هذا ثاني مقهى له يقفل فرعه بالملقا
وامس واحد منزل اعلان تأجير محل بالملقا بمليون وشوي عند العمارة اللي فيها مطعم زوما واللي اغلبها محلات فاضية ومالقى مستأجر مع ان زمان المحلات اللي موقعها زين ماتقعد وماتحتاج اعلان
لازم المستثمر يعرف ان التاجر ماعنده استعداد يكد عليه وهو ماراح يقدر يحقق ربح
والايجارات المرتفعة تاكل كل الدخل وكل مارفع التاجر اسعار السلع يعزف عنه الناس
اتذكر العام الماضي عضو نزل رد عن طوابير الناس بمقهى بحي حطين اللي فيها سو رس
شوفوا اللحين الجادة كلها فاااضيه وفيها كم محل للايجار والمقهى اللي كان زحمة امس الساعة 11 الليل مافيه احد جالس
والسوق تشبع من المقاهي ومجمعات المطاعم وصار بكل مجمع مقاهي مطاعم قاعده تبنى والسؤال هل تقدر تستمر