكفى,,,
الولد :طيب
الرجال: بس بكم تبيعه؟
الولد :ب100 ريال
الرجال: ايش!!!!!!!!!!!! هالديك المنتوف المريض ب 100ريال!!!!!!!!!!!!
الولد :تبي تشتري وإلا ارفع صوتي؟
الرجال: لا لا خلاص,,ابشتري وأمري لله جلسوا 5 دقايق
الولد :تبيع الديك؟
الرجال: توك بايعه علي يابن الحلال!!
الولد :تبيعه علي وإلا ارفع صوتي؟
الرجال: لا لا خلاص,,اببيعه وأمري لله,,بكم تشتريه؟
الولد :بريال
الرجال: وش تبيني أقول!! تبيني أبكي وإلا أشقق هدومي,,,,يالله خذ
الديك وببلاش بعد ,
اخذ الولد الديك شوي إلا الحرمه فاتحه عليهم الدولاب
وقالت لهم: يالله بسرعه انحاشوا دام إن زوجي في الحمام,,
بس واحد وراء الثاني وبشويش عشان لايحس فيكم زوجي
طلع الرجال وانحاش ولحقه الولد بعده ب5 دقايق المهم,,,قام الولد
يتمشى في الشارع وهو مستانس إن صار معاه فلوس .. بعدين راح
للبيت يوم دخل البيت شاف ابوه قدامه .. راح قال لابوه: تشتري الديك؟
الأب ناظر فيه والشرار طالع من عيونه وقاله: مايكفيك يابن (??)
12-01-2007, 09:04 PM
